Connect with us

Hi, what are you looking for?

LuduNwayOo

ဗီဒီယို

သွေးကျဲဆေးအပါအဝင် ကိုဗစ်လူနာအတွက်အရေးကြီးတဲ့ ဆေးနဲ့ ဆေးပစ္စည်းတွေ ပြတ်နေ

အလှူရှင်အချို့က ဆေးအမှန်တကယ်လိုနေသူတွေကို လှူပေးနေတာ တွေလည်းရှိတယ်လို့ သွေးကျဲဆေးလှူတဲ့ နေရာမှာ ဆရာဝန်ထောက်ခံစာနဲ့ ဆေး ၂ လုံးရခဲ့တဲ့ လူနာရှင်တစ်ဦးက ပြောပါတယ်။

ကိုဗစ်လူနာတစ်ချို့ကုသရေးမှာလိုအပ်တဲ့ သွေးကျဲဆေးအပါအဝင် ကုသရေးအတွက်လိုအပ်တဲ့ ဆေးနဲ့ ဆေး ပစ္စည်းတွေ စျေးကွက်ထဲမှာ ပစ္စည်းပြတ်လပ်နေပါတယ်။

သွေးကျဲဆေးရဖို့ အင်နဲ့အားနဲ့ ပတ်ရှာတာတောင်အတော် ခက်ခဲနေကြောင်း၊ အင်တာနက်မှာ ဆေး ရတဲ့နေရာတွေ ရေးနေကြပေမယ့် တကယ်တမ်း မရတာကြောင့် အမှာစာတင်ထားပြီး ဆေးစောင့်နေရတယ်လို့ သွေးအဖြေရပြီး ၂ ရက်ကြာတဲ့တိုင် ဆေးရှာမရလို့အခက်ကြုံနေတဲ့ လူနာရှင်တစ်ဦးက ပြောပါတယ်။

ကိုဗစ်ရောဂါကူးစက်ခံရတဲ့လူနာတွေမှာ ရောဂါပိုးနဲ့ ကိုယ်ခံအားတိုက်ခိုက်လို့ သွေးကြောနံရံတွေ ရောင်ရမ်းတာ၊ သွေးတွင်းအောက်စီဂျင်ကျလို့ သွေးကြောနံရံတွေ ပျက်ဆီးတာ၊ အောက်စီဂျင်ကျမှာစိုးရတဲ့အတွက် မလှုပ်မရှား နေရတာတွေက သွေးခဲစေနိုင်တာ ဖြစ်ပါတယ်။

လူနာရဲ့ သွေးခဲမှုအခြေအနေကို သွေးဖောက်စစ်ဆေးပြီးတော့ သိနိုင်ပြီးတော့ သွေးအဖြေကိုမူတည်ပြီး ဆရာဝန် က လိုအပ်သလို ဆေးထိုးဖို့ ညွှန်ကြားတာဖြစ်ပြီး သွေးစစ်မကြည့်ဘဲ အောက်စီဂျင်ကျယုံနဲ့ သွေးကျဲဆေး ထိုးတာကြောင့် ချောင်းဆိုးရင်သွေးပါတာ၊ သွေးခြေတွေဥလာတာ၊ ဝမ်းမည်းမည်းတွေသွားတာ စတာတွေ ဖြစ်လာရတယ်လို့ ကိုဗစ်ရောဂါပညာပေးတွေရေးနေတာ ဒေါက်တာဘုန်းစည်သူလွင်က ရေးထားပါတယ်။

သွေးကျဲဆေးဟာ အောက်စီဂျင်တက်အောင်ပေးတဲ့ဆေးမဟုတ်သလို၊ ကိုဗစ်ရောဂါကို သတ်ပေးတဲ့ဆေးမဟုတ် ဘူးလို့လည်း ဒေါက်တာ ဘုန်းစည်သူလွင်က ရေးထားပါတယ်။

ဆေးဆိုင်တစ်ချို့မှာတော့ သွေးကျဲဆေးကို တစ်ဦး ဆေး ၂ လုံးစီ ခွဲတန်းချ ရောင်းချပေးနေတာတွေရှိပြီး ဒီကနေ့ ညနေပိုင်းမှာတော့ ရွှေအိုးဆေးဆိုင်အချို့မှာ ဆရာဝန်ဆေးစာ ဒါမှမဟုတ် သွေးရလဒ်အဖြေပြပြီးဝယ်နိုင်တယ်လို့ ကြေညာထား ပါတယ်။ လူနာအသက်တွေအတွက် အရေးကြီးတဲ့ဆေးဖြစ်လို့ ကြိုဝယ်တာတွေ၊ ပြန်ရောင်းဖို့ လိုက်ဝယ်တာမျိုးမလုပ်ဖို့လည်း မေတ္တာရပ်ခံထားတာ တွေ့ရပါတယ်။

အလှူရှင်အချို့က ဆေးအမှန်တကယ်လိုနေသူတွေကို လှူပေးနေတာ တွေလည်းရှိတယ်လို့ သွေးကျဲဆေးလှူတဲ့ နေရာမှာ ဆရာဝန်ထောက်ခံစာနဲ့ ဆေး ၂ လုံးရခဲ့တဲ့ လူနာရှင်တစ်ဦးက ပြောပါတယ်။

လက်ရှိ မြန်မာနိုင်ငံမှာ ကိုဗစ်တတိယလှိုင်းဖြတ်သန်းနေရချိန်မှာ အောက်စီဂျင်ရှာရတာ၊ တန်းစီရတာအပြင် အောက်စီဂျင်ပိုက်၊ အောက်စီဂျင် မက်စ်၊ အောက်စီမီတာ၊ ဆေးနဲ့ ဆေးပစ္စည်းတွေပါပြတ်လတ်နေတာကြောင့် လူနာရှင်တွေမှာ နေအိမ်မှာကုသနိုင်ရေးအပြင် လူနာအတွက်လို အပ်တာတွေရဖို့ စိတ်ဖိစီးနေရတာဖြစ်ပါတယ်။

ပြီးတော့လည်း အခုရက်ပိုင်းမှာဆိုရင် လူနာတွေ သွေးပြစ်ခဲမှုအခြေအနေစစ်ဆေးဖို့ ဓာတ်ခွဲစမ်းသပ်တာကို ရန်ကုန်မှာရှိတဲ့ ဓာတ်ခွဲခန်းအားလုံးနီးပါးက လုပ်မပေးနိုင်ကြတော့ပါဘူး။

သွေးပြစ်၊ မပြစ်စစ်ဆေးတဲ့ D-dimer စစ်တဲ့ ပစ္စည်းပြတ်နေတာ ကြောင့် စစ်မပေးနိုငတော့တာလို့ အိမ်အရောက် သွေးဖောက်ဓာတ်ခွဲတာတွေလုပ်ပေးနေတဲ့ လုပ်ပေးနေတဲ့ အာရှတော်ဝင်ဆေးရုံ ဓာတ်ခွဲခန်းကျွမ်းကျင်တစ်ဦးက ပြောပါတယ်။

You May Also Like

နိုင်ငံတကာ

လောလောဆယ်မှာ ကိုဗစ်ရောဂါရဲ့ သဘောသဘာဝဟာ စပ်ကူးမတ်ကူး ကာလမျိုးကို ဖြတ်သန်း ဝင်ရောက်နေဆဲဖြစ်ပြီး အလေးထား စောင့်ကြည့်မှုတွေ ဆက်လက် လိုအပ်နေတယ်လို့ ကော်မတီက မှတ်ချက် ပေးခဲ့ပါတယ်။

နိုင်ငံတကာ

တရုတ်နှစ်သစ်ကူးကို အကြောင်းပြုပြီး ဒေသတချို့မှာ ရောဂါ ဖြစ်ပွားနှုန်း တိုးလာတာမျိုး ကြုံကောင်း ကြုံရနိုင်ကြောင်း၊ ဒါပေမဲ့ နောက်တစ်ကြိမ် ကိုဗစ်ကူးစက်မှုလှိုင်း အကြီးအကျယ် ရိုက်ခတ်တာမျိုးကတော့ လာမယ့် လပိုင်းတွေအတွင်း မဖြစ်နိုင်လောက်တော့ကြောင်း ဝူက မှတ်ချက် ပေးခဲ့ပါတယ်။

နိုင်ငံတကာ

တရုတ် အာဏာပိုင်တွေကတော့ အခုအခါမှာ ကိုဗစ် ကူးစက်မှုနှုန်းဟာ အမြင့်ဆုံး အဆင့်ကို ကျော်လွန်ခဲ့ပြီးပြီလို့ ယုံကြည်ယူဆကြောင်း ပြောပါတယ်။ တရုတ်နိုင်ငံဟာ ကူးစက်နှုန်း အရမ်းမြန်တဲ့ Omicron ဆင့်ကဲမျိုးကွဲ ကိုရိုနာဗိုင်းရပ်စ် တစ်မျိုးရဲ့ ဒဏ်ကို ခံနေရတာပါ။

သတင်း

ကမ္ဘာ့ကျန်းမာရေးအဖွဲ့(WHO)၏ စာရင်းများအရ ပြီးခဲ့သည့် တစ်ပတ်အတွင်း တစ်ကမ္ဘာလုံးတွင် COVID-19 လူနာသစ်ဖြစ်ပွားမှု မြင့်တက်​နေသည်။