😷 ကိုဗစ်နလန်ထချိန်မှာ ဘာတွေစားရမလဲ 🍜

🍲 ကိုဗစ်လူနာတွေမှာ အထူးသဖြင့် အစားသောက်ပျက်ထားတဲ့ ရက်ရှည်ရောဂါခံစားခဲ့ရသူတွေနဲ့ သက်ကြီးရွယ်အိုတွေဟာ နလန်ထချိန်မှာ အဟာရပြည့်ပြည့်ဝဝ စားဖို့အရေးကြီးပါတယ်။

💧 အဓိကကတော့ တစ်နေ့ ရေ ၂ လီတာအနည်းဆုံးသောက်ပါ။

🥩 အသား၊ 🐟 ငါး တစ်ရက်ကို တစ်ဆယ်ကျပ်သား စားပါ။

🥚 ကြက်ဥကိုလည်း နေ့တိုင်းစားပေးဖို့လိုပါတယ်။

Public Service Announcement

🥛 ပဲ၊ နို့၊ အဟာရမှုန့် တစ်ခုခုကို တစ်ဖန်ခွက်နီးပါး ၂၀၀ ml သောက်ပါ။

🥬 အစိမ်းရောင်အရွက် တစ်ခုခုအမြဲပါအောင်စားပါ။

🥭 အရည်ရွှမ်းတဲ့အသီး တစ်ခုခုကို ၂ လုံး ဒါမှမဟုတ် ပန်းကန်လုံး ၂ လုံးစာ စားပေးပါ။

🥟 ထမင်း၊ ဖက်ထုပ်၊ ခေါက်ဆွဲ၊ ကြာဇံ တို့ကိုလည်း စားနိုင်သလောက်စားပါ။

🫕 ဟင်းတွေချက်ရာမှာလည်း ဂျင်း၊ ဆနွင်း၊ ငရုပ်ကောင်း၊ ကြက်သွန်ဖြူ၊ အစေ့အဆန်၊ မန်ကျည်းအနှစ် တွေကို ထည့်သုံးပါ။
🍛 နေ့စဉ်စားသမျှထဲ အဲဒါတွေပါပါစေ။

🍳 အစားသောက်တွေ ချက်ပြုတ် ပြင်ဆင်ရာမှာတော့ သံလွင်ဆီနဲ့ နေကြာဆီတွေကို ဦးစားပေးသုံးဖို့သင့်ပါတယ်။

❌ ရှောင်ရမယ့်အစားအစာတွေလည်းရှိပါတယ်။

🥤 အချိုရည်တွေ၊ ငန်တဲ့အစားအစာတွေ၊ ဟင်းအနှစ်တွေ၊ လက်ဖက်သုပ်၊ ကလီစာတွေ၊ ဝက်အူချောင်း၊ ကြက်အူချောင်းနဲ့ အသင့်စားတွေကို မစားသင့်ပါဘူး။

ကိုးကား – ဒေါက်တာဝင်းဝင်းမြင့် (အာဟာရဆိုင်ရာ အထူးကုဆရာဝန်ကြီး)