ချင်းတိုင်းရင်းသားလက်နက်ကိုင်အဖွဲ့ဖြစ်သည့် ချင်းအမျိုးသားတပ်ဦး(CNF) လက်အောက်ခံ ချင်းအမျိုးသားတပ်မတော်(CAN)နှင့် ချင်းဒေသကာကွယ်ရေးအဖွဲ့(CDF) တို့ပူးပေါင်းပြီး ချင်းပြည်နယ် ထန်တလန်မြို့နယ်ရှိ မြန်မာ-အန္ဒိယနယ်စပ်မှ စစ်ကောင်စီ၏ လုံလဲရ်ကျေးရွာတပ်စခန်းကို တိုက်ခိုက်သိမ်းပိုက်ခဲ့သော ဗီဒီယိုဖိုင် ကို ဒေသတွင်းသတင်းမီဒီယာတစ်ခုဖြစ်သော Khumiland News ဖေစ်ဘွခ်တွင် ယနေ့ထုတ်လွှင့်လိုက်သည်။
ထန်တလန်မြို့နယ် လုံလဲရ်ကျေးရွာရှိ စစ်ကောင်စီအခြေစိုက်စခန်းကို အင်အား ၂၀၀ ကျော်ဖြင့် စက်တင်ဘာ ၁၀ ရက်စတင်တိုက်ခိုက်ရာ စစ်ကောင်စီဘက်က တိုက်လေယာဉ်အသုံးပြု ပစ်ခတ်သဖြင့် ပြန်လည်ဆုတ်ခွာခဲ့သည်။
သို့သော် စက်တင်ဘာ ၁၁ရက် ညပိုင်း၌ အဆိုပါ စခန်းကို အင်အား ၄၀၀ ကျော်ဖြင့် ထပ်မံ တိုက်ခိုက်ရာ နာရီအနည်းငယ် အကြာတွင် စခန်းကို သိမ်းပိုက်နိုင်ခဲ့ကြောင်း CDFက ထုတ်ပြန်လိုက်သည်။
အဆိုပါ စခန်းသိမ်းတိုက်ပွဲတွင် စစ်ကောင်စီဘက်မှ ၁၂ဦးသေဆုံးပြီး ချင်းလက်နက်ကိုင်တပ်ဖွဲ့များဘက်က ၈ဦးဒဏ်ရာရကြောင်း CDF ထုတ်ပြန်ချက်၌ ဖော်ပြ သည်။
Public Service Announcement
ယင်းတပ်စခန်းမှ လက်နက်ခဲယမ်းများသိမ်း ဆည်းရရှိခဲ့ပြီး စခန်းကိုလည်း မီးရှို့ဖျက်ဆီးခဲ့ကြောင်း ထုတ်ပြန်သည်။ချင်းပြည်နယ်တွင် ယမန်နေ့က CDF က သိမ်းပိုက်တိုက်ခိုက်သော လုံလဲရ်စခန်းသည် မြန်မာ-တရုတ်နယ်စပ်တွင် တည်ရှိပြီး စစ်ရေးအရ အရေးပါသော စခန်းဖြစ်သည်။
