မန္တလေးမြို့ရှိ ဆန္ဒပြသပိတ်စစ်ကြောင်း အသီးသီးကဦးဆောင်သူတွေ ကို စစ်ကောင်စီတပ်ဖွ့ဝင်တွေဟာ နောက်ယောက်ခံလိုက်ကာ လိုက်လံဖမ်းဆီးမှုတွေပြုလုပ်နေပါတယ်။
ဆန္ဒပြနေချိန် ဝင်ပြီး ဖမ်းဆီးတာမျိုးမဟုတ်ဘဲ ဆန္ဒပြပြီးအပြန်မှာ လိုက်လံနောက်ယောင်ခံလိုက်ပြီး ဖမ်းဆီးတာမျိုးတွေပြုလုပ်နေတာဖြစ်တယ်လို့ ဆန္ဒပြသူတွေကပြောပါတယ်။
မနေ့က စက်တင်ဘာလ ၃၀ရက်က တပစစစ်ကြောင်းမှာလိုက်ပါတဲ့ ၄ ဦး ဖမ်းဆီးခံခဲ့ရတာရှိပါတယ်။၃ ဦးကိုသူတို့နေထိုင်တဲ့ နေအိမ်ကိုဝင်ရောက်ဖမ်းဆီးတာဖြစ်ပြီး ကျန် ၁ဦးကိုအခြားနေရာ မှာ ဖမ်းမိခဲ့တာပါ။
ဒါ့အပြင် ပြီးခဲ့တဲ့ စက်တင်ဘာလ ၂၈ရက်ကလည်း သံဃာသမဂ္ဂသပိတ်စစ်ကြောင်းကနေ လိုက်ပါဆန္ဒပြလေ့ရှိသူ ကင်းဝန်မင်းကြီးကျောင်းတိုက်က ဆရာတော် ၁ ပါးကိုလည်း ဝင်ရောက်ဖမ်းဆီးခဲ့ပါတယ်။
စစ်တပ်အာဏာသိမ်းပြီး ၈လကြာတဲ့အထိ မန္တလေးမှာ ဆန္ဒပြသပိတ်စစ်ကြောင်းတွေဟာ နေ့စဉ်ဆန္ဒဖော်ထုတ်လျက်ရှိနေတာပါ။