မျိုးဆက်သစ်တွေရဲ့ အနာဂတ်လှပဖို့အတွက် ရှိသမျှ အင်နဲ့အားနဲ့တိုက်ပွဲဝင်ကြဖို့ ကရင်နီအမျိုးသားတိုးတက်ရေးပါတီ (KNPP) ဥက္ကဋ္ဌ ခူဦးရယ်က ဒီနေ့မှာစတင်ကျင်းပတဲ့အမျိုးသားညီညွှတ်ရေးအတိုင်ပင်ခံကောင်စီ ရဲ့ ညီလာခံအဖွင့်မှာ တိုက်တွန်းလိုက်ပါတယ်။
တော်လှန်ရေးဟာ ဒီမိုကရေစီအရေးတင်မကဘဲ အမျိုးသားတန်းတူရေးနဲ့ကိုယ်ပိုင်ပြဌာန်းခွင့်အတွက် ရည်သန်ပြီး ဆောင်ရွက်နေကြတာလို့လည်းဆိုပါတယ်။
ဒါအပြင် လက်ရှိကာလဟာ လက်နက်ကိုင်တော်လှန်ရေးနဲ့ လူထုတော်လှန်ရေးကို ပေါင်းစပ်ပြီးအရှိန်အဟုန်နဲ့တော်လှန်ကြတဲ့ကာလဖြစ်တယ်လို့လည်းခူဦးရယ်က ပြောပါသေးတယ်။
