အကြမ်းဖက်စစ်ကောင်စီပြုလုပ်သည့်ပျော်ပွဲရွှင်ပွဲများကို မသွားရန် မြို့ပြပြောက်ကျားအဖွဲ့များအပါအဝင် တော်လှန်ရေးအင်အားစုများက မေတ္တာရပ်ခံထားသော်လည်း ပြည်သူ့ရင်ပြင်၌ ပြုလုပ်သည့် တန်ဆောင်တိုင်မီးထွန်းပွဲတော်နှင့် ဈေးရောင်းပွဲကို သွားလာသူအချို့ရှိခဲ့သည်။
အကြမ်းဖက်စစ်ကောင်စီက နိုဝင်ဘာ ၄ ရက်မှ ၇ ရက်အထိ ယင်းပွဲတော်ကို ပြုလုပ်နေခြင်းဖြစ်ပြီး ဖျော်ဖြေရေးအစီအစဉ်များလည်း ထည့်သွင်းထားသည်။
ဈေးဆိုင်ခန်း တစ်ရာခန့် နှင့် အမှတ်တရ ဓာတ်ပုံရိုက်ကူးရန် ပြင်ဆင်ပေးထားသော်လည်း လာရောက်လည်ပတ်သူ ခပ်ကျဲကျဲသာရှိခဲ့သည်။
စစ်ကောင်စီက သီတင်းကျွတ်ကာလကလည်း ယင်းနေရာ၌ ပျော်ပွဲရွှင်ပွဲများပြုလုပ်ခဲ့သည်။