Connect with us

Hi, what are you looking for?

LuduNwayOo

ဗီဒီယို

စစ်ပွဲကာလအတွင်း ဗြိတိန်ကို ပထမဆုံးအကြိမ် ယူကရိန်း သမ္မတရောက်ရှိ

ဇီလန်စကီးရဲ့ ခရီးစဉ် အတောအတွင်း ဗြိတိန် အစိုးရဟာ ရုရှားအပေါ် အရေးယူ ပိတ်ဆို့မှုတွေ ထပ်မံ ထုတ်ပြန်သွားမယ်လို့လည်း ယုံကြည်ရပါတယ်။

စစ်ပွဲ ကာလအတွင်း ပထမဆုံး အကြိမ်အဖြစ် ယူကရိန်း သမ္မတ ဗိုလိုဒီမာ ဇီလန်စကီးဟာ ဗြိတိန်နိုင်ငံကို သွားရောက်ရှိလာပါတယ်။

ဇီလန်စကီးဟာ ဖေဖော်ဝါရီ ၈ ရက်မှာ လန်ဒန်မြို့ကို ရောက်ရှိလာပြီး ဝန်ကြီးချုပ် အိမ်တော်မှာ ဗြိတိန် ဝန်ကြီးချုပ် ရီရှီဆူနက်ခ်နဲ့ တွေ့ဆုံမှာ ဖြစ်ပါတယ်။ အဲဒီနောက် သူဟာ ဗြိတိန် လွှတ်တော်မှာ မိန့်ခွန်းပြောဖို့လည်း စီစဉ်ထားပါတယ်။

ဇီလန်စကီးရဲ့ ခရီးစဉ် အတောအတွင်း ဗြိတိန် အစိုးရဟာ ရုရှားအပေါ် အရေးယူ ပိတ်ဆို့မှုတွေ ထပ်မံ ထုတ်ပြန်သွားမယ်လို့လည်း ယုံကြည်ရပါတယ်။

ဇီလန်စကီးဟာ ပြီးခဲ့တဲ့နှစ်၊ ဖေဖော်ဝါရီ ၂၄ ရက်မှာ ရုရှားတပ်တွေက ယူကရိန်းကို ကျူးကျော် စစ်ပြုခဲ့တဲ့ အချိန်ကစပြီး ပြည်တွင်းမှာပဲ တောက်လျှောက်နီးပါး ရှိနေခဲ့ပါတယ်။ သူဟာ အဲဒီ စစ်ပွဲ ကာလအတွင်း ဗြိတိန် မတိုင်ခင်မှာ အမေရိကန် တစ်နိုင်ငံတည်းကိုပဲ နေ့တစ်ဝက်လောက် သွားရောက်ခဲ့ဖူးပါတယ်။

Public Service Announcement

Public Service Announcement

သူဟာ စစ်ပွဲစပြီး တစ်လလောက်အကြာ မတ်လမှာတုန်းက ဗြိတိန် လွှတ်တော် အမတ်တွေကို အွန်လိုင်းကနေတဆင့် မိန့်ခွန်း ပြောခဲ့ဖူးပေမယ့် အခုတစ်ကြိမ်မှာတော့ လွှတ်တော်ထဲထိ ရောက်လာတော့မှာ ဖြစ်ပါတယ်။

ဗြိတိန်ဟာ တခြား အနောက်မဟာမိတ် နိုင်ငံတွေနည်းတူ စစ်ပွဲတလျှောက် ယူကရိန်းကို စစ်လက်နက်နဲ့ ငွေကြေးတွေ ထောက်ပံ့နေခဲ့ပါတယ်။ နောက်ပြီး အနာဂတ်မှာလည်း NATO မဟာမိတ် အဖွဲ့ရဲ့ တိုက်လေယာဉ်တွေကို ယူကရိန်း လေယာဉ်မှူးတွေ မောင်းနှင်နိုင်အောင် ဗြိတိန်မှာ သင်တန်းပေးမယ့် အစီအစဉ် အသစ်တွေ ကြေညာထားပါသေးတယ်။

ဗြိတိန် အစိုးရရဲ့ အဆိုအရ ယူကရိန်း စစ်သားတွေကို ကဏ္ဍပေါင်းစုံအတွက် လေ့ကျင့်ပေးမှုတွေကို အခုနှစ်မှာ အရှိန်မြှင့်တင်ပြီး စုစုပေါင်း ယူကရိန်း စစ်သည် ၂၀၀၀၀ လောက်ထိကို လက်ခံပေးသွားမယ်လို့ သိရပါတယ်။

ဆက်စပ်သတင်းများ

နိုင်ငံတကာ

ဇီလန်စကီးကတော့ ရုရှားတပ်တွေ သိမ်းယူထားတဲ့ ယူကရိန်းပိုင်နက် နယ်မြေအားလုံး ပြန်မရမချင်း သူဟာ ပူတင်နဲ့ စစ်ပွဲရပ်ဆိုင်းရေးကိစ္စ ဆွေးနွေးဖို့ မဖြစ်နိုင်ကြောင်း တွင်တွင် ငြင်းဆိုထားပါတယ်။

နိုင်ငံတကာ

ဇီလန်စကီးရဲ့ အဆိုအရ မတ်လ တစ်လတည်းမှာတင် ယူကရိန်း နိုင်ငံအနှံ့ ရုရှားရဲ့ လေဟုန်စီးဗုံး အလုံးပေါင်း ၃၀၀၀ ကျော် ကြဲချခဲ့တယ်လို့ သိရပါတယ်။

ဘာသာပြန် ဆောင်းပါး

အဇက်ဒ်က ဇိုလန်း PDF အဖွဲ့ဝင်တွေကို စနိုက်ပါ လက်ဖြောင့်ရိုင်ဖယ် ပစ်ခတ်နည်းနဲ့ ခြေလျင်တပ်သားတွေအတွက် လိုအပ်တဲ့ လေ့ကျင့်မှုတွေ ထောက်ပံ့သင်ကြားပေးရုံသာ မကဘဲ ကင်းထောက်နဲ့ တခြားစစ်ရေး တာဝန်တွေကိုပါ တွဲယူထားတယ်လို့ ဆိုပါတယ်။

နိုင်ငံတကာ

အီရန် မီဒီယာတွေကလည်း ရိုင်ဆီ သေဆုံးသွားပြီလို့ ဖော်ပြကြပေမယ့် အစိုးရဆီက တရားဝင် ကြေညာချက်တော့ ထွက်ပေါ်မလာသေးပါဘူး။