Connect with us

Hi, what are you looking for?

LuduNwayOo

နိုင်ငံတကာ

အာဏာရပါတီ ညီလာခံ ပိတ်ပွဲကနေ တရုတ် သမ္မတဟောင်း ထပြန်

ဟူဟာ တရုတ်သမ္မတအဖြစ် ၂၀၀၂ ခုနှစ်ကနေ ၂၀၁၂ ခုနှစ်ထိ တရုတ် သမ္မတအဖြစ် ၁၀ နှစ်ကြာ တာဝန် ထမ်းဆောင်ခဲ့ဖူးပါတယ်။ အခမ်းအနား တက်ရောက်လာချိန်မှာ ဟူဟာ အတော်လေး အိုမင်းနေပြီး ဆံပင်တွေ ဖြူနေတာကိုလည်း တွေ့ရပါတယ်။

အာဏာရပါတီ ညီလာခံ ပိတ်ပွဲကနေ တရုတ် သမ္မတဟောင်း ထပြန်
အာဏာရပါတီ ညီလာခံ ပိတ်ပွဲကနေ တရုတ် သမ္မတဟောင်း ထပြန်

တရုတ် အာဏာရ ကွန်မြူနစ် ပါတီရဲ့ ပြည်လုံးကျွတ် ညီလာခံ ပိတ်ပွဲ အခမ်းအနားမှာ သမ္မတဟောင်း ဟူဂျင်တောင်က ရုတ်တရက် ထွက်ခွာသွားခဲ့ကြောင်း သိရပါတယ်။

အသက် ၇၉ နှစ်အရွယ် ဟူဟာ အစောပိုင်းတုန်းက ပေါ်လစ်ဗျူရို အမြဲတမ်း အဖွဲ့ဝင်တွေ ထိုင်ခွင့်ရတဲ့ ရှေ့ဆုံးတန်းမှာ လက်ရှိ သမ္မတ ရှီကျင့်ဖျင်နဲ့အတူ ထိုင်နေခဲ့ပါတယ်။ နောက်တော့ သူဟာ ရှီရယ်၊ ဝန်ကြီးချုပ် လီကီကျန်းရယ်နဲ့ ခပ်တိုးတိုး စကားပြောပြီးတဲ့နောက် လုံခြုံရေး တစ်ဦးရဲ့ အကူအညီနဲ့ ဘေဂျင်းမြို့ မဟာပြည်သူ့ ခန်းမဆောင်ထဲကနေ ထွက်ခွာသွားခဲ့ပါတယ်။

ဟူက ဝန်ကြီးချုပ် လီရဲ့ ပခုံးကို လက်နဲ့ အသာပုတ်သွားခဲ့ပြီး သူဘာကြောင့် ထွက်သွားတယ် ဆိုတာကိုတော့ ကွန်မြူနစ် ပါတီက မှတ်ချက် မပေးခဲ့ပါဘူး။ သမ္မတဟောင်းရဲ့ မျှော်လင့်မထားတဲ့ ထွက်ခွာသွားမှုကို အခမ်းအနားတက်ရောက် သတင်းယူနေတဲ့ နိုင်ငံတကာ မီဒီယာတွေလည်း သတိပြုမိခဲ့ကြပါတယ်။

ဟူဟာ တရုတ်သမ္မတအဖြစ် ၂၀၀၂ ခုနှစ်ကနေ ၂၀၁၂ ခုနှစ်ထိ တရုတ် သမ္မတအဖြစ် ၁၀ နှစ်ကြာ တာဝန် ထမ်းဆောင်ခဲ့ဖူးပါတယ်။ အခမ်းအနား တက်ရောက်လာချိန်မှာ ဟူဟာ အတော်လေး အိုမင်းနေပြီး ဆံပင်တွေ ဖြူနေတာကိုလည်း တွေ့ရပါတယ်။

အသက် ၆၉ နှစ်အရွယ် လက်ရှိ သမ္မတ ရှီကတော့ သူ့ရဲ့ တတိယမြောက် ၅ နှစ် သမ္မတ သက်တမ်းကို အခုအခမ်းအနားမှာ ကြေညာမယ်လို့ ကျယ်ကျယ်ပြန့်ပြန့် ထင်ကြေး ပေးခံထားရပါတယ်။ ပါတီညီလာခံ ပိတ်ပွဲ အခမ်းအနားမှာ ရှီက ပါတီဝင်တွေ အနေနဲ့ အောင်မြင်မှုတွေ ရယူဖို့အတွက် ရုန်းကန် လှုပ်ရှားရဲကြဖို့ တိုက်တွန်းခဲ့ပြီး ကျိုးကျိုးနွံနွံနဲ့ အလုပ်ကြိုးစားစေလိုကြောင်းလည်း မိန့်ခွန်း ပြောကြားသွားခဲ့ပါတယ်။

You May Also Like

သတင်း

နိုင်ငံရေးအကဲခတ်တွေက စစ်ကောင်စီရဲ့ ရွေးကောက်ပွဲဥပဒေသစ်မှာ အာဏာသိမ်းစစ်တပ်ကျောထောက်နောက်ခံပေးထားတဲ့ ကြံခိုင်ရေးပါတီကို အသာရစေတဲ့ ဥပဒေဖြစ်ပြီး NLD ပါတီကို ဖိနှိပ်ထားတဲ့ ဥပဒေ ဖြစ်တယ်လို့ သုံးသပ်ကြပါတယ်။

သတင်း

AviChinaဟာ ၂၀၂၁ ခုနှစ်၊ ဒီဇင်ဘာလတုန်းက မြန်မာစစ်တပ်အတွက် အပေါ့စားလေယာဉ်တွေ ပို့ဆောင်ပေးခဲ့ပြီး Bharat Electronicsကတော့ ၂၀၂၁ ခုနှစ်၊ ဇူလိုင်လတုန်းကမြန်မာနိုင်ငံမှာအဝေးထိန်းလက်နက်ရုံတစ်ခုတည်ဆောက်ပေးခဲ့တယ်လို့သိရပါတယ်။

နိုင်ငံတကာ

တရုတ်နှစ်သစ်ကူးကို အကြောင်းပြုပြီး ဒေသတချို့မှာ ရောဂါ ဖြစ်ပွားနှုန်း တိုးလာတာမျိုး ကြုံကောင်း ကြုံရနိုင်ကြောင်း၊ ဒါပေမဲ့ နောက်တစ်ကြိမ် ကိုဗစ်ကူးစက်မှုလှိုင်း အကြီးအကျယ် ရိုက်ခတ်တာမျိုးကတော့ လာမယ့် လပိုင်းတွေအတွင်း မဖြစ်နိုင်လောက်တော့ကြောင်း ဝူက မှတ်ချက် ပေးခဲ့ပါတယ်။

သတင်း

ရန်ကုန်မှာမနေ့က တရုတ်သံရုံးက ပြုလုပ်တဲ့ တရုတ်နှစ်ကူးပွဲ ကိုတက်ရောက်ခဲ့တဲ့ စစ်ကောင်စီ ခေါင်းဆောင်က တရုတ်နိုင်ငံကိုအသိပေးလိုက်တာလည်းဖြစ်ပါတယ်။