Connect with us

Hi, what are you looking for?

LuduNwayOo

နိုင်ငံတကာ

ယူကရိန်းက နျူကလီးယား ဓာတ်အားပေးစက်ရုံ လက်နက်ကြီးနဲ့ ပစ်ခတ်ခံရတဲ့ကိစ္စ IAEA သတိပေး

အခုနှစ်ဆန်းပိုင်းမှာ ရုရှားက ကျူးကျော်စစ်ပွဲ မစတင်လာခင်ထိ ဇာပေါ်ရစ်ဇီရာက နျူကလီးယား ဓာတ်အားပေး စက်ရုံဟာ ယူကရိန်း တစ်နိုင်ငံလုံးရဲ့ ၅ ပုံ ၁ ပုံလောက် အတိုင်းအတာကို လျှပ်စစ်မီး ဖြန့်ဝေပေးနေခဲ့ပါတယ်။

ယူကရိန်းက နျူကလီးယား ဓာတ်အားပေးစက်ရုံ လက်နက်ကြီးနဲ့ ပစ်ခတ်ခံရတဲ့ကိစ္စ IAEA သတိပေး
ယူကရိန်းက နျူကလီးယား ဓာတ်အားပေးစက်ရုံ လက်နက်ကြီးနဲ့ ပစ်ခတ်ခံရတဲ့ကိစ္စ IAEA သတိပေး

ယူကရိန်းက နျူကလီးယား ဓာတ်အားပေး စက်ရုံတစ်ခုကို လက်နက်ကြီးတွေနဲ့ ပစ်ခတ် ခံရတဲ့အပေါ် ကုလသမဂ္ဂရဲ့ နျူကလီးယား စောင့်ကြည့်ရေး အဖွဲ့က အလေးအနက် သတိပေး ပြောကြားလိုက်ပါတယ်။

ယူကရိန်းရဲ့ ဇာပေါ်ရစ်ဇီရာ ပြည်နယ်ထဲမှာ တည်ရှိပြီး ရုရှား ထိန်းချုပ်မှုအောက် ကျရောက်နေတဲ့ နျူကလီးယား ဓာတ်အားပေး စက်ရုံမှာ နိုဝင်ဘာ ၁၉ ရက် ညနေပိုင်းနဲ့ နိုဝင်ဘာ ၂၀ မနက်ပိုင်းတွေမှာ လက်နက်ကြီး ထိမှန်ပြီး ပေါက်ကွဲမှုတွေ အကြိမ်ပေါင်း တစ်ဒါဇင်လောက် ဖြစ်ပွားခဲ့ပါတယ်။

ဥရောပတိုက်ရဲ့ အကြီးမားဆုံး နျူကလီးယား ဓာတ်အားပေး စက်ရုံကြီးကို လက်နက်ကြီးတွေ ထိမှန်ခဲ့တာနဲ့ ပတ်သက်လို့ ကုလသမဂ္ဂရဲ့ အက်တမ်စွမ်းအင် အေဂျင်စီ (IAEA)က ဒီလုပ်ရပ်မျိုးကြောင့် နျူကလီးယား ကပ်ဘေးကြီးတစ်ခု အကြီးအကျယ် ကြုံတွေ့သွားနိုင်ကြောင်း အလေးအနက် သတိပေးလိုက်ပါတယ်။

ဇာပေါ်ရစ်ဇီရာက နျူကလီးယား ဓာတ်အားပေး စက်ရုံဟာ အရင်ကလည်း လက်နက်ကြီးနဲ့ ဒုံးကျည်တွေရဲ့ ခြိမ်းခြောက်မှုတွေ ကြုံတွေ့ဖူးပြီး ဒီကိစ္စတွေနဲ့ ပတ်သက်လို့ ရုရှားနဲ့ ယူကရိန်းက အပြန်အလှန် လက်ညှိုးထိုး အပြစ်ဖို့ခဲ့ကြပါတယ်။

အခုတစ်ခါ ဓာတ်အားပေး စက်ရုံတဝိုက်မှာ လက်နက်ကြီးတွေ ပစ်ခတ်ကြပြန်တယ် ဆိုတဲ့ သတင်းတွေ ကြားရတာ အကြီးအကျယ် စိတ်ပျက်မိကြောင်း IAEAရဲ့ အကြီးအကဲ ရာဖာရဲလ် ဂရော့ဆီက ဝေဖန်ပါတယ်။ အကြီးစား နျူကလီးယား ဓာတ်အားပေး စက်ရုံကြီး တစ်ခုမှာ လက်နက်ကြီးတွေကြောင့် ပေါက်ကွဲမှုတွေ ဖြစ်နေတယ် ဆိုတာမျိုးက ဘယ်လိုမှ လက်ခံလို့ မရကြောင်း၊ ဒီလုပ်ရပ်ရဲ့ နောက်ကွယ်မှာ ဘယ်သူပဲရှိနေနေ ရပ်တန်းက ရပ်ဖို့လိုကြောင်း၊ ဒါဟာ မီးနဲ့ ကစားနေတာ ဖြစ်တယ်လို့ အရင်ကလည်း အကြိမ်ကြိမ် သတိပေးခဲ့ဖူးကြောင်း သူက ပြောပါတယ်။

အခုနှစ်ဆန်းပိုင်းမှာ ရုရှားက ကျူးကျော်စစ်ပွဲ မစတင်လာခင်ထိ ဇာပေါ်ရစ်ဇီရာက နျူကလီးယား ဓာတ်အားပေး စက်ရုံဟာ ယူကရိန်း တစ်နိုင်ငံလုံးရဲ့ ၅ ပုံ ၁ ပုံလောက် အတိုင်းအတာကို လျှပ်စစ်မီး ဖြန့်ဝေပေးနေခဲ့ပါတယ်။

လောလောဆယ်မှာ ဓာတ်အားပေး စက်ရုံက နျူကလီးယား ဓာတ်ပေါင်းဖိုတွေ လုပ်ငန်း လည်ပတ်မှုကို ရပ်နားထားပေမယ့် တကယ်လို့သာ လက်နက်ကြီး ကျည်ထိမှန်ပြီး အအေးပေး စနစ်တွေ ပြတ်တောက်ကုန်မယ်ဆိုရင် အပူလွန်ကဲပြီး ရေဒီယို သတ္တိကြွ ယိုစိမ့်မှုတွေ ဖြစ်လာမှာကို စိုးရိမ်ရပါတယ်။ လတ်တလောမှာတော့ လက်နက်ကြီး ကျရောက်အပြီး ဓာတ်အား ပြတ်တောက်မှုတွေ ကြုံတွေ့နေကြောင်းလည်း သိရပါတယ်။

You May Also Like

သတင်း

ယနေ့(နိုဝင်ဘာ ၂၈ရက်)နံနက် ၈ နာရီခန့်တွင်စစ်ကောင်စီတပ်များသည် ကျွဲတွင်းကျေးရွာမှ အင်အား ၁၅၀ခန့်ဖြင့် မြောက်ဘက်သို့ ဦးတည် ထွက်ခွာလာ​၍ ပြည်သူများထွက်ပြေးတိမ်းရှောင်နေရကြောင်း ဒေသခံများက ပြောသည်။

နိုင်ငံတကာ

ပူတင်ကတော့ စစ်သည်တွေရဲ့ မိခင်တွေနဲ့ တွေ့ဆုံချိန်မှာ သူတို့ရဲ့ သားတွေကို သူရဲကောင်းတွေ အနေနဲ့ ဂုဏ်ယူသင့်ကြောင်း ပြောခဲ့သလို တိုက်ပွဲကျသွားသူ တစ်ဦးရဲ့ မိခင်ကိုလည်း သူ့သားဟာ အချည်းနှီး အသက်ပေးသွားတာ မဟုတ်ဘူးလို့ နှစ်သိမ့်နေခဲ့တာ တွေ့ရပါတယ်။

သတင်း

ယနေ့နံနက်ပိုင်း ၇နာရီဝန်းကျင်က ပခုက္ကူမြို့ပေါ်နေရာအချို့၌ စစ်ကောင်စီတပ်ဖွဲ့ဝင်များက စောင့်ကြည့်စစ်ဆေးမှုများရှိခဲ့ပြီး ဆိုင်ကယ်စီးနင်းလာသူ ၁၀ဦးထက်မနည်း ဖမ်းဆီးခံခဲ့ရကြောင်း ဒေသခံများက ပြောသည်။

သတင်း

ယမန်နေ့ (နိုဝင်ဘာ၂၄ရက်)နံနက် ၁၁နာရီခန့်က အုန်းတောရွာအမြှောက်စစ်တပ်(လက်နက်ကြီးတပ်ဂိတ်)အား (၄၀)မမဖြင့် အနီးကပ်တိုက်ခိုက်ခဲ့ပြီး ထိခိုက်မှုအခြေအနေ မသိရသေးကြောင်း PAFD အဖွဲ့၏ ထုတ်ပြန်ချက်တွင် ဖော်ပြသည်။