Connect with us

Hi, what are you looking for?

LuduNwayOo

နိုင်ငံတကာ

အမေရိကန် ကြည်းတပ်ရဲ့ လေယာဉ်နဲ့ ရဟတ်ယာဉ် အားလုံး ပျံသန်းမှု ဆိုင်းငံ့ဖို့ အမိန့်ထုတ်

မတ်လထဲမှာလည်း Black Hawk ရဟတ်ယာဉ် နှစ်စီးဟာ ညပိုင်း လေ့ကျင့်ပျံသန်းမှု အစီအစဉ်မှာ ပျက်ကျရာက စစ်မှုထမ်း ၉ ဦး သေဆုံးခဲ့ကြောင်း ကြည်းတပ်က ထုတ်ပြန်ခဲ့ပါတယ်။

အမေရိကန် ကြည်းတပ်ရဲ့ လေယာဉ်နဲ့ ရဟတ်ယာဉ် အားလုံး ပျံသန်းမှု ဆိုင်းငံ့ဖို့ အမိန့်ထုတ်
အမေရိကန် ကြည်းတပ်ရဲ့ လေယာဉ်နဲ့ ရဟတ်ယာဉ် အားလုံး ပျံသန်းမှု ဆိုင်းငံ့ဖို့ အမိန့်ထုတ်

လုံခြုံရေးအတွက် အရည်အသွေးမြှင့် မွမ်းမံသင်တန်းတွေ မတက်ရောက်ပြီးမချင်း အမေရိကန် ကြည်းတပ်က လေယာဉ်မှူးတွေ အကုန်လုံးကို ပျံသန်းခွင့် ဆိုင်းငံ့ထားမယ်လို့ ကြည်းတပ်ရဲ့ အကြီးအကဲ ဗိုလ်ချုပ်ကြီး ဂျိမ်းစ် မက်ကွန်ဗီးလ်က ပြောကြားခဲ့ပါတယ်။

အဲဒီအမိန့်ဟာ ဧပြီ ၂၈ ရက်မှာ ထုတ်ပြန်ချိန်က စတင် အသက်ဝင်မှာဖြစ်ကြောင်း၊ ကြည်းတပ်အတွက် မဖြစ်မနေ လိုအပ်တာမျိုး မဟုတ်ရင် လေယာဉ်တွေ၊ ရဟတ်ယာဉ်တွေ အားလုံး ပျံသန်းမှုကို ရပ်ဆိုင်းထားမှာ ဖြစ်ကြောင်း သူက အတည်ပြုပါတယ်။

Public Service Announcement

Public Service Announcement

အခု တားမြစ်ချက်ဟာ ကြည်းတပ်နဲ့သာ သက်ဆိုင်ပြီး လေတပ်၊ ရေတပ်နဲ့ မရိန်းတပ်တွေ အပါအဝင် အမေရိကန်ရဲ့ ပင်မ လက်နက်ကိုင် အဖွဲ့အစည်းကြီး နောက်ထပ် ၅ ခုမှာတော့ လေယာဉ်တွေ၊ ရဟတ်ယာဉ်တွေကို ပုံမှန် အသုံးပြုနေမှာပါ။

အမေရိကန် ကြည်းတပ်ဟာ သယ်ယူပို့ဆောင်ရေး၊ တိုက်ခိုက်ရေး၊ ထောက်လှမ်းရေးဆိုင်ရာ ရဟတ်ယာဉ်တွေ၊ လေယာဉ်တွေနဲ့ ဒရုန်းတွေကို အသုံးပြုနေပါတယ်။ လွန်ခဲ့တဲ့ တစ်လလောက်အတွင်း အမေရိကန် ကြည်းတပ် ရဟတ်ယာဉ်တွေ မတော်တဆမှု နှစ်ကြိမ်ဖြစ်ပြီး စစ်မှုထမ်း တစ်ဒါဇင် အသက်ဆုံးရှုံးခဲ့တဲ့ ဖြစ်ရပ်တွေနောက်ပိုင်း အခုလို အမိန့်မျိုး ထွက်ပေါ်လာတာပါ။

ကြည်းတပ်ရဲ့ အမြဲတမ်း တပ်ဖွဲ့ဝင် လေယာဉ်မှူးတွေဟာ မေလဆန်းမှာ မွမ်းမံသင်တန်းတွေ စတက်ရမှာဖြစ်ပြီး အရန်တပ်ဖွဲ့ဝင်တွေနဲ့ အမျိုးသား အစောင့်တပ်ဖွဲ့ဝင်တွေက မေလကုန်မှာ မွမ်းမံ သင်တန်းတွေ တက်ရမှာပါ။

အခုသီတင်းပတ်မှာ အလာစကာ ပြည်နယ် အခြေစိုက် ကြည်းတပ်ရဲ့ Apache အမျိုးအစား တိုက်ခိုက်ရေး ရဟတ်ယာဉ်နှစ်စီး လေ့ကျင့်ပျံသန်းရင်း တိုက်မိတာကြောင့် ပျက်ကျခဲ့ပြီး လေယာဉ်မှူး ၃ ဦးသေဆုံးခဲ့သလို ၁ ဦး ပြင်းပြင်းထန်ထန် ဒဏ်ရာရသွားတဲ့နောက် လေယာဉ်အားလုံး ပျံသန်းခွင့်ကို ကြည်းတပ်က ဆိုင်းငံ့စေခဲ့တာ ဖြစ်ပါတယ်။

Public Service Announcement

Public Service Announcement

မတ်လထဲမှာလည်း Black Hawk ရဟတ်ယာဉ် နှစ်စီးဟာ ညပိုင်း လေ့ကျင့်ပျံသန်းမှု အစီအစဉ်မှာ ပျက်ကျရာက စစ်မှုထမ်း ၉ ဦး သေဆုံးခဲ့ကြောင်း ကြည်းတပ်က ထုတ်ပြန်ခဲ့ပါတယ်။