Connect with us

Hi, what are you looking for?

LuduNwayOo

နိုင်ငံတကာ

⁨⁨နှစ်နိုင်ငံ ဆက်ဆံရေး ခေတ်သစ် ထူထောင်မယ်လို့ ပူတင်နဲ့ရှီ ပူးတွဲကြေညာ

၂၀၂၂ ခုနှစ်တုန်းကလည်း ပူတင်နဲ့ ရှီတို့ဟာ တရုတ်-ရုရှား ဆက်ဆံရေးဟာ အကန့်အသတ်မရှိ ကျယ်ပြန့်နိုင်တယ်လို့ ထုတ်ပြန်ခဲ့ကြဖူးပါတယ်။

⁨⁨နှစ်နိုင်ငံ ဆက်ဆံရေး ခေတ်သစ် ထူထောင်မယ်လို့ ပူတင်နဲ့ရှီ ပူးတွဲကြေညာ
⁨⁨နှစ်နိုင်ငံ ဆက်ဆံရေး ခေတ်သစ် ထူထောင်မယ်လို့ ပူတင်နဲ့ရှီ ပူးတွဲကြေညာ

နှစ်နိုင်ငံ ဆက်ဆံရေး ကဏ္ဍမှာ ခေတ်သစ်တစ်ခုကို ထူထောင်သွားမယ်လို့ တရုတ်နဲ့ ရုရှား သမ္မတတွေက ပူးတွဲ ကြေညာခဲ့ပါတယ်။

မေလ ၁၆ ရက်နေ့က တရုတ်နိုင်ငံ၊ ဘေဂျင်းမြို့တော်ကို အလည်အပတ် ရောက်ရှိနေတဲ့ ရုရှားသမ္မတ ဗလာဒီမာ ပူတင်ကို အိမ်ရှင်နိုင်ငံ သမ္မတ ရှီကျင့်ဖျင်က လက်ခံကြိုဆိုပြီး နှစ်နိုင်ငံ စစ်ရေး၊ စီးပွားရေးဆိုင်ရာ ပူးပေါင်း ဆောင်ရွက်မှုတွေကို ဆွေးနွေးခဲ့ကြပါတယ်။

ရှီဟာ ဘေဂျင်း နိုင်ငံတော် ခန်းမမှာ ပူတင်ကို ကော်ဇောနီခင်းပြီး တခမ်းတနား ကြိုဆိုခဲ့သလို တရုတ်ပြည်သူ့ လွတ်မြောက်ရေး တပ်မတော် (PLA)ကလည်း တီယန်နန်မင် ရင်ပြင်မှာ သေနတ် ၂၁ ချက် ပစ်ဖောက် ဂုဏ်ပြုခဲ့ပါတယ်။

ပူတင်ဟာ သူ့ရဲ့ သမ္မတ သက်တမ်းသစ်ကို ကျမ်းသစ္စာ ကျိန်ဆိုပြီး ရက်ပိုင်းအတွင်းမှာတင် ဘေဂျင်းကို ရောက်ရှိလာခဲ့တာ ဖြစ်ပါတယ်။ အသက် ၇၀ အရွယ် ရှီနဲ့ အသက် ၇၁ နှစ်အရွယ် ပူတင်တို့ဟာ နှစ်နိုင်ငံ ပူးပေါင်း ဆောင်ရွက်ရေးဆိုင်ရာ သဘောတူညီချက် အသစ်တွေကို လက်မှတ် ရေးထိုးခဲ့ကြပြီး လက်တွဲလုပ်ဆောင်မှုတွေရဲ့ ခေတ်သစ်တစ်ခုကို ဝင်ရောက်လာပြီလို့ ကြေညာခဲ့တာ ဖြစ်ပါတယ်။

Public Service Announcement

Public Service Announcement

၂၀၂၂ ခုနှစ်တုန်းကလည်း ပူတင်နဲ့ ရှီတို့ဟာ တရုတ်-ရုရှား ဆက်ဆံရေးဟာ အကန့်အသတ်မရှိ ကျယ်ပြန့်နိုင်တယ်လို့ ထုတ်ပြန်ခဲ့ကြဖူးပါတယ်။

အခုတစ်ကြိမ်မှာတော့ ရှီနဲ့ ပူတင်တို့ဟာ အမေရိကန် အစိုးရရဲ့ ရန်လိုတဲ့ မူဝါဒတွေကိုပါ ပူးတွဲ ရှုတ်ချကြောင်း ကြေညာခဲ့ပါတယ်။ အမေရိကန်ဟာ တရုတ်ရော၊ ရုရှားကိုပါ အာဏာရှင် အုပ်စိုးမှုအောက်မှာ ရှိနေတယ်လို့ ယူဆထားပြီး လွတ်လပ်စွာ ပြောဆိုခွင့်၊ ဆန္ဒဖော်ထုတ်ခွင့်တွေကို အစိုးရက ပိတ်ပင်နေကြောင်း သတ်မှတ်ထားပါတယ်။

တရုတ်-ရုရှား ပူးတွဲ ကြေညာချက်မှာတော့ အမေရိကန်ဟာ လက်ရှိ အချိန်ထိ စစ်အေးခေတ် အတွေးအမြင်တွေကို ဆုပ်ကိုင်ထားဆဲဖြစ်ပြီး ဒေသအလိုက် တည်ငြိမ်မှု၊ လုံခြုံမှုတွေထက် နိုင်ငံအစုအဝေး တစ်ခုစာရဲ့ လုံခြုံရေးကိုသာ အလေးပေးချင်နေကြောင်း၊ အမေရိကန်ဟာ အဲဒီ အမူအကျင့်တွေကို စွန့်လွှတ်ဖို့ လိုနေပြီဖြစ်ကြောင်း ဖော်ပြထားပါတယ်။

ဒါ့အပြင် ယူကရိန်း စစ်ပွဲကို အကြောင်းပြုပြီး ရုရှားကို အရေးယူ ပိတ်ဆို့မှုတွေ သတ်မှတ်ရာမှာ အမေရိကန်နဲ့ အနောက်နိုင်ငံတွေမှာ ရှိနေတဲ့ ရုရှားပိုင်ဆိုင်မှုတွေကို သိမ်းယူခဲ့တဲ့ အပေါ်မှာလည်း ရုရှားနဲ့ တရုတ်တို့ ပူးပေါင်း ရှုတ်ချခဲ့ပါတယ်။

ပူတင်ဟာ ဘေဂျင်းကို ရောက်ရှိနေစဉ် အတောအတွင်း တရုတ်ပြည်သူ့သမ္မတ နိုင်ငံကို ဆိုဗီယက် ပြည်ထောင်စုက အသိအမှတ်ပြုမှု ၇၅ နှစ်ပြည့် အခမ်းအနားကိုလည်း တက်ရောက်မှာပါ။ ပူတင်ဟာ တရုတ်အပြင် အာရှတိုက်ထဲက တခြားနိုင်ငံတွေဆီ ခရီးလှည့်လည်ဖို့ရော အစီအစဉ် ရှိသလား ဆိုတာကိုတော့ တိတိကျကျ မသိရသေးပါဘူး။

ကိုးကား: Reuters⁩

ဆက်စပ်သတင်းများ

သတင်း

ဒေါက်တာဝင်းကျော်နှင့် ၎င်း၏ ဇနီးဖြစ်သူ ခင်ကေခိုင်တို့က ဦးဆောင်သည့် Mascots Group of Companies က အထက်ပါတရုတ်ကုမ္ပဏီများနှင့် စစ်အုပ်စုအကြား စီးပွားရေးလုပ်ဆောင်နိုင်ရန် ကြားခံပွဲစားအဖြစ် ဆောင်ရွက်ပေးကြောင်း JFM က စုံစမ်းဖော်ထုတ်သည်။

နိုင်ငံတကာ

ပူတင်ကို ဗီယက်နမ်က တခမ်းတနား ကြိုဆိုခဲ့ပြီး စစ်ရေးပြ အခမ်းအနားတွေနဲ့ပါ ဂုဏ်ပြုခဲ့ပါတယ်။ ဒီလိုကြိုဆိုမှုမျိုးကို မနှစ်က အမေရိကန် သမ္မတ ဂျိုးဘိုင်ဒန် ရောက်ရှိလာချိန်မှာလည်း ဗီယက်နမ်က စီစဉ်ပေးခဲ့ဖူးပါတယ်။

နိုင်ငံတကာ

တရုတ် ကမ်းခြေစောင့် တပ်ဖွဲ့ဝင်တွေဟာ တုတ်တွေ၊ ဓားတွေ၊ ပုဆိန်တွေ ကိုင်ဆောင်လာပြီး ဖိလစ်ပိုင် တပ်ဖွဲ့ဝင်တွေက လက်ချည်းသက်သက်နဲ့ သူတို့ကို ခုခံ တားဆီးဖို့ ကြိုးစားခဲ့ကြောင်း ဘရော်နာက ပြောပါတယ်။

နိုင်ငံတကာ

အမေရိကန်နဲ့ ယူကရိန်းတို့ အဓိက စိုးရိမ်နေတဲ့ ဖြစ်နိုင်ခြေကတော့ မြောက်ကိုရီးယားက ရုရှားအတွက် စစ်လက်နက်တွေကို အလုံးအရင်းနဲ့ ပေါ်ပေါ်ထင်ထင် ထောက်ပံ့လာတာမျိုးပါ။