Connect with us

Hi, what are you looking for?

LuduNwayOo

နိုင်ငံတကာ

အီရန်သမ္မတ ပါသွားတဲ့ ရဟတ်ယာဉ် ပျက်ကျမှု အသက်ရှင်ကျန်သူ မရှိနိုင်ဘူးလို့ဆို

အီရန်မှာ နိုင်ငံတော် အဓိပတိ အယာတိုလာ အလီ ခါမေနီကတော့ ခြွင်းချက်မရှိ အကြီးမားဆုံး ဩဇာကို ပိုင်ဆိုင်ထားပြီး သမ္မတ နေရာရဲ့ အထက်ကနေ ကွပ်ကဲနေပါတယ်။

အီရန်သမ္မတ ပါသွားတဲ့ ရဟတ်ယာဉ် ပျက်ကျမှု အသက်ရှင်ကျန်သူ မရှိနိုင်ဘူးလို့ဆို
အီရန်သမ္မတ ပါသွားတဲ့ ရဟတ်ယာဉ် ပျက်ကျမှု အသက်ရှင်ကျန်သူ မရှိနိုင်ဘူးလို့ဆို

အီရန်သမ္မတနဲ့ ထိပ်တန်း အစိုးရ အရာရှိတချို့ လိုက်ပါသွားပြီး ပျက်ကျခဲ့တဲ့ ရဟတ်ယာဉ် တည်နေရာကို ရှာတွေ့ပြီဖြစ်ပြီး အသက်ရှင်ကျန်ရစ်သူ အရိပ်အယောင် မတွေ့ရဘူးလို့ အီရန် အစိုးရ အရာရှိတွေက ပြောကြားခဲ့ပါတယ်။

အဲဒီ ရဟတ်ယာဉ်ဟာ မေလ ၁၉ ရက်နေ့က အရှေ့ အဇာဘိုင်ဂျန် ပြည်နယ်နားက တောင်ထူထပ်ရာက ဗာဇာကန် မြို့နားမှာ ပျက်ကျခဲ့တာ ဖြစ်ပါတယ်။ ရဟတ်ယာဉ်ပေါ်မှာ သမ္မတ အီဘရာဟင် ရိုင်ဆီ၊ နိုင်ငံခြားရေးဝန်ကြီး ဟိုဆိန်း အမာရက်ဘ်ဒိုလာဟီယန်နဲ့ နောက်ထပ် အရာရှိ နှစ်ဦး ပါဝင်ခဲ့တယ်လို့ သိရပါတယ်။

အီရန် သမ္မတနဲ့ အရာရှိတွေဟာ အဇာဘိုင်ဂျန်နိုင်ငံ သမ္မတ အီလ်ဟမ် အလီယက်ဗ်နဲ့ တွေ့ဆုံပြီး ရဟတ်ယာဉ်နဲ့ နယ်စပ်ဖြတ်ကျော် ပြန်လာတဲ့အချိန် ရာသီဥတု ဆိုးရွားနေတဲ့ အတောအတွင်း အခုလို အခြေအနေဆိုးနဲ့ ရင်ဆိုင်ခဲ့ရတာ ဖြစ်ပါတယ်။ အီရန် မီဒီယာတွေက ရိုင်ဆီတို့ဟာ အဇာဘိုင်ဂျန်က ဆည်ဖွင့်ပွဲ တစ်ခုကို တက်ရောက်ခဲ့တာလို့ ဖော်ပြကြပါတယ်။

အခမ်းအနားကနေ ပြန်လာတဲ့ ရဟတ်ယာဉ် သုံးစီးထဲမှာ သမ္မတပါလာတဲ့ တစ်စီးက ပျက်ကျခဲ့တာလို့ သိရပါတယ်။ အီရန်အစိုးရက သမ္မတနဲ့ အရာရှိတွေ သေဆုံးသွားပြီလို့ တရားဝင် မကြေညာသေးပေမယ့် အခင်းဖြစ်တဲ့ နေရာမှာ အသက်ရှင် ကျန်ရစ်သူ မရှိဘူးလို့တော့ ကွင်းဆင်းလှုပ်ရှားနေတဲ့ ကယ်ဆယ်ရေး အဖွဲ့တွေက ပြောကြားထားပါတယ်။

Public Service Announcement

Public Service Announcement

နှစ်ဖက် တင်းမာမှုတွေ ရှိနေပေမယ့်လည်း အီရန် အစိုးရရဲ့ အရေးပေါ် အကူအညီ တောင်းခံမှုကြောင့် ဥရောပ ကော်မရှင်ရဲ့ အရေးပေါ် အကျပ်အတည်းဆိုင်ရာ စီမံခန့်ခွဲမှု ဌာနဟာ ဂြိုဟ်တု မြေပုံ ထောက်လှမ်းရေး စနစ်တွေကို ဖွင့်လှစ်ပြီး ရဟတ်ယာဉ်ပျက် နေရာကို ကူညီ ရှာဖွေပေးခဲ့တယ်လို့ သိရပါတယ်။

အီရန် သမ္မတရဲ့ ကံကြမ္မာကို အတိအကျ မသိရသေးပေမယ့် အဆိုးဆုံး အခြေအနေတွေ ပြင်ဆင်ပြီး အုပ်ချုပ်ရေး ယန္တရားကို ဆက်လက် ထိန်းညှိ လည်ပတ်ဖို့လည်း စီစဉ်နေရပါတယ်။ လက်ရှိ သမ္မတတစ်ဦး ရုတ်တရက် သေဆုံးသွားရင်၊ တာဝန် ဆက်ပြီး မထမ်းဆောင်နိုင်ရင် သူ့ရဲ့ နေရာကို ဒုတိယ သမ္မတက ယာယီ တာဝန်ယူရမှာဖြစ်ပြီး နောက်ထပ် ရက် ၅၀ အတွင်း ရွေးကောကပွဲ ကျင်းပရမယ်လို့ သိရပါတယ်။ လောလောဆယ်မှာတော့ မိုဟာမက် မော့ခ်ဘားက အီရန်ရဲ့ ဒုတိယ သမ္မတအဖြစ် တာဝန်ယူထားပါတယ်။

အီရန်မှာ နိုင်ငံတော် အဓိပတိ အယာတိုလာ အလီ ခါမေနီကတော့ ခြွင်းချက်မရှိ အကြီးမားဆုံး ဩဇာကို ပိုင်ဆိုင်ထားပြီး သမ္မတ နေရာရဲ့ အထက်ကနေ ကွပ်ကဲနေပါတယ်။

အသက် ၆၃ နှစ်အရွယ် ရိုင်ဆီဟာ ရှေးရိုးစွဲ အစွန်းရောက် ကွန်ဆာဗေးတစ် ခါမေနီ လက်သပ်မွေးထားတဲ့ လက်ရင်းတပည့် တစ်ဦးဖြစ်ပြီး နောင်တစ်ချိန်မှာ ခါမေနီရဲ့ အရိုက်အရာကို ဆက်ခံမယ့်သူလို့ ထင်ကြေးပေး ခံထားရပါတယ်။ သူဟာ ၂၀၂၁ ခုနှစ်တုန်းက ရွေးကောက်ပွဲမှာ အနိုင်ရပြီး အီရန် သမ္မတ ဖြစ်လာခဲ့ပါတယ်။

ကိုးကား: VoA⁩

ဆက်စပ်သတင်းများ

နိုင်ငံတကာ

ကနေဒါကနေ လာရောက်တဲ့ မွတ်ဆလင် ဝတ်ပြု ခရီးသည် တစ်ဦးကတော့ ရုပ်ပိုင်းဆိုင်ရာအရ အပူဒဏ်က အရမ်းဆိုးရွားတာ မှန်ပေမယ့် ယုံကြည်ကိုးကွယ်မှုမှာ စိတ်ဆောင်နေလို့ တတ်နိုင်သမျှ အပူဒဏ်ကို မေ့ဖျောက်ထားကြတယ်လို့ ပြောပါတယ်။

သတင်း

ဇီးကုန်းရွာနေ (၈)နှစ်အရွယ် ကလေးငယ်တစ်ဦးနှင့် ကျွန်းဦးရွာနေ အမျိုးသားတစ်ဦးပါ လက်နက်ကြီးထိမှန် သေဆုံးခဲ့ကြောင်း ဒေသခံများက ပြောသည်။

သတင်း

KNU ညောင်လေးပင်ခရိုင်(ခလယ်လွီထူခရိုင် ) လယ်ဒို မြို့နယ်အတွင်း စစ်ကောင်စီ လက်နက်ကြီးပစ်ခတ်၍ ဇွန်လ ၁၁ရက် နေ့လယ်ပိုင်းတွင် ဟင်္သာဝဲအုပ်စု ဟင်္သာဝဲကျေးရွာအတွင်းကျရောက် ပေါက်ကွဲကာ အမျိုးသားတစ်ဦး ဒဏ်ရာရခဲ့သည်။

နိုင်ငံတကာ

ဂါဇာ ကျန်းမာရေး ဝန်ကြီးဌာနက အစ္စရေးရဲ့ နှစ်နာရီကြာ စစ်ဆင်ရေးအတွင်း သေဆုံးခဲ့သူ ၂၇၄ ဦးအနက် ၈၆ ဦးရဲ့ နာမည်စာရင်းကို ထုတ်ပြန်ခဲ့ပြီး ဖြစ်ပါတယ်။