သြဂုတ် ၅၊ ၂၀၂၆။ ဟာနာဆန်/People’s Spring
မကွေးတိုင်း၊ မြိုင်မြို့အနီးကို ဗဟိုပြုပြီး အင်အားအတော်အသင့်ရှိတဲ့ငလျင် လှုပ်ခတ်သွားပြီး ရှေးဟောင်းမြို့တော် ပုဂံဒေသအထိ သိသိသာသာ လှုပ်ခတ်သွားကြောင်း သတင်းရရှိပါတယ်။
ဒီကနေ့ သြဂုတ် ၅ ရက်၊ မနက် ၆နာရီ ၄၂ မိနစ်ခန့်က မကွေးတိုင်း၊ မြိုင်မြို့အနီး၊ မြေအောက်အနက် ၁၀၂ ကီလိုမီတာခန့် ဗဟိုပြုပြီး ရစ်ခ်တာစကေး ၄.၈ အဆင့်နဲ့ အင်အားအတော်အသင့်ရှိတဲ့ မြေငလျင်တစ်ခု လှုပ်ခတ်ခဲ့ကြောင်း အမျိုူသားညီညွတ်ရေးအစိုးရရဲ့ လူမှုရေးရာ၊ အလုပ်သမားနှင့် လူသားချင်းစာနာထောက်ထားရေး ဝန်ကြီးဌာနက ထုတ်ပြန်ပါတယ်။
အဆိုပါငလျင်ဟာ မြိုင်နယ်တင်မကဘဲ ပေါက်၊ ပခုက္ကူနဲ့ မန္ဆလေးတိုင်း ပုဂံညောင်ဦးဒေသအထိပါ သိသိသာသာ လှုပ်ခတ်သွားကြောင်း ဒေသခံတွေက ပြောပါတယ်။
Public Service Announcement
“တချက်သိသာတယ်။ အသံပါပါတယ်”လို့ ပုဂံဒေသခံတစ်ဦးက ပြောပါတယ်။ ပုဂံဘုရားတွေ ထိခိုက်ပျက်စီးမှုရှိမရှိ မသိရသေးဘူးလို့ ဒေသခံတွေက ပြောပါတယ်။
ပြီးခဲ့တဲ့ ဇူလိုင် ၂၉ ရက်နကလည်း မန္တလေးတိုင်း၊ ပုသိမ်ကြီးမြို့အနီး၊ မြေအောက်အနက် ၁၀ ကီလိုမီတာခန့်ကိုဗဟိုပြုပြီး ရစ်ခ်တာစကေး ၄.၆ အဆင့်နဲ့ အင်အားအတော်အသင့်ရှိတဲ့ မြေငလျင်တစ်ခု လှုပ်ခတ်ခဲ့ပါသေးတယ်။
