မြဝတီ-ဝေါ်လေ ကားလမ်းပေါ်မှာ လုံခြုံရေးယူထားတဲ့ ကော်ဘရာစစ်ကြောင်းကို လာထောက်လှမ်းနေတဲ့ စစ်ကောင်စီရဲ့ ဒရုန်းကို ပစ်ချဖျက်ဆီးခဲ့တယ်လို့ Golden Eagles People Defense Force က သတင်းထုတ်ပြန်ပါတယ်။
သုံးထပ်ကွေ့-ဖလူးလေး-ဝေါ်လေ ကားလမ်းတစ်လျှောက် လုံခြုံရေးယူထားနဲ့ ကော်ဘရာစစ်ကြောင်းရှိရာဘက်ကို စစ်ကောင်စီဘက်က စက်တင်ဘာ ၂ ရက်နေ့ ညပိုင်း(၁၂) နာရီကျော်မှာ ညကြည့်ကင်းထောက်ဒရုန်းနဲ့ ထောက်လှမ်းတာတွေ ပြုလုပ်ခဲ့တယ်လို့ ထုတ်ပြန်ချက်မှာဖော်ပြထားပါတယ်။
ဒီလို စစ်ကောင်စီဘက်က ထောက်လှမ်းတာတွေပြုလုပ်ခဲ့တာကြောင့် Golden Eagles Drone တပ်ဖွဲ့က ကော်ဘရာစစ်ကြောင်းနဲ့အတူ ပူးပေါင်းဆောင်ရွက်လျှက်ရှိရာ ကင်းထောက်လာတဲ့ ရန်သူစစ်ကောင်စီ Drone ကို Golden Eagles ရဲတွေက ပစ်ချဖျက်စီးနိုင်ခဲ့တယ်လို့ ထုတ်ပြန်ချက်အရ သိရပါတယ်။
