Connect with us

Hi, what are you looking for?

ဗီဒီယို

ဒေါ်လာ သန်း ၇၀ ကျော်တန်တဲ့ ရှေးဟောင်းပစ္စည်းတွေ ကွဲအက်ပျက်စီးခဲ့ကြောင်း ထိုင်ဝမ် ပြတိုက် ဝန်ခံ

ထိုင်ဝမ် အမျိုးသား နန်းတော်ရာ ပြတိုက်က မင်နဲ့ကွင် မင်းဆက်ခေတ် ရှေးဟောင်းပစ္စည်း ၃ ခုကို မတော်တဆ ကွဲအက် ပျက်စီးစေခဲ့ကြောင်း ပြောပါတယ်။ ဒီဖြစ်ရပ်တွေဟာ လွန်ခဲ့တဲ့ တစ်နှစ်ခွဲလောက်အတွင်း သီးခြားစီ ပေါ်ပေါက်ခဲ့ရာက အခုကျမှ ပြတိုက်က အတည်ပြု ကြေညာတာ ဖြစ်ပါတယ်။

ပြီးခဲ့တဲ့ လပိုင်းတွေအတွင်း ဒေါ်လာ သန်းပေါင်းတော်တော်များများ တန်ဖိုးရှိတဲ့ ရှေးဟောင်းပစ္စည်းတွေကို မတော်တဆ ခွဲခဲ့မိတယ်လို့ ထိုင်ဝမ်က ပြတိုက်တစ်ခုက ဝန်ခံခဲ့ပါတယ်။

ထိုင်ဝမ် အမျိုးသား နန်းတော်ရာ ပြတိုက်က မင်နဲ့ကွင် မင်းဆက်ခေတ် ရှေးဟောင်းပစ္စည်း ၃ ခုကို မတော်တဆ ကွဲအက် ပျက်စီးစေခဲ့ကြောင်း ပြောပါတယ်။ ဒီဖြစ်ရပ်တွေဟာ လွန်ခဲ့တဲ့ တစ်နှစ်ခွဲလောက်အတွင်း သီးခြားစီ ပေါ်ပေါက်ခဲ့ရာက အခုကျမှ ပြတိုက်က အတည်ပြု ကြေညာတာ ဖြစ်ပါတယ်။

ရှေးလက်ရာ ပန်းကန်လုံးတစ်ခု၊ ပန်းကန်ပြားတစ်ချပ်နဲ့ လက်ဖက်ရည်ကြမ်းခွက် တစ်ခွက်တို့ရဲ့ ကာလပေါက်စျေးဟာ စုစုပေါင်း ဒေါ်လာ ၇၇ သန်းထက်မနည်း ရှိပါတယ်။ အစောပိုင်းမှာ ပြတိုက်က ဒီကိစ္စကို သိုသိုသိပ်သိပ် ဖုံးဖိထားပေမယ့် အတိုက်အခံ လွှတ်တော်အမတ် ချန်အီရှင်က သတင်းရပြီး လွှတ်တော်မှာ အဆိုတင် မေးမြန်းတော့မှ အမှန်အတိုင်း ပေါ်ထွက်လာတာ ဖြစ်ပါတယ်။

အခုတော့ ပြတိုက်ရော၊ ပြတိုက် ဒါရိုက်တာ ဝူမင်ချာကပါ ထိန်းသိမ်းထားတဲ့ ရှေးဟောင်းလက်ရာတွေ ကွဲအက်ခဲ့တယ် ဆိုတာကို ဝန်ခံခဲ့ရပါတယ်။ ဒါပေမဲ့ ဒီကိစ္စတွေကို တမင်တကာ ဖုံးကွယ်ထားတယ်ဆိုတဲ့ စွပ်စွဲချက်တွေကိုတော့ ပြတိုက်ဖက်ကရော၊ ဝူကပါ ငြင်းဆန်ထားပါတယ်။

Public Service Announcement

Public Service Announcement

ဝူရဲ့ အဆိုအရ ၂၀၂၁ ခုနှစ်၊ ဖေဖော်ဝါရီ ၃ ရက်နဲ့ ၂၀၂၂ ခုနှစ်၊ ဧပြီ ၇ ရက်မှာ ပစ္စည်းတွေကို ပြန်စစ်တဲ့အချိန် မင်ခေတ်နဲ့ ကွင်ခေတ်လက်ရာ ရှေးဟောင်းပစ္စည်းနှစ်ခု ထိခိုက်ပျက်စီးနေတာကို တွေ့ရှိခဲ့တယ်လို့ သိရပါတယ်။ ဒါ့အပြင် အခုနှစ်၊ မေလ ၁၉ ရက်မှာတော့ ဝန်ထမ်းတစ်ယောက်ရဲ့ ပေါ့ဆမှုကြောင့် ပန်းကန်ပြားတစ်ချပ်ပါ ထပ်ကွဲသွားတယ်လို့ ဆိုပါတယ်။

ဒီပစ္စည်းတွေကို လူမြင်ကွင်းမှာ ဘယ်တုန်းကမှ ထုတ်မပြခဲ့ဖူးသလို အာမခံလည်း မထားမိဘူးလို့ ဆိုပါတယ်။ ထိုင်ပေမြို့ပြင် ဆင်ခြေဖုံး ဧရိယာမှာ တည်ရှိတဲ့ အမျိုးသား နန်းတော်ရာ ပြတိုက်ဟာ ကမ္ဘာပေါ်မှာ တရုတ် ရှေးဟောင်းလက်ရာတွေ အများဆုံး စုဆောင်းထားတဲ့ နေရာတစ်ခု ဖြစ်ပါတယ်။ ပြတိုက်မှာ နှစ်ပေါင်း ၅၀၀၀ လောက် ကြာညောင်းခဲ့တဲ့ တရုတ်သမိုင်းကြောင်းကို ထင်ဟပ်စေတဲ့ ပစ္စည်းတွေ ပိုင်ဆိုင်နေကြောင်းလည်း ကြွေးကြော်ထားပါတယ်။

ဆက်စပ်သတင်းများ

နိုင်ငံတကာ

တိုင်ဖွန်းမုန်တိုင်းကြီး ချမ်ပီ တိုက်ခတ်ခဲ့တဲ့နောက် ထိုင်ဝမ်မှာ လူ ၁ ဦးသေဆုံးပြီး ၅၀၀ ကျော် ဒဏ်ရာရခဲ့သလို ထိခိုက်ပျက်စီးမှုတွေလည်း ဖြစ်ပေါ်ခဲ့ပါတယ်။

နိုင်ငံတကာ

တိုင်ဖွန်းမုန်တိုင်းချမ်ပီ ချဉ်းကပ်လာမှုကြောင့် ထိုင်ဝမ်ကျွန်းကို ဆက်သွယ်ထားတဲ့ ရေကြောင်းနဲ့ လေကြောင်းကွန်ရက် အားလုံးကို ယာယီ ပိတ်ချထားလိုက်ပါတယ်။

နိုင်ငံတကာ

တရုတ်ငါးဖမ်းလှေကို ရေအမြောက် (အားပြင်းတဲ့ မီးသတ်ပိုက်)နဲ့ ထိုးခဲ့တဲ့ လုပ်ရပ်အတွက် နောက်ဆက်တွဲ အကျိုးဆက်တွေကို ထိုင်ဝမ်က တာဝန်ယူရလိမ့်မယ်လို့ တရုတ် အစိုးရက သတိပေးလိုက်ပါတယ်။

နိုင်ငံတကာ

ထိုင်ဝမ်နဲ့ သံတမန် ဆက်ဆံရေးကို ထိန်းသိမ်းထားတာကြောင့် ပါရာဂွေးနဲ့ ဘီလစ်ဇီ နိုင်ငံတွေရဲ့ အစိုးရ အဖွဲ့ဝင် ဝန်ကြီးတွေကို တရုတ်က ပိတ်ဆို့ အရေးယူမှုတွေ သတ်မှတ် ကြေညာခဲ့ပါတယ်။

Facebook