Connect with us

Hi, what are you looking for?

နိုင်ငံတကာ

မဟာမိတ် နိုင်ငံတွေအတွက် ထောက်ပံ့ရေး အသုံးစရိတ်ကိစ္စ အမေရိကန် အထက်လွှတ်တော်မှာ သဘောတူညီမှုရ

ယူကရိန်း အစိုးရကတော့ အမေရိကန်ဆီက ခိုင်မာအားကောင်းတဲ့ အထောက်အပံ့တွေ ဆက်ပြီး မရရှိနိုင်ဘူးဆိုရင် ကျူးကျော်သူ ရုရှားကို ရင်ဆိုင် ခုခံရတဲ့ စစ်ပွဲမှာ ရှုံးနိမ့်သွားနိုင်ကြောင်း သတိပေး ပြောဆိုထားပါတယ်။

မဟာမိတ် နိုင်ငံတွေအတွက် ထောက်ပံ့ရေး အသုံးစရိတ်ကိစ္စ အမေရိကန် အထက်လွှတ်တော်မှာ သဘောတူညီမှုရ
မဟာမိတ် နိုင်ငံတွေအတွက် ထောက်ပံ့ရေး အသုံးစရိတ်ကိစ္စ အမေရိကန် အထက်လွှတ်တော်မှာ သဘောတူညီမှုရ

လတွေနဲ့ချီ ကြာမြင့်ခဲ့တဲ့ ဆွေးနွေးငြင်းခုံမှုတွေ အပြီးမှာတော့ အမေရိကန် အထက်လွှတ်တော်ဟာ မဟာမိတ် နိုင်ငံတွေအတွက် ထောက်ပံ့ရေး အသုံးစရိတ် သတ်မှတ်ချက်ကို သဘောတူညီမှု ရရှိသွားခဲ့ပါတယ်။

ဖေဖော်ဝါရီ ၁၃ ရက်နေ့မှာ ရီပတ်ဘလစ်ကန်နဲ့ ဒီမိုကရက်ပါတီ အထက်လွှတ်တော် အမတ်တွေကြား သဘောတူညီမှုအရ မဟာမိတ် ၃ နိုင်ငံဖြစ်တဲ့ ယူကရိန်း၊ အစ္စရေးနဲ့ ထိုင်ဝမ်တို့အတွက် ထောက်ပံ့မယ့် ဒေါ်လာ ၉၅ ဘီလီယံ အသုံးစရိတ်ကို အတည်ပြုနိုင်ခဲ့တာ ဖြစ်ပါတယ်။

အမေရိကန် သမ္မတ ဂျိုးဘိုင်ဒန်ဟာ အဲဒီ အသုံးစရိတ် သတ်မှတ်ချက်ကို အတည်ပြုနိုင်အောင် အစဉ်တစိုက် ဖိအားပေးခဲ့ပေမယ့် အတိုက်အခံ ရီပတ်ဘလစ်ကန် ပါတီက အစိုးရရဲ့ နယ်စပ်လုံခြုံရေးနဲ့ လူဝင်မှု ကြီးကြပ်ရေး မူဝါဒတွေကို မပြင်ဆင်ပေးရင် အဲဒီ အဆိုပြုချက်ကို လက်မခံဘူးလို့ တင်းခံနေခဲ့တာကြောင့် လတွေနဲ့ချီ ကြန့်ကြာနေခဲ့တာ ဖြစ်ပါတယ်။

လွှတ်တော်ထဲက နိုင်ငံရေးအရ အားပြိုင်မှုတွေရဲ့ အကျိုးဆက်အဖြစ် အမေရိကန်ဟာ ယူကရိန်းအတွက် စစ်လက်နက်နဲ့ စစ်အသုံးစရိတ် ထောက်ပံ့နိုင်စွမ်း သိသိသာသာ လျော့ကျသွားခဲ့ပြီး ယူကရိန်း တပ်တွေဟာ ရှေ့တန်း စစ်မြေပြင်မှာ လက်နက်ကြီး ကျည်ဆန်တွေကို အကန့်အသတ်နဲ့သာ ပစ်ခတ်ရတဲ့ အခြေအနေထိ ကြုံလာရပါတယ်။

Public Service Announcement

Public Service Announcement

အထက်လွှတ်တော်မှာ သဘောတူညီမှု ရရှိသွားခဲ့တဲ့ အဆိုပြုချက်ဟာ အောက်လွှတ်တော်မှာလည်း အဆုံးအဖြတ် ခံယူရဦးမှာ ဖြစ်ပေမယ့် ကြုံလာမယ့် အလားအလာကိုတော့ မသိရသေးပါဘူး။ အဲဒီ အဆိုပြုချက်ထဲမှာ ယူကရိန်းကို ဒေါ်လာ ၆၀ ဘီလီယံ၊ အစ္စရေးအတွက် ဒေါ်လာ ၁၄ ဘီလီယံနဲ့ ဂါဇာက လူသားချင်း စာနာမှု လုပ်ငန်းစဉ်တွေအတွက် ဒေါ်လာ ၁၀ ဘီလီယံ ခွဲဝေ သတ်မှတ်ထားပါတယ်။

ရီပတ်ဘလစ်ကန် အမတ် ၂၂ ဦးက အခုတစ်ကြိမ်မှာ ဒီမိုကရက်တွေနဲ့အတူ ထောက်ခံမဲ ပေးခဲ့တာကြောင့် တင်သွင်းတဲ့ အဆိုဟာ ၇၀ မဲ၊ ၂၉ မဲနဲ့ အသာစီး ရခဲ့ပါတယ်။

ယူကရိန်း အစိုးရကတော့ အမေရိကန်ဆီက ခိုင်မာအားကောင်းတဲ့ အထောက်အပံ့တွေ ဆက်ပြီး မရရှိနိုင်ဘူးဆိုရင် ကျူးကျော်သူ ရုရှားကို ရင်ဆိုင် ခုခံရတဲ့ စစ်ပွဲမှာ ရှုံးနိမ့်သွားနိုင်ကြောင်း သတိပေး ပြောဆိုထားပါတယ်။

ကိုးကား: BBC

ဆက်စပ်သတင်းများ

နိုင်ငံတကာ

အီရန်နဲ့ ဖြစ်ပွားနေတဲ့ စစ်ပွဲဟာ အမှန်တကယ် အဆုံးသတ်သွားပြီးပြီလို့တောင် ယူဆနိုင်ကြောင်း အမေရိကန် သမ္မတ ဒေါ်နယ်လ်ထရမ့်က ပြောကြားလိုက်ပါတယ်။

နိုင်ငံတကာ

အမေရိကန် ကာကွယ်ရေး ဝန်ကြီး ပိထ်ဟက်ဂ်ဆက်သ်ဟာ အခုသီတင်းပတ်ထဲမှာ စွပ်စွဲပြစ်တင်ခံရဖို့ လွှတ်တော် မဲခွဲမှု တစ်ခုကို ကြုံတွေ့လာဖွယ် ရှိနေပါတယ်။

နိုင်ငံတကာ

ရွှေ့ပြောင်း အခြေချသူတွေကို အတင်းအကျပ် ဖမ်းဆီး နယ်နှင်ခဲ့တဲ့ သူရဲ့ လူဝင်မှု ကြီးကြပ်ရေး မူဝါဒဟာ အရမ်း ကြမ်းတမ်းနေတာမျိုး ဖြစ်ကောင်း ဖြစ်နိုင်ခဲ့ကြောင်း အမေရိကန် သမ္မတ ဒေါ်နယ်လ်ထရမ့်က ပြောကြားခဲ့ပါတယ်။

သတင်းဆောင်းပါး

ထရမ့်ရဲ့ နိုင်ငံရေး ပြိုင်ဘက်တွေကို စုံစမ်းဖို့ ရှေ့တန်းကနေ လှုပ်ရှားခဲ့ကြတဲ့ အမေရိကန် တရားရေးဌာန ထိပ်တန်း အရာရှိကြီး သုံးဦးဟာ ဒီမိုကရက်တွေ လွှတ်တော် ကြီးကြပ်ရေး အာဏာကို ပြန်လည် ရယူလာတဲ့ သက်တမ်းဝက် ရွေးကောက်ပွဲ အပြီး ရက်ပိုင်းအတွင်း တစ်ဦးပြီးတစ်ဦး ရာထူးကနေ ထွက်ခွာသွားကြပါပြီ။

Facebook