နှစ်ဆန်းတစ်ရက်တွင် အကျဥ်းသားအချို့ လွတ်ငြိမ်းသက်သာခွင့်ပေးရာ အင်းစိန်ဗဟိုအကျဥ်းထောင်မှ အကျဉ်းသား ၁၆၀ခန့်လွှတ်ပေးခဲ့ပြီး နိုင်ငံရေးအကျဉ်းသားများ မပါဝင်ကြောင်း အဆိုပါ ထောင်မှတာဝန်ရှိသူတစ်ဦးက ပြောသည်။
“ဆေးမှုနဲ့ တပ်ပြေးပုဒ်မတွေပါတယ်။ ၅၀၅ တွေတော့မပါဘူး။ လွှတ်တာတော့ ၁၆၀ လောက်ရှိမယ်။ အတိအကျတော့ မပြောတတ်ဘူး။ အမျိုးသမီး ၆ ဦးပါတယ်”ဟု အထက်ပါတာဝန်ရှိသူက ပြောသည်။
လွတ်ငြိမ်းချမ်းသာခွင့်ပေးမည်ဟုကြေညာထားသောကြောင့် အင်းစိန်ထောင်ပေါက်ဝတွင် စောင့်ဆိုင်းနေသူများပြားသောကြောင့် ပြစ်ဒဏ်လွတ်ငြိမ်းခွင့်ရသူများကို အခြားဘက်မှ လွှတ်ပေးခဲ့သည်။
“YBS လေးစီးနဲ့ လွှတ်ပေးတယ်။ ဘယ်မှာစောင့်ရမှန်းမသိတော့ တော်တော်ဒုက္ခရောက်ရတယ်။နေပူတာရော ဟိုပြေးဒီပြေးနဲ့ ခေါင်းတွေတောင်မူးတယ်”ဟု လာရောက်စောင့်ဆိုင်းနေသည့် အမျိုးသမီးတစ်ဦးက ပြောသည်။
Public Service Announcement
အကြမ်းဖက်စစ်ကောင်စီအနေဖြင့် လွတ်ငြိမ်းသက်သာ ခွင့် အကြိမ်ကြိမ်ပေးနေသော်လည်း နိုင်ငံရေးအကျဉ်းသားလွှတ်ပေးသည့် ရာခိုင်နှုန်းမှာ အနည်းငယ်ခန့်သာပါရှိသည်။
