ရွှေဘိုမြို့နယ်တွင် ယနေ့ညနေက အကြမ်းဖက်စစ်အုပ်စုအား ဒေသကာကွယ် ရေးတပ်များ စုပေါင်းတိုက်ခိုက်ရာ စစ်ကောင်စီတပ် ၁၅ဦးခန့်သေ

အကြမ်းဖက်စစ်ကောင်စီတပ်သားများက ကျားကျေးရွာအား မီးရှို့ဖျက်ဆီးသွား

စစ်ကိုင်းတိုင်း၊ ရွှေဘိုမြို့နယ်တွင် ယနေ့ညနေပိုင်းက အကြမ်းဖက်စစ်ကောင်စီတပ်နှင့် ပျူစောထီးများအား ခုခံတိုက်ခိုက်ခဲ့ရာ အကြမ်းဖက်စစ်အုပ်စုဘက်မှ ၁၅ဦးခန့်သေဆုံးနိုင်ပြီး ၎င်းတို့က ကျားကျေးရွာအား မီးရှို့ဖျက်ဆီးနေကြောင်း ဒေသတွင်းသတင်းရင်းမြစ်များက ပြောသည်။

ယနေ့ (ဧပြီ ၂၉ ရက်) ညနေ ၅နာရီကျော်က ရွှေဘိုမြို့နယ်၊ မြင်းစီးကျေးရွာရှိ အကြမ်းဖက်စစ်ကောင်စီတပ်ဖွဲ့နှင့် ပျူစောထီးများသည် စုပေါင်းအင်အား ၃၀ကျော်ဖြင့် ကန်သာကုန်းလမ်းအတိုင်းချီတက်လာရာ ShweBo Fighter One အဖွဲ့နှင့်မဟာမိတ်ညီနောင်များဖြစ်ကြသော One Day Revolutiong Force ၊ Fighter Dargon ၊ Hero army Khin U ၊ Brother Of lands Defence Forceအဖွဲ့ နှင့်ကျန်ရှိသောမဟာမိတ်အဖွဲ့အစည်းများစုပေါင်းတိုက်ခိုက်ရာ အကြမ်းဖက်အုပ်စုဘက်မှ ၁၅ခန့်သေဆုံးပြီး ထိခိုက်ဒဏ်ရာရသူလည်းများပြားကြောင်း၊ မဟာမိတ်အဖွဲ့များအထိအခိုက်မရှိပြန်လည်ဆုတ်ခွာနိုင်ခဲ့ကြောင်း ShweBo Fighter One အဖွဲ့က အသိပေးသည်။

ထုတ်ပြန်ချက်နှင့်ပတ်သက်၍ ShweBo Fighter One အဖွဲ့ထံ ဆက်သွယ်မေးမြန်းထားပြီး ပြန်လည်ဖြေကြားခြင်းမရှိသေးပါ။

Public Service Announcement

ရွှေဘိုမြို့နယ်ရှိ ကျားရွာတောင်ပိုင်းကို ယနေ့ ညနေ ၅နာရီခွံခန့်က အကြမ်းဖက်စစ်ကောင်စီတပ်နှင့် ပျူစောထီးများဝင်ရောက်လာကာ မီးရှို့ဖျက်ဆီးမှုများ ပြုလုပ်နေကြောင်း၊ စစ်ကားအကြီးတစ်စီး လူအင်အားလက်နက်အပြည့်အစုံဖြင့် ရွာထဲကားထားပြီး ကျားရွာ၊ပေါင်းလဲကုန်း၊ လက်ယာကုန်းရွာများဘက်သို့ ဝင်ရောက်နေကြောင်း ဒေသခံများက ပြောသည်။

ပြီးခဲ့သည့် ဧပြီ ၁၄ ရက်ကလည်း မြင်းစီးကျေးရွာ ပျူစခန်းဖြစ်သော ရွှေကျောင်းကြီးသို့ ပြည်သူ့ကာကွယ်ရေးအဖွဲ့များက ဝင်ရောက်စီးနင်းတိုက်ခိုက်ရာ ပျူအဖွဲ့ဝင်သုံးဦးအား သုတ်သင် ရှင်းလင်းပြီး ၎င်းတို့ကိုင်ဆောင်သော လက်နတ်များအား သိမ်းဆည်းရမိခဲ့ကြောင်း ShweBo Fighter One အဖွဲ့က သတင်းထုတ်ပြန်ထားသည်။