ဖေဖော်ဝါရီ-၄၊၂၀၂၆၊ရှိန်း/ People’s Spring
ရခိုင်ပြည်နယ်အပါအဝင် စစ်ကောင်စီက အပြည့်အဝထိန်းချုပ်ထားနိုင်ခြင်းမရှိတဲ့ မြို့နယ်တွေက ပြည်သူတွေကို ထောက်ခံစာအပြည့်အစုံပါမှ ခရီးသွားလာခွင့်ပြုဖို့ ကန့်သတ်ထားတယ်လို့ ခရီးသွားပြည်သူတွေက ပြောပါတယ်။
ကန့်သတ်ထားတဲ့မြို့နယ်တွေဟာ ရခိုင်ပြည်နယ်၊ရှမ်းပြည်နယ်က အများဆုံးဖြစ်ပြီး စစ်ကိုင်း၊မကွေး၊မန္တလေးက မြို့နယ်တွေပါ ဝင်တယ်လို့ သိရပါတယ်။
၁၃/ကမန(နိုင်)ကျောက်မဲမြို့နယ်၊ ၁၃/လရန(နိုင်) လားရှိုးမြို့နယ်၊ ၁၃/နမတ(နိုင်)နမ္မတူမြို့နယ်၊
Public Service Announcement
၁၃/သပန(နိုင်)သီပေါမြို့နယ်၊ ၁၃/ကကန(နိုင်) ကုန်းကြမ်းမြို့နယ်(ဟိုပင်ခရိုင်အတွင်းပါဝင်)
၉/မကန(နိုင်) မိုးကုတ်မြို့နယ်၊ ၅/မရန(နိုင်)မုံရွာမြို့နယ်၊ ၅/မမန(နိုင်)မြောင်မြို့နယ်၊ ၅/ရဘန (နိုင်)ရွှေဘိုမြို့နယ်၊ ၈/မကန(နိုင်)မကွေးမြို့နယ်နဲ့
၁၁/ဖြစ်တဲ့ ရခိုင်ပြည်နယ်က မြို့နယ်အားလုံးက ပြည်သူကို စစ်တပ်က ခရီးသွားလာခွင့် ကန့်သတ်ထားတာလို့ သိရပါတယ်။
ကားဂိတ်တွေအကုန်လုံးကိုလည်း ထောက်ခံစာ မပါဘဲ လက်မှတ်ရောင်းချခြင်းမပြုဖို့နဲ့ ထောက်ခံစာ မပါ၊ပါက လမ်းကစစ်ဆေးဂိတ်မှာ ဆင်းနေခဲ့ရမယ်လို့ ထုတ်ပြန်ထားတာကို တွေ့ရပါတယ်။
“ဂိတ်တွေမှာ စာကပ်ထားတယ်။အရင်က အခုလို စာမကပ်ဘဲ ဂိတ်ရောက်မှဆွဲချခံရတာ တွေရှိတယ်။အခုတော့ ကိုယ့်နိုင်ငံထဲကို ခရီးသွားဖို့ကို ရဲနဲ့ ရပ်ကွက်ရုံးကို ပိုက်ဆံ ပေးပြီးမှ ခရီးသွားရမယ့်ပုံ ဖြစ်နေတာ ပေါ့”လို့ ခရီးသွားပြည်သူတစ်ဦးက ပြောပါတယ်။
ဒါ့အပြင် လမ်းကဂိတ်တွေမှာ မသင်္ကာရင် ချက်ချင်းကား ပေါ်ကဆင်းခိုင်းပြီး ဂိတ်မှာနေခဲ့ရတာမျိုးတွေလည်း ရှိတယ်လို့ ဆိုပါတယ်။
