ရန်ကုန်မြို့ တောင်ဥက္ကလာပမြို့နယ် နန္ဒဝန်စျေးအနီး သုမင်္ဂလာလမ်းမကြီးပေါ် တွင် ယနေ့ (ဇွန်လ ၂၃ ရက်) နံနက်ပိုင်းက လူငယ်များစုပေါင်း၍ စစ်အာဏာရှင် ဖြုတ်ချရေးအဖြစ် ပျောက်ကြားသပိတ် ချီတက် ဆန္ဒပြကြခဲ့သည်။
အဆိုပါသပိတ်တွင် မြို့နယ်အသီးသီးမှ လူငယ်များနှင့် ပြည်သူများ ၁၀၀ခန့် ပူးပေါင်းပါဝင်ခဲ့သည်။
လူငယ်များသည် “စစ်တပ်သွေးနဲ့ ခြေဆေးပစ်မယ်” “ကြောက်ခေတ်ကိုမှောက်ပစ်” စသည့် စာတန်းများကိုင်ဆောင်၍ ဖမ်းဆီးခံခေါင်းဆောင်များ လွှတ်ပေးရေးနှင့် ဒီမိုကရေစီ ရရှိစေရေး ကြွေးကြော်ကာ သုမင်္ဂလာလမ်းမကြီးအတိုင်း ချီတက်ဆန္ဒပြခဲ့ကြသည်။
မြန်မာနိုင်ငံတွင် အကြမ်းဖက်စစ်ကောင်စီက မတရားသဖြင့် အာဏာသိမ်းပိုက်ထားသည်မှာ ယနေ့ ၁၄၃ ရက် ပြည့်မြောက်ခဲ့ပြီ ဖြစ်သည်။
ရန်ကုန်မြို့တွင် ငြိမ်းချမ်းစွာ ဆန္ဒထုတ်ဖော်မှုများကို အကြမ်းဖက်နှိမ်နင်းမှုများ ရှိနေသော်လည်း လူငယ်များက နေ့စဉ်ရက်ဆက် ပုံစံမျိုးစုံဖြင့် ဆန္ဒပြမှုများ ပြုလုပ်လျက်ရှိသည်။
