Connect with us

Hi, what are you looking for?

LuduNwayOo

ဗီဒီယို

ကိုဗစ်ကြောင့်သေဆုံးတာ ရန်ကုန်မှာ သိသိသာသာလျော့လာတယ်

ဂျူလိုင်လဆန်းပိုင်းကစလို့ ရန်ကုန်က သချိုင်းတွေမှာ အလောင်းတွေသဂြိုဟ်ဖို့ စုပြုံတန်းစီရတဲ့အခြေအနေတွေဖြစ်ခဲ့ပြီး ဂျူလိုင်လလယ်မှာတော့ အဆိုးဆုံးအခြေအနထိဖြစ်ခဲ့တာပါ။

သြဂုတ်လစန်းပိုင်းလောက်ကစလို့ ရန်ကုန်မှာ ကိုဗစ်နဲ့သေဆုံးတာ သိသိသာသာလျော့ကျလာတယ်လို့ နာရေးကူညီမှုအသင်းတာဝန်ရှိသူတွေက ပြောပါတယ်။

ဂျူလိုင်လဆန်းပိုင်းကစလို့ ရန်ကုန်က သချိုင်းတွေမှာ အလောင်းတွေသဂြိုဟ်ဖို့ စုပြုံတန်းစီရတဲ့အခြေအနေတွေဖြစ်ခဲ့ပြီး ဂျူလိုင်လလယ်မှာတော့ အဆိုးဆုံးအခြေအနထိဖြစ်ခဲ့တာပါ။

ဒဂုံမြို့နယ်ထဲက နေအိမ်တစ်အိမ်မှာ သားအဖနှစ်ဦးသေဆုံးနေတဲ့ ရုပ်သံဖိုင်တစ်ခုက ဆိုရှယ်မီဒီယာမှာ အတော်ပြန့်ခဲ့ပါတယ်။ အဲဒီရုပ်သံကို တိုက်ရိုက်ထုတ်လွှင့်ခဲ့ပြီး သားအဖနှစ်ဦးနာရေးကို ဆောင်ရွက်ပေးခဲ့တဲ့ မေတ္တာသင်္ဂဟနာရေးကူညီမှုအသင်း (ဒဂုံမြို့သစ်အရှေ့ပိုင်း) ရဲ့ ဥက္ကဌ ဦးမင်းဒင်က လက်ရှိအခြေအနေကို အခုလို ပြောပြပါတယ်။

“သချိုင်းမှာ အခုတော့ အေးအေးဆေးဆေးဖြစ်သွားပါပြီ။ ကိုဗစ်မရှိခင် မိုးတွင်းကာလ ပုံမှန်သဂြိုဟ်တဲ့အနေအထားမျိုးပါပဲ။ နာရေးကားတွေန်းစီရတာမျိုးလည်းလုံးဝမရှိတော့ပါဘူး။ ခုဒီရက်ပိုင်းက တစ်လောင်း ၂ လောင်းရှိတယ်။ တစ်ခါတစ်လေကျလည်းလုံးဝမရှိတဲ့ ရက် ၂ ရက်လောက်ရှိတယ်” လို့ ဦးမင်းဒင်က ပြောပါတယ်။

ဇူလိုင်လလယ်ပိုင်းကစလို့ သေဆုံးနှုန်းတအားမြင့်တက်လာခဲ့ပြီးတော့ နာရေးအသင်းတွေမနိုင်မနင်းဖြစ်တဲ့အခြေအနေထိရှိခဲ့တယ်လို့ ဇူလိုင်လအတွင်းက အခြေအနေတွေကို ရှင်းပြပါတယ်။

“ဇူလိုင် ၈ ရက် ၉ ရက်မှာ တစ်နေ့ကို ၇ လောင်း ၈ လောင်းကနေစတက်လိုက်တာ၊ ဇူလိုင် ၁၇ ရက် ၁၈ ရက်လောက်ကျ အလောင်းတွေတအားများလာတယ်ဗျ။ ဇူလိုင် ၁၉၊ ၂၀ လောက်ကျတော့ ကျွန်တော်တို့အနေနဲ့ မနိုင်မနင်းဖြစ်တဲ့အနေအထားတွေဖြစ်ခဲ့တာပေါ့” လို့ သူတို့တစ်ဖွဲ့ထဲ အတွေ့အကြုံကို ရှင်းပြပါတယ်။

စစ်ကောင်စီကျန်းမာရေးဝန်ကြီးဌာနရဲ့ ထုတ်ပြန်ချက်အရ ဇူလိုင် ၁ ရက်ကနေ ဇူလိုင် ၁၅ ရက်အထိ COVID-19 ကြောင့် သေဆုံးသူ ၁၀၁၂ ဦးရှိတယ်လို့ သိရပါတယ်။ ဒီအရေအတွက်က ဆေးရုံတက်ခွင့်မရလို့ နေအိမ်တွေမှာ သေဆုံးသွားရသူတွေမပါပါဘူး။


စစ်ကောင်စီစာရင်းအရ ဇူလိုင်လ အစောပိုင်းတွေမှာ သေဆုံးသူ ဆယ်ဂဏန်းခန့်သာ ရှိခဲ့ပေမဲ့လည်း ဇူလိုင် ၆ ရက်ကနေစပြီး သေဆုံးမှုနှုန်းက တစ်ရက်ကို ၅၀ ကျော်ဖြစ်လာခဲ့တာပါ။ စစ်ကောင်စီရဲ့ တစ်နိုင်ငံလုံးနေ့စဥ်သေဆုံးအရေအတွက်က ၃၀၀ ကျော်မှာပဲရှိခဲ့ပေမယ့် ဇူလိုင် ၈ ရက်ကစလို့ ရန်ကုန်တိုင်းထဲက သုသာန် ၇ ခုစုစုပေါင်းသင်္ဂြိုဟ်ရတဲ့ အရေအတွက်ကတင် တစ်ရက်ကို ၄၀၀ ကျော်အထိမြင့်လာခဲ့တယ်လို့ ရန်ကုန်မြို့တော်စည်ပင် ပတ်ဝန်းကျင်ထိန်းသိမ်းရေးနဲ့သန့်ရှင်းရေးဌာန ဒုတိယဌာနမှုး ဒေါက်တာမြင့်ဇော်က ဇူလိုင် ၁၉ ရက်က စစ်ကောင်စီမီဒီယာမှာ ပြောခဲ့ပါတယ်။

ပုံမှန်က သုသာန် ၇ ခု မှာ သာမန်နာမကျန်းလို့ သေဆုံးတဲ့အရေအတွက်က တစ်ရာကျော်ပဲ ရှိခဲ့တာလို့ ဆိုပါတယ်။

အခုရက်ပိုင်းမှာ နာရေးတွေပါးသွားတော့ နာကူအဖွဲ့တွေလည်းအနားရလာကြောင်းနဲ့ နာရေးက တစ်နေ့ ၂ ခုလောက်ပဲ ပို့ရတော့လို့ သေဆုံးမှုထိုးကျသွားတာဝမ်းသာစရာကောင်းတယ်လို့ ဘိုစိန်လူမှုကူညီကယ်ဆယ်ရေးအသင်း(ရန်ကုန်) ဥက္ကဌ ကိုဘိုစိန်က ပြောပါတယ်။

ဇူလိုင်လလည်လောက်က သူ့အသင်းအနနဲ့ဆို တစ်ရက်ထဲ ၇ လောင်း ၈ လောင်းအထိ မနားတမ်းပို့ရတာတွေရှိခဲ့တယ်လို့ ကိုဘိုစိန်က ပြောပါတယ်။


ရန်ကုန်မြို့က သုသာန်တွေမှာ မီးသင်္ဂြိုဟ်ဖို့အခက်အခဲတွေဖြစ်လာလို့ ဝေဖန်မှုတွေမြင့်တက်လာချိန်မှာ စစ်ကောင်စီက တစ်ရက်တည်း အလောင်း ၃၀၀၀ ကျော် သင်္ဂြိုဟ်နိုင်မယ့် မီးဖိုး ၁၀ လုံးကို တိုးချဲ့တည်ဆောက်နေပြီလို့ ဇူလိုင် ၂၇ ရက်က ကြေညာခဲ့ပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

အထက်ပါတိုက်ခိုက်မှုကို သန်လျင်မြေအောက်ပြောက်ကျားတပ်ဖွဲ့နှင့် ရန်ကုန်မြို့ပြပြောက်ကျား တပ်ဖွဲ့တို့ ပူးပေါင်းလုပ်ဆောင်ခဲ့ခြင်းဖြစ်ကြောင်း အသိပေးထားသည်။

သတင်း

NUG အစိုးရ၏ ကျန်းမာရေးဝန်ကြီးဌာနကလည်း ​မြန် မာနိုင်ငံတွင် ရက်သတ္တနှစ်ပတ်အတွင်း ကိုဗစ်ရောဂါကူးစက်ပြန့်ပွားမှု နှစ်ဆတိုးလာသည်ကိုတွေ့ရကြောင်း ကမ္ဘာ့ကျန်းမာရေးအဖွဲ့(WHO)၏စာရင်းများကို ကိုးကားပြီး သတိပေးသည်။

သတင်း

စစ်​ကောင်စီလက်​အောက်တွင် ကျန်းမာ​ရေး​စောင့်​ရေး​စောင့်​ရှောက်မှုစနစ်ပျက်ယွင်း​နေပြီး ကိုဗစ်ကူးစက်မှုအ​ခြေအ​နေမှန်ကိုသိရှိရန်ခက်ခဲသည်။

သတင်း

ယနေ့(စက်တင်ဘာ ၂၄ ရက်) ညနေ ၃နာရီခန့်က အငြိမ်းစားဗိုလ်ချုပ်အုန်းသွင်ကို ရန်ကုန်မြို့လှိုင်မြို့နယ် (၁၂)ရပ်ကွက်အတွင်းရှိ ၎င်း၏နေအိမ်အတွင်း ဝင်ရောက်ပစ်ခတ်ရှင်းလင်းခဲ့ခြင်းဟု ဆိုသည်။