မြန်မာ​ရွေ့​​ပြောင်းလုပ်သား​တွေကို ထိုင်းအစိုးရကာကွယ်ဆေးထိုး ကိုဗစ်ကာကွယ်​ဆေးထိုး​ပေး

မဲဆောက်မြို့က ရွှေ့ပြောင်းမြန်မာအလုပ်သမားတွေကို ပထမဆုံးအကြိမ်အဖြစ် ထိုင်းအစိုးရက ကိုဗစ်ကာကွယ်ဆေးထိုးပေးခဲ့တယ်လို့ အလုပ်သမားအရေးဆောင်ရွက်ပေးနေတဲ့ မဲဆောက်အခြေစိုက် ရောင်ခြည်ဦးအလုပ်သမားများအဖွဲ့ထံကနေ သိရပါတယ်။

ဒီကနေ့ သြဂုတ် ၁၇ ရက် မနက်ပိုင်းက ထိုင်းနိုင်ငံ မဲဆောက်မြို့ Robinson ကုန်တိုက်၀န်းထဲမှာ မြန်မာရွှေ့ပြောင်းအလုပ်သမားတွေကို ပထမဆုံးအကြိမ် ကိုဗစ်ကာကွယ်ဆေး စတင်ထိုးပေးနေတာပါ။

မဲဆောက်မြို့နယ်အတွင်း ကိုဗစ်ရောဂါ တတိယလှိုင်းမှာ ကူးစက်ခံရသူတိုးမြင့်လာပြီး ထိုင်းနိုင်ငံသားအပြင် ရွှေ့ပြောင်းမြန်မာအလုပ်သမားတွေပါ ကိုဗစ်ကူးစက်မှုနှုန်း ဆက်လက်မြင့်မားနေပြီး သေဆုံးမှုတွေရှိလာခဲ့တာဖြစ်ပါတယ်။

ဒါကြောင့် ထိုင်းအစိုးရက ကျန်းမာရေးအဖွဲ့အစည်းတွေနဲ့ ပူးပေါင်းပြီး ကိုဗစ်ကာကွယ်ထိုးဖို့ စီစဉ်ခဲ့တာလို့ ရောင်ခြည်ဦးအလုပ်သမားများအဖွဲ့ထံကနေ သိရပါတယ်။

Public Service Announcement

မြန်မာရွှေ့ပြောင်းအလုပ်သမားတွေကို ထိုးပေးနေတဲ့ ကိုဗစ်ကာကွယ်ဆေးဟာ Sinovac ကာကွယ်ဆေးအမျိုးအစားဖြစ်ပြီး အခမဲ့ဖြစ်ထိုးပေးတာလို့ အလုပ်သမားတစ်ဦးရဲ့ ပြောကြားချက်အရ သိရပါတယ်။