ကော့ကရိတ်မြို့ အာရှလမ်းမအနီးမှာ ကရင်အမျိုးသားလွတ်မြောက်ရေးတပ်မတော် KNLA နဲ့ အကြမ်းဖက်စစ်ကောင်စီတပ်တို့ကြား လေးရက်တာအတွင်းဖြစ်ပွားခဲ့တဲ့တိုက်ပွဲကြောင့် ဒေသခံပြည်သူ ၅၀၀ ဝန်းကျင်ထွက်ပြေးတိမ်းရှောင်နေခဲ့ရတယ်လို့ ကရင်လူ့အခွင့်အရေးအဖွဲ့ (KHRG)ထံကနေ သိရပါတယ်။
အောက်တိုဘာ ၁၁ ရက်ကနေ ၁၄ ရက်အတွင်း ကော့ကရိတ်မြို့ အာရှလမ်းမအနီး ကော့နွဲ့ အောင်ကလော ရွာသစ်စတဲ့ကျေးရွာတွေမှာ KNLA တပ်မဟာ ၆ နဲ့ စစ်ကောင်စီတပ်တို့ကြား တိုက်ပွဲတွေဖြစ်ပွားခဲ့တာဖြစ်ပြီး စစ်ကောင်စီဘက်က လက်နက်ကြီးနဲ့ ကျေးရွာတွေထဲကို ပစ်ခတ်ခဲ့တာပါ။
စစ်ဘေးတိမ်းရှောင်နေရတဲ့ ဒေသခံ အိမ်ထောင်စု ၁၅၀ ကျော် ခန့်မှန်းလူဦးရေ ၅၀၀ ဝန်းကျင်အတွက် စားနပ်ရိက္ခာနဲ့ ကျန်းမာရေးစောင့်ရှောက်မှုတွေ လိုအပ်နေတယ်လို့ KHRG အဖွဲ့ ပြောရေးဆိုခွင့်ရှိသူတစ်ဦးဖြစ်တဲ့ စောလင်းထက်က ပြောပါတယ်။
ဒီအခြေအနေနဲ့ ပတ်သက်ပြီး ကရင်လူ့အခွင့်အရေးအဖွဲ့ (KHRG)ရဲ့ ပြောရေးဆိုခွင့်ရှိသူတစ်ဦးဖြစ်တဲ့ စောလင်းထက်ကို လူထုနွေဦးက ဆက်သွယ်မေးမြန်းထားတာဖြစ်ပါတယ်။
Public Service Announcement
