Connect with us

Hi, what are you looking for?

LuduNwayOo

ဗီဒီယို

ကာကွယ်ဆေး အပြည့် မထိုးရသေးသူတွေအတွက် ဩစတြီးယားမှာ Lockdown ကြေညာ

Lockdown သတ်မှတ်ချက်အရ ကာကွယ်ဆေး မထိုးရသေးတဲ့ သူတွေဟာ အိမ်ကထွက်ဖို့ ကန့်သတ်ချက်တွေ အများကြီး ကြုံရမှာပါ။ အလုပ်သွားတာ၊ မဖြစ်မနေ စျေးထွက်ဝယ်တာမျိုးကလွဲရင် အိမ်မှာပဲ နေဖို့ ညွှန်ကြားထားပါတယ်။

ကာကွယ်ဆေး အပြည့် မထိုးရသေးတဲ့ သူတွေကို Lockdown ကြေညာတဲ့ အစီအစဉ် တစ်ခုကို ဩစတြီးယား အစိုးရက ကြေညာခဲ့ပါတယ်။

ဥရောပတိုက်က နိုင်ငံမှာ ကိုဗစ်ရောဂါ ကူးစက်မှုတွေ ပြန်လည် မြင့်တက်လာတဲ့နောက် အစိုးရက Lockdown ပြန်ချဖို့ ဆုံးဖြတ်ခဲ့တာပါ။ ဒါပေမဲ့ ကာကွယ်ဆေး နှစ်ကြိမ် အပြည့် ထိုးနှံပြီးသူတွေ အနေနဲ့ကတော့ ဒီသတ်မှတ်ချက်ကနေ ကင်းလွတ်ခွင့် ရမှာ ဖြစ်ပါတယ်။

ဩစတြီးယားမှာ အရွယ်ရောက်ပြီးသူတွေ ကာကွယ်ဆေး နှစ်ကြိမ် အပြည့် မထိုးရသေးတာ လူနှစ်သန်းကျော်လောက် ရှိမယ်လို့ ခန့်မှန်းရပါတယ်။ Lockdown ကိစ္စကို လွယ်လွယ်လေး ဆုံးဖြတ်ခဲ့တာ မဟုတ်ကြောင်း၊ ကံမကောင်း အကြောင်းမလှစွာနဲ့ပဲ Lockdown ကြေညာဖို့က မဖြစ်မနေ လိုအပ်လာကြောင်း ဩစတြီးယား အဓိပတိ အလက်ဇန္ဒား ရှယ်လန်ဘာ့ဂ်က ပြောပါတယ်။

Lockdown သတ်မှတ်ချက်အရ ကာကွယ်ဆေး မထိုးရသေးတဲ့ သူတွေဟာ အိမ်ကထွက်ဖို့ ကန့်သတ်ချက်တွေ အများကြီး ကြုံရမှာပါ။ အလုပ်သွားတာ၊ မဖြစ်မနေ စျေးထွက်ဝယ်တာမျိုးကလွဲရင် အိမ်မှာပဲ နေဖို့ ညွှန်ကြားထားပါတယ်။

ဩစတြီးယားမှာ အရွယ်ရောက်ပြီးသူ ဦးရေရဲ့ ၆၅ ရာခိုင်နှုန်းထိ ကိုဗစ် ကာကွယ်ဆေး ထိုးထားပေမယ့် အနောက် ဥရောပမှာတော့ ကာကွယ်ဆေး ထိုးနှံနိုင်စွမ်း အနိမ့်ဆုံး နိုင်ငံတွေ စာရင်းထဲ ပါဝင်နေဆဲပါ။ လွန်ခဲ့တဲ့ ၇ ရက်အတွင်း ဩစတြီးယားရဲ့ နေ့စဉ် ပျမ်းမျှ ကူးစက်နှုန်းဟာ လူဦးရေ ၁၀၀၀၀၀ ဆိုရင် ၈၀၀ ထိ ရှိခဲ့ပြီး ဥရောပမှာ ကူးစက်နှုန်း အမြင့်ဆုံး နိုင်ငံတစ်ခု ဖြစ်နေပြန်ပါတယ်။

ဥရောပ နိုင်ငံတွေမှာ ကာကွယ်ဆေး ဖြန့်ကျက် ထိုးနှံမှုတွေ အားကောင်းကောင်းနဲ့ လုပ်ဆောင်နေတဲ့တိုင်အောင် ပြီးခဲ့တဲ့ ရက်ပိုင်းတွေအတွင်း ကူးစက်နှုန်းက တက်ရိပ် ပြန်ပြလာတဲ့အပေါ် ကမ္ဘာ့ကျန်းမာရေး အဖွဲ့ကြီး (WHO)က သတိပေးထားပါတယ်။

You May Also Like

နိုင်ငံတကာ

တရုတ်လက်အောက်ခံ မြို့ပြနိုင်ငံငယ်ရဲ့ အစိုးရ အဖွဲ့က လီရဲ့ ဆေးစစ်ရလဒ် အဖြေဟာ Positive ဖြစ်ခဲ့ကြောင်း နိုဝင်ဘာ ၂၁ ရက်မှာ အတည်ပြု ထုတ်ပြန်ပါတယ်။

နိုင်ငံတကာ

ရှိုက်သွင်းရတဲ့ ကာကွယ်ဆေးကို တရုတ် ဆေးကုမ္ပဏီ CanSino Biologicsက တီထွင်ခဲ့ပါတယ်။ ဒီဆေးဟာ လူသားတွေအတွက် ဆိုးကျိုး မရှိသလောက်နည်းတဲ့ တုပ်ကွေးဗိုင်းရပ်စ် တစ်မျိုးကို အခြေခံပြီး တီထွင် ထုတ်လုပ်ထားကြောင်း သိရပါတယ်။

သတင်း

NUG အစိုးရ၏ ကျန်းမာရေးဝန်ကြီးဌာနကလည်း ​မြန် မာနိုင်ငံတွင် ရက်သတ္တနှစ်ပတ်အတွင်း ကိုဗစ်ရောဂါကူးစက်ပြန့်ပွားမှု နှစ်ဆတိုးလာသည်ကိုတွေ့ရကြောင်း ကမ္ဘာ့ကျန်းမာရေးအဖွဲ့(WHO)၏စာရင်းများကို ကိုးကားပြီး သတိပေးသည်။

သတင်း

စစ်​ကောင်စီလက်​အောက်တွင် ကျန်းမာ​ရေး​စောင့်​ရေး​စောင့်​ရှောက်မှုစနစ်ပျက်ယွင်း​နေပြီး ကိုဗစ်ကူးစက်မှုအ​ခြေအ​နေမှန်ကိုသိရှိရန်ခက်ခဲသည်။