Connect with us

Hi, what are you looking for?

LuduNwayOo

ဗီဒီယို

စာသင်ကျောင်း ပစ်ခတ်မှုမှာ သေဆုံးခဲ့တဲ့ ဆရာမရဲ့ နာရေးကိစ္စ စီစဉ်နေရင်း ခင်ပွန်းဖြစ်သူ ကွယ်လွန်

အာမာ ဂါစီယာဟာ အခု သီတင်းပတ်အတွင်း တက္ကဆက်စ် ပြည်နယ်က မူလတန်းကျောင်း တစ်ကျောင်းကို သေနတ်သမား တစ်ယောက်က ဝင်ရောက် ပစ်ခတ်တဲ့ ဖြစ်စဉ်မှာ ကျောင်းသူကျောင်းသား ကလေးငယ်တွေကို ကာကွယ်ရင်း သူရဲကောင်းဆန်ဆန် အသက်ပေးသွားခဲ့ရှာပါတယ်။

အမေရိကန် နိုင်ငံက စာသင်ကျောင်း ပစ်ခတ်မှုမှာ သေဆုံးခဲ့တဲ့ ဆရာမရဲ့ ခင်ပွန်းဖြစ်သူဟာ နာရေးကိစ္စ စီစဉ်နေရင်း ကွယ်လွန်သွားခဲ့ကြောင်း သိရပါတယ်။

အာမာ ဂါစီယာဟာ အခု သီတင်းပတ်အတွင်း တက္ကဆက်စ် ပြည်နယ်က မူလတန်းကျောင်း တစ်ကျောင်းကို သေနတ်သမား တစ်ယောက်က ဝင်ရောက် ပစ်ခတ်တဲ့ ဖြစ်စဉ်မှာ ကျောင်းသူကျောင်းသား ကလေးငယ်တွေကို ကာကွယ်ရင်း သူရဲကောင်းဆန်ဆန် အသက်ပေးသွားခဲ့ရှာပါတယ်။

စတုတ္ထတန်းပြ ဆရာမရဲ့ နာရေး ကိစ္စကို ခင်ပွန်းသည် ဂျိုးဂါစီယာက တာဝန်ယူ စီစဉ်နေရင်း ရုတ်တရက် လဲကျသွားရာက အသက်ပါ ပါသွားခဲ့တာလို့ မိသားစုဝင်တွေက ပြောပါတယ်။

မေလ ၂၆ ရက်မှာ ဆုံးပါးသွားတဲ့ ခင်ပွန်းဖြစ်သူ ဂျိုးဟာ ဇနီးသည် အာမာနဲ့ အထက်တန်း ကျောင်းသူကျောင်းသား ဘဝကတည်းက ချစ်ကျွမ်းဝင်ခဲ့သူတွေလို့ သိရပါတယ်။

Public Service Announcement

Public Service Announcement

ဂျိုးက ရုတ်တရက် လဲကျသွားတဲ့နောက် ဆေးရုံကို အရေးပေါ် တင်ပို့ဖို့ ကြိုးစားကြပေမယ့် အသက်မမီခဲ့ဘူးလို့ မိသားစုဝင် တစ်ဦးက ဆိုပါတယ်။ သူဟာ ဇနီး ကွယ်လွန်သွားတဲ့ ကိစ္စနဲ့ ပတ်သက်လို့ အရမ်း စိတ်ထိခိုက် ကြေကွဲနေခဲ့တယ်လို့ ဂျိုးရဲ့ တူတော်စပ်သူ ဂျွန် မာတီနက်ဇ်က ဆိုပါတယ်။

မိသားစု အနေနဲ့ ရက်ပိုင်းအတွင်းမှာတင် ချစ်သူခင်သူ နှစ်ဦးကို ရှေ့ဆင့်နောက်ဆင့် လက်လွှတ် ဆုံးရှုံးလိုက်ရတဲ့ အခြေအနေက ခက်ခဲလွန်းတယ်လို့လည်း သူက ပြောပါတယ်။

မိသားစုဝင်တွေက ဂျိုးကွယ်လွန်တဲ့ အကြောင်းရင်းကို ထုတ်မပြောပေမယ့် ဒေသခံ သတင်းမီဒီယာ ဌာနတစ်ခုကတော့ နှလုံး ရုတ်တရက်ဖောက်ပြီး သေဆုံးသွားတာလို့ ဖော်ပြထားပါတယ်။

ဂျိုးနဲ့ အာမာတို့ဟာ အိမ်ထောင်သက် ၂၄ နှစ် ရှိခဲ့ပြီလို့ ပစ်ခတ်မှု ဖြစ်ပွားခဲ့ရာ ရော့ဘ် မူလတန်းကျောင်းရဲ့ ဝက်ဘ်ဆိုက်မှာ ဖော်ပြထားပါတယ်။ သူတို့ ဇနီးမောင်နှံမှာ သားသမီး ၄ ဦး ရှိနေပါတယ်။

အသက် ၁၈ နှစ်အရွယ် ဆယ်လ်ဗာဒေါ ရာမို့စ်ဆိုတဲ့ လူငယ် တစ်ဦးက ကျောင်းထဲကို ရိုင်ဖယ် သေနတ် တစ်လက်နဲ့ ဝင်ရောက် ပစ်ခတ်မှုမှာ ကလေး ၁၉ ဦးအပြင် အာမာနဲ့ လုပ်ဖော်ကိုင်ဖက် ဆရာမ အီဗာ မီရာလက်စ်တို့ပါ သေဆုံးခဲ့ပါတယ်။ သေနတ်သမားကိုတော့ ရဲတွေက အသေပစ်ခတ် နှိမ်နင်းခဲ့ပါတယ်။

ဒီဖြစ်စဉ်ကြောင့် အမေရိကန်မှာ လက်နက် ကိုင်ဆောင်ခွင့် ပိုမို တင်းကျပ်တဲ့ ဥပဒေတွေ ပြဋ္ဌာန်းဖို့ ဖိအားပေး တောင်းဆိုမှုတွေလည်း တကျော့ပြန် မြင့်တက်လာခဲ့ပါတယ်။

ဆက်စပ်သတင်းများ

သတင်း

တိုက်ခိုက်မှုကြောင့် ဒုရဲအုပ်တစ်ဦး၊ ရဲဒုတပ်ကြပ် နှစ်ဦးနှင့် ရဲတပ်သား သုံးဦး စုစုပေါင်း ခြောက်ဦး သေဆုံးကြောင်း တော်လှန်ရေးအင်အားစုများက ပြောသည်။

သတင်း

ပျူရွာများထဲမှ မြောက်ခင်ရမ်းရွာသည် စစ်တပ်မှအငြိမ်းစားယူခဲ့သည့် လွှတ်တော်ကိုယ်စားလှယ်ဟောင်း ဘူးလက်လှ‌ ဆွေ၏ ဇာတိဖြစ်ပြီး စစ်ကောင်စီ၏ အမာခံပျူ‌​စောထီးရွာဖြစ်သည်။

သတင်း

ဝဲကြီးထောင့်ဆေးရုံ ဗုံးကြဲတိုက်ခိုက်ခံရမှုကြောင့် ဆေးရုံတစ်ခုလုံးနီးပါးပျက်စီးဆုံးရှုံးခဲ့ရပြီး ဆေးဝန်ထမ်း၊ လူနာ နှင့် လူနာစောင့် အရပ်သားပြည်သူ စုစုပေါင်း ၂၀ဦးထက်မနည်း ထိခိုက်ဒဏ်ရာရပြီး သေဆုံးသူအချို့ရှိခဲ့သည်ဟု အသိပေးသည်။

သတင်း

လောင်းလုံးမြို့နယ် ထွေအုပ်ရုံး၊မြို့နယ်ရဲစခန်းနှင့် လက်ခတ်တောင် တာဝါတိုင်စခန်းကုန်းတို့ကိုမေလ ၉ရက်တွင် နံနက် ၆နာရီမှစ၍ တပြိုင်နက် စီးနင်းတိုက်ခိုက်ခဲ့ခြင်းဟု ကာကွယ်ရေး ရဲဘော်တစ်ဦးက ပြောသည်။