Connect with us

Hi, what are you looking for?

LuduNwayOo

နိုင်ငံတကာ

ဝေဟင်ပိုင်နက်ထဲ ရောက်လာတဲ့ ဓာတ်ငွေ့ ဘောလုံးတစ်ခုကို အမေရိကန် တိုက်လေယာဉ်တွေ စောင့်ကြည့်ခဲ့

ဓာတ်ငွေ့ဘောလုံးရဲ့ ပျံသန်းမှု လမ်းကြောင်းဟာ တသမတ်တည်း ရှိနေခဲ့ပြီး အရပ်ဖက် လေကြောင်း သွားလာမှုတွေကိုလည်း အဟန့်အတား ကြုံစေတာမျိုး မဖြစ်ခဲ့ဘူးလို့ ဆိုပါတယ်။

ဝေဟင်ပိုင်နက်ထဲ ရောက်လာတဲ့ ဓာတ်ငွေ့ ဘောလုံးတစ်ခုကို အမေရိကန် တိုက်လေယာဉ်တွေ စောင့်ကြည့်ခဲ့
ဝေဟင်ပိုင်နက်ထဲ ရောက်လာတဲ့ ဓာတ်ငွေ့ ဘောလုံးတစ်ခုကို အမေရိကန် တိုက်လေယာဉ်တွေ စောင့်ကြည့်ခဲ့

နိုင်ငံရဲ့ ဝေဟင်ပိုင်နက်ထဲ ရောက်ရှိပြီး မြင့်မားတဲ့ နေရာမှာ ပျံသန်းနေတဲ့ ဓာတ်ငွေ့ဘောလုံး တလုံးကို အမေရိကန် တိုက်လေယာဉ်တွေက ကြားဖြတ် စောင့်ကြည့်ခဲ့ရပါတယ်။

နိုင်ငံ အနောက်ပိုင်း၊ ယူတားနိုင်ငံရဲ့ ကောင်းကင်ယံမှာ အမြင့်ပေ ၄၄၀၀၀ လောက်ကနေ ပျံသန်းနေတဲ့ ဓာတ်ငွေ့ ဘောလုံးဟာ လုံခြုံရေးအရ ထိပါးနိုင်တဲ့ ခြိမ်းခြောက်မှုမျိုး မတွေ့ရပေမယ့်လည်း ဘယ်သူက လွှတ်တင်တယ်၊ ဘာရည်ရွယ်ချက်နဲ့ လွှတ်တင်တယ် ဆိုတာကိုတော့ မသိရသေးဘူးလို့ အမေရိကန် စစ်ဘက်က ပြောပါတယ်။

ဓာတ်ငွေ့ဘောလုံးရဲ့ ပျံသန်းမှု လမ်းကြောင်းဟာ တသမတ်တည်း ရှိနေခဲ့ပြီး အရပ်ဖက် လေကြောင်း သွားလာမှုတွေကိုလည်း အဟန့်အတား ကြုံစေတာမျိုး မဖြစ်ခဲ့ဘူးလို့ ဆိုပါတယ်။

ကော်လိုရာဒိုနဲ့ ယူတား နယ်စပ်နားမှာ အဲဒီ သေးငယ်တဲ့ ပစ္စည်းကို စတင် တွေ့ရှိခဲ့ပြီး အလာစကာကို ဖြတ်သန်းရင်း အရှေ့ဖက် ကမ်းခြေဆီ ဦးတည် ရွေ့လျားနေတယ်လို့ သိရပါတယ်။

Public Service Announcement

Public Service Announcement

နောက်တော့ အမေရိကန်နဲ့ ကနေဒါရဲ့ လေကြောင်း ကာကွယ်ရေး ကဏ္ဍကို တာဝန်ယူထားတဲ့ Noradက တိုက်လေယာဉ်တွေ စေလွှတ်ပြီး ဓာတ်ငွေ့ ဘောလုံးကို ကြားဖြတ်စောင့်ကြည့်ခဲ့ပါတယ်။ ဘောလုံးရဲ့ အောက်မှာ သေးငယ်တဲ့ ကုဗတုံးပုံ အရာတစ်ခု ချိတ်ဆွဲထားတာကိုလည်း တွေ့ရှိရပါတယ်။ လောလောဆယ်တော့ Noradဟာ ဘောလုံးရဲ့ လှုပ်ရှားမှုကို တောက်လျှောက် စောင့်ကြည့်နေပြီး နောက်ဆက်တွဲ ဘယ်လို ဆုံးဖြတ်မလဲ ဆိုတာကို အတိအကျ မထုတ်ပြန်သေးပါဘူး။

မနှစ်က ဖေဖော်ဝါရီလတုန်းကတော့ တရုတ်က လွှတ်တင်တဲ့ မိုးပျံပူဖောင်း တစ်လုံးကို သူလျှို ကိရိယာလို့ စွပ်စွဲပြီး အမေရိကန် လေတပ်က ပစ်ချခဲ့တာကြောင့် စူပါပါဝါ နှစ်နိုင်ငံကြား သံတမန်ရေးရာ တင်းမာမှုတွေ ဖြစ်ပေါ်ခဲ့ဖူးပါတယ်။ တရုတ်ကတော့ အဲဒီ မိုးပျံပူဖောင်းဟာ အရပ်ဖက် မိုးလေဝသဆိုင်ရာ သုတေသန ကိရိယာတွေကို တင်ဆောင်သွားတာသာ ဖြစ်တယ်လို့ အကြောင်းပြခဲ့ပါတယ်။

အဲဒီတုန်းကတော့ မိုးပျံပူဖောင်းဟာ တောင်ပိုင်း ကာရိုလိုင်းနား ကမ်းရိုးတန်းကို ကျော်လွန် ရောက်ရှိသွားတဲ့အချိန် အမေရိကန် လေတပ်ရဲ့ အဆင့်အမြင့်ဆုံး လေကြောင်းစိုးမိုးရေး တိုက်လေယာဉ်ဖြစ်တဲ့ F-22 တစ်စီးက ဒုံးကျည်နဲ့ ပစ်ချပြီး ဖျက်ဆီးပစ်ခဲ့ပါတယ်။

ကိုးကား: Fox

ဆက်စပ်သတင်းများ

နိုင်ငံတကာ

ရုရှား အစိုးရ ပြောရေးဆိုခွင့်ရ အရာရှိ ဒစ်မစ်ထရီ ပက်စ်ကော့ဗ်ကတော့ အခုဆုံးဖြတ်ချက်ဟာ အမေရိကန်ကို ကြွယ်ဝသထက် ကြွယ်ဝစေပြီး ယူကရိန်း အတွက်တော့ နောက်ထပ် အသက်တွေ စတေးရင်း တွင်းဆုံးကျစေမယ့် ကိစ္စမျိုးလို့ တုံ့ပြန်သွားပါတယ်။

နိုင်ငံတကာ

အမေရိကန်က အဲဒီအဆိုကို ဗီတိုအာဏာသုံးပြီး ပယ်ချခဲ့မေယ့် အမေရိကန်ရဲ့ အနီးစပ်ဆုံး မဟာမိတ်တွေထဲက ပြင်သစ်၊ ဂျပန်နဲ့ တောင်ကိုရီးယားတို့ကလည်း ပါလက်စတိုင်းနိုင်ငံ ထူထောင်ရေး အဆိုကို ထောက်ခံခဲ့ကြောင်း သိရပါတယ်။

နိုင်ငံတကာ

ကုလသမဂ္ဂဆိုင်ရာ အီရန် သံတမန် အဖွဲ့က အီရန်ရဲ့ တိုက်ခိုက်မှုဟာ တရားမျှတပြီး အမေရိကန် အနေနဲ့ ကြားမဝင်ဖို့ လိုတယ်လို့ သတိပေးလိုက်တာ ဖြစ်ပါတယ်။

ဆောင်းပါး

မြဝတီမြို့ပြင်တိုက်ပွဲများကြောင့် မြို့ခံအချို့မှာ လုံခြုံရေးအခြေအနေစိုးရိမ်၍ ယခုရက်ပိုင်းအတွင်း ထိုင်းနိုင်ငံ၊​ မဲဆောက်မြို့သို့ ပြောင်းရွှေ့နေထိုင်မှုများလည်း ရှိနေသည်။