Connect with us

Hi, what are you looking for?

နိုင်ငံတကာ

အိန္ဒိယမှာ ဆင်ကြီးတစ်ကောင် လွတ်သွားပြီး သောင်းကျန်း၊ ကားတွေ ဖျက်ဆီးခံရပြီး လူတစ်ဦး သေဆုံး

အိန္ဒိယ နိုင်ငံမှာ ဘာသာရေး ပွဲတော်တစ်ခုအတွက် အသုံးပြုဖို့ ခေါ်ဆောင်လာတဲ့ ဆင်ကြီးတစ်ကောင် လွတ်သွားပြီး သောင်းကျန်းရာက အနည်းဆုံး လူတစ်ဦး သေဆုံးခဲ့သလို ပျက်စီးမှုတွေပါ ဖြစ်ပွားခဲ့ပါတယ်။

အိန္ဒိယ နိုင်ငံမှာ ဘာသာရေး ပွဲတော်တစ်ခုအတွက် အသုံးပြုဖို့ ခေါ်ဆောင်လာတဲ့ ဆင်ကြီးတစ်ကောင် လွတ်သွားပြီး သောင်းကျန်းရာက အနည်းဆုံး လူတစ်ဦး သေဆုံးခဲ့သလို ပျက်စီးမှုတွေပါ ဖြစ်ပွားခဲ့ပါတယ်။

မေလ ၁ ရက်နေ့တုန်းက အိန္ဒိယတောင်ပိုင်း၊ ကီရာလာ ပြည်နယ်ထဲက ဘုရားကျောင်း တစ်ခုရဲ့ စီတန်းလှည့်လည်ပွဲအတွက် ထရပ်ကားပေါ် တင်ဆောင်လာတဲ့ ဆင်ကြီးဟာ ထူးခတ်ထားတဲ့ သံကြိုးတွေကနေ လွတ်ထွက်သွားခဲ့တာ ဖြစ်ပါတယ်။

အဲဒီနောက်မှာတော့ အနီးတဝိုက်မှာ ရှိတဲ့ ကားတွေကိုပါ နှာမောင်းတွေနဲ့ ဆွဲမွှေ့ခဲ့ပြီး သူ့ကို တင်ဆောင်လာတဲ့ ထရပ်ကား ယာဉ်မောင်းကိုပါ သတ်ပစ်ခဲ့ပါတယ်။ အဲဒီဖြစ်စဉ်မှာ နောက်ထပ် လူတစ်ဦးလည်း ဒဏ်ရာရခဲ့ပါတယ်။

သေဆုံးသူဟာ အသက် ၄၀ အရွယ် ဗစ်ရှနူးဆိုသူ ဖြစ်တယ်လို့ ပြည်တွင်းမီဒီယာတွေက ဖော်ပြခဲ့ပါတယ်။ မျက်မြင်တွေရဲ့ အဆိုအရ ဆင်ကြီးဟာ ယာဉ်မောင်းကို နှာမောင်းနဲ့ပတ်ပြီး ဆွဲယူခဲ့တဲ့နောက် အစွယ်နဲ့ ထိုးခဲ့သလို နောက်ဆုံးမှာ နင်းသတ်ပစ်လိုက်တာလို့ သိရပါတယ်။

Public Service Announcement

Public Service Announcement

လူမှုကွန်ရက်တွေပေါ် ပျံ့နှံ့လာတဲ့ ဗီဒီယိုတွေထဲမှာတော့ ဆင်ကြီးဟာ ကားတွေကို ဒေါသတကြီး အစွယ်နဲ့ လိုက်ထိုးနေပြီး ဖျက်ဆီးနေတဲ့အချိန် လူတွေက ကူရာကယ်ရာမဲ့စွာနဲ့ ရပ်ကြည့်နေခဲ့ကြတာကို တွေ့ရပါတယ်။ ဆင်ကြီးဟာ အုန်းပင်တစ်ပင်ကိုပါ ချိုးပစ်ခဲ့ပြီး အတော်ကြီး သောင်းကျန်းနေခဲ့ပါတယ်။

အဲဒီနောက် ဆင်တွေကို ကိုင်တွယ်ရာမှာ ကျွမ်းကျင်သူတွေ စုစည်းထားတဲ့ အထူးအဖွဲ့ တစ်ခုကို အခင်းဖြစ်ရာ နေရာဆီ ခေါ်ယူခဲ့ရပါတယ်။ သူတို့က ၄ နာရီလောက် အချိန်ယူပြီးတဲ့နောက် ဆင်ကြီးကို မေ့ဆေးနဲ့ အောင်အောင်မြင်မြင် ပစ်ဖမ်းနိုင်ခဲ့ပါတယ်။

အဲဒီဖြစ်ရပ်အပြီး နာရီပိုင်းလောက် အကြာမှာပဲ အီရင်ဂျာလာကူဒါ ဒေသက ဘုရားကျောင်း တစ်ခုနားမှာ ဝင်းထဲမှာ ချုပ်နှောင်ထားတဲ့ ဆင်ကြီးတစ်ကောင် လွတ်မြောက်သွားပြီး ဆင်ထိန်းတွေကို တိုက်ခိုက်ခဲ့တာကြောင့် တစ်ဦးသေခဲ့ပြီး နောက်ထပ်တစ်ယောက်လည်း ဆေးရုံရောက်သွားခဲ့ကြောင်း သိရပါတယ်။

ကိုးကား: People

ဆက်စပ်သတင်းများ

နိုင်ငံတကာ

အိန္ဒိယနိုင်ငံ အရှေ့ဖက် ကမ်းရိုးတန်းကို ဆိုင်ကလုန်းမုန်တိုင်း ဝင်ရောက် တိုက်ခတ်မှုကြောင့် လူ ၆ ဦးထက်မနည်း သေဆုံးပြီး ဓာတ်အား ပြတ်တောက်မှုတွေနဲ့ တခြား ထိခိုက်မှုတွေ ဖြစ်ပေါ်ခဲ့ပါတယ်။

နိုင်ငံတကာ

ဆိုင်ကလုန်းမုန်တိုင်း ချဉ်းကပ်လာမှုကြောင့် အိန္ဒိယနိုင်ငံ အရှေ့ဖက် ကမ်းခြေမှာ လူပေါင်း သောင်းနဲ့ချီ အရေးပေါ် ရွှေ့ပြောင်းနေကြောင်း သိရပါတယ်။

နိုင်ငံတကာ

တရုတ်နဲ့ အိန္ဒိယ နယ်စပ်တလျှောက်မှာ နှစ်ဖက် လုံခြုံရေး တပ်ဖွဲ့တွေကြား ထိပ်တိုက်ရင်ဆိုင်တွေ့မှုတွေ ဆက်ဖြစ်နေတယ်လို့ အိန္ဒိယ နယ်စပ် ရဲတပ်ဖွဲ့က အတည်ပြုခဲ့ပါတယ်။

သတင်း

ကချင်ပြည်နယ်၊ တနိုင်းမြို့နယ်မှာ မုန်ယိုနေတဲ့ ဆင်နင်းလို့ ဒေသခံ ၅ဦး သေဆုံးခဲ့ပြီး ဆင်ကလွတ်မြောက်နေဆဲမို့ ဒေသခံတွေ စိုးရိမ်နေကြပါတယ်။

Facebook