Connect with us

Hi, what are you looking for?

LuduNwayOo

ဗီဒီယို

မင်းတပ်မြို့ကို ကာကွယ်​ပေး​နေ​သော မင်းတပ်ပြည်သူ့ကာကွယ်​ရေး အဖွဲ့

မင်းတပ်ပြည်သူ့ကာကွယ်​ရေးအဖွဲ့နှင့် အာဏာသိမ်းစစ်​ကောင်စီကြား အပစ်အခတ်ရပ်စဲမှု ​မေ ၁၂ ရက်မှစတင်ပျက်ပြယ်ပြီး​နောက် တိုက်ပွဲများ ဆက်တိုက်ဖြစ်ပွား​နေသည်။

မင်းတပ်ပြည်သူ့ကာကွယ်​ရေးတပ်ဖွဲ့ကို အာဏာသိမ်းစစ်​ကောင်စီတပ်က မတူပီမြို့နှင့် ​ကျောက်ထု ဖက်မှ လက်နက်ကြီးများဖြင့် ပစ်၍ နှစ်ဖက်ညှပ်တိုက်ခိုက်​နေသည်။

မင်းတပ်ပြည်သူ့ကာကွယ်​ရေးအဖွဲ့ကလည်း ယ​နေ့နံနက် ၆ နာရီခန့်တွင် ပခုက္ကူဘက်မှတက်လာ​သောစစ်​​ကောင်စီ၏ကား ၅ စီးကို ကြားဖြတ်တိုက်ခိုက်ရာ စစ်​ကားများ​ရှေ့မတက်နိုင်ဘဲဖြစ်​နေသည်။

ထို့အပြင် မင်းတပ်မြို့အတွင်းရှိ မြန်မာ့စီးပွား​ရေးဘဏ် အနီးတွင်လည်း တိုက်ပွဲ ဖြစ်ပွားလျက်ရှိသည်။

စစ်​ကောင်စီတပ်ဖက်က ​ကျောက်ထုနှင့် မတူပီဘက်မှ ညှပ်၍ လက်နက်ကြီးများဖြင့် ပစ်ခတ်မှု​ကြောင့် မင်းတပ်ပြည်သူ့ကာကွယ်​ရေးအဖွဲ့မှ ၁ ဦးကျဆုံးပြီး ၆ ဦးဒဏ်ရာရရှိထားသည်။

စစ်​ကောင်စီတပ်မှ ​သေဆုံး၊ ဒဏ်ရာရရှိမှုကိုမူ မသိရှိရ​သေး​ပေ။

ချင်းပြည်နယ်ရှိ မြို့နယ်တိုင်းတွင်ဖွဲ့စည်းထား​သော ချင်းပြည်သူ့ကာကွယ်​ရေးအဖွဲ့ များကလည်း သက်ဆိုင်ရာမြို့များတွင်စစ်​ကောင်စီတပ်များကို ​တော်လှန်တိုက်ခိုက်​​ပေးကြရန် မင်းတပ်ပြည်သူ့ကာကွယ်​ရေးအဖွဲ့က​​တောင်းဆိုထားသည်။

အာဏာသိမ်းစစ်​ကောင်စီ၏ ဝါဒဖြန့် မီဒီယာများက မင်းတပ်မြို့နယ်ကို ​မေ ၁၃ ရက်မှစ၍ စစ်အုပ်ချုပ်​ရေး​ကြေညာသည်။

ဧပြီလတွင် မင်းတပ်ပြည်သူ့ကာကွယ်​​ရေးအဖွဲ့နှင့် စစ်​ကောင်စီတပ်များကြားတိုက်ပွဲဖြစ်ရာ စစ်​ကောင်စီတပ်ဖွဲ့ဝင် ၃၀ ဦးဝန်းကျင်​သေဆုံးခဲ့သည်။ ထို့နောက်​မေလဆန်းတွင် စစ်​​ကောင်စီက ဖမ်းဆီးထား​သော ဆန္ဒပြပြည်သူ ၆ ဦးလွှတ်​ပေးရန်နှင့် မင်းတပ်မြို့နယ်ဘက်မှ စစ်ကားများ မြို့ကို ဖြတ်သန်းခွင့်ပြုရန် နှစ်ဖက်ကြား ညှိနှိုင်းပြီး ယာယီအပစ်ရပ်သ​ဘောတူခဲ့သည်။ ​

မေ ၁၂ ရက် မွန်းတည့်၁၂ နာရီအထိ စစ်​ကောင်စီကဖမ်းဆီးထားသူများပြန်မလွှတ်​ပေးသဖြင့် အပစ်ရပ်ပျက်ပြယ်ပြီး ယမန်​နေ့ည​ကစ၍ တိုက်ပွဲများပြန်ဖြစ်လာခြင်းဖြစ်သည်။

​ မင်းတပ်ပြည်သူ့ကာကွယ်​ရေးတပ်ဖွဲ့များက ​မေ ၁၃ ရက်တွင် ခုခံတိုက်ခိုက်​နေသည့် ရုပ်သံမှတ်တမ်းကို ​တွေ့ရစဥ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

နိုင်ငံရေးပါတီများအနေဖြင့် စစ်ကောင်စီပြုလုပ်မည့်ရွေးကောက်ပွဲကို ပါဝင်ခြင်းမပြုရန် STA ၏ တောင်းဆိုချက်မှာ လူထုအမြင် သဘောထားနှင့် ကိုက်ညီမှုရှိကြောင်း ပြည်တွင်းရှိ နိုင်ငံ ရေးလေ့လာစောင့်ကြည့်သူတစ်ဦးက သုံးသပ်သည်။

သတင်း

ပြည်သူများအနေဖြင့်လည်း မင်းတပ် CDFရဲဘော်များအတွက် ဆုတောင်းပေးရန် ဝန်းရံပေးရန်နှင့် ပံ့ပိုးကူညီပေးကြရန် မင်းတပ်CDF ပြောရေးဆိုခွင့်ရှိသူ ဆလိုင်းဟာအွမ်က မေတ္တာရပ်ခံထားသည်။

သတင်း

"ပြည်သူတွေကို အိမ်ထဲတွေထိ ဝင်ခေါ်ပြီး ဘုန်းကြီးကျောင်းတွေထဲမှာ ဖမ်းဆီးထားပြီး ဖုန်းတွေ သိမ်းထားတယ်လို့သိရပါတယ်"ဟု မုံရွာမြို့နယ်သတင်းမှန်ပြန်ကြားရေးက ပြောသည်။

သတင်း

စစ်ကောင်စီတပ်သည် ပုလောမြို့သို့လာရောက်စဥ်ပလမြို့မှ ကိုဌေးလွင်အပါအဝင် အရပ်သားသုံးဦးနှင့်ပြည်သူပိုင်ကားအချို့ကို ချောဆွဲလာခဲ့ခြင်းဖြစ်သည်။ ကိုဌေးလွင်အပါ