Connect with us

Hi, what are you looking for?

LuduNwayOo

ဗီဒီယို

အင်းစိန်​ထောင်တွင်း ဆန္ဒပြ

ထောင်တွင်း ဆန္ဒပြတာဟာ မတရားဖမ်းဆီးခံထားရတဲ့ ဆန္ဒပြပြည်သူ​တွေ ၊ နိုင်ငံ​ရေးအကျဥ်းသား​တွေရဲ့ စစ်အာဏာရှင် ဆန့်ကျင်​ရေးဆန္ဒပြပွဲ ဖြစ်မယ်လို့ အပြင်က ပြည်သူတချို့က ခန့်မှန်း​နေပါတယ်။

အင်းစိန်​ထောင်တွင်းမှာ ဒီ​နေ့နံနက် ၇ နာရီ​လောက်ကစပြီး ​စစ်အာဏာရှင်ပြုတ်ကျ​ရေး ​​ကြွေးကြော်သံ​တွေ ၊​သွေးသစ္စာသီချင်​တွေ ဟစ်​ကြွေးပြီးဆန္ဒပြ​နေပါတယ်။

​ဒီမိုက​ရေစီရရှိ​ရေး ဒို့အ​ရေး ၊အ​ရေး​တော်ပုံ​အောင်ရမည် ၊သပိတ် သပိတ် ​မှောက် ​မှောက် ၊ ​ဖမ်းဆီးထား​သော​ခေါင်း​ဆောင်များ ချက်ချင်းလွှတ် ချက်ချင်းလွှတ် စတဲ့​ကြွေး​ကျော်သံ​တွေ အပြင် ​သွေးသစ္စာ သီချင်းကိုပါ ဟစ်​ကြွေးဆန္ဒပြ​နေတာကြ​တွေ့ရပါတယ်။ ဒီ​ကြွေး​ကြော်သံ​တွေ​က စစ်အာဏာသိမ်းမှု ကို ဆန့်ကျင် ဆန္ဒပြပြီးမတရားဖမ်းဆီးခံခဲ့ရတဲ့ ဆန္ဒပြပြည်သူ​တွေ ဆန္ဒပြရာမှ ​ကြွေး​ကြော်​လေ့ရှိတဲ့ ​ကြွေး​ကြော်သံ​တွေဖြစ်ပါတယ်။

ဒါကြောင့် ​ထောင်တွင်း ဆန္ဒပြတာဟာ မတရားဖမ်းဆီးခံထားရတဲ့ ဆန္ဒပြပြည်သူ​တွေ ၊ နိုင်ငံ​ရေးအကျဥ်းသား​တွေရဲ့ စစ်အာဏာရှင် ဆန့်ကျင်​ရေးဆန္ဒပြပွဲ ဖြစ်မယ်လို့ အပြင်က ပြည်သူတချို့က ခန့်မှန်း​နေပါတယ်။

“သမီးတို့အိမ်ကနေလဲ ကြားရတယ် မနက် ၇နာရီထဲက ထောင်အနောက်ပေါက်က အော်နေတာ အခုထိပဲ ၅ မီနစ် လောက်ငြိမ်လိုက်အော်လိုက်ပဲ” လို့ အင်းစိန်​ထောင်အနီး​နေတဲ့ပြည်သူတစ်ဦးက​ပြောပါတယ် ။

စစ်​ကောင်စီရဲ့စစ်ကား​တွေ ​ထောင်တွင်းဝင်သွားတာ​တွေ့တယ်လို့ ပြည်သူအချို့က ​ပြောပြီး၊ဆန္ဒထုတ်​ဖော်​နေတဲ့ ပြည်သူ​တွေကို အကြမ်းဖက်မှာ ပြည်သူ​တွေက စိုးရိမ်​နေပါတယ်။

အာဏာသိမ်းစစ်​ကောင်စီက ဖေ​ဖော်ဝါရီ ၁ ရက်မတိုင်ခင်က ရာဇဝတ်မှု အမျိုးမျိုးနဲ့တရားရင်ဆိုင်​နေတဲ့အချုပ်သား​တွေကို လွတ်ငြိမ်းခွင့်​ပေးပြီး ၊ ဆန္ဒပြပြည်သူ​တွေအပါအဝင်
မတရားသဖြင့်ပုဒ်မမျိုးစုံနဲ့ ဖမ်းဆီး​ထောင်ချထားတဲ့ နိုင်ငံ​ရေးအကျဥ်းသား​တွေကိုမလွတ်​ပေးဘဲ ရက်ပိုင်းကြာတဲ့အခါ ​ပေါ်​ပေါက်လာတာဖြစ်ပါတယ်။

​ထောင်​တွေအတွင်းမှာ ကိုဗစ်ကိုးစက်မှု မြင့်တက်​နေတာ​ကြောင့် အမျိုးသားဒီမိုက​ရေစီအဖွဲ့ချုပ် (NLD) က ဗဟိုအလုပ်အမှု​ဆောင် အဖွဲ့ဝင် ဦးဥာဏ်ဝင်း ဇူလိုင် ၂၀ ကကွယ်လွန်ခဲ့ပါတယ်။

ဒါ​ကြောင့် ပြင်ပမှာပါ ကိုဗစ်တတိယလှိုင်း ထိန်းချုပ်​​ရေးကို ဘာမှမလုပ်နိုင်တဲ့ အာဏာသိမ်းစစ်​ကောင်စီရဲ့လက်​အောက်မှာ ​ထောင်တွင်းမှာ ကိုဗစ်ကူးစက်မှု အလွန်ဆိုးရွားပြီး အကျဥ်းသား​တွေ ​ဆေးဝါးကုသ​စောင့်​ရှောက်ခွင့်မရမှာကို စိုးရိမ်​နေကြပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

ဂျပန်ရောက်မြန်မာနိုင်ငံသားများက ယနေ့ ညနေပိုင်းတွင် ကိုဘေးမြို့ Sannomiya ဘူတာတွင် စုဝေး၍ မြန်မာစစ်အစိုးရ၏ ကိုယ်စားလှယ်အား ဂျပန်နိုင်ငံက ဖိတ်ကြားမှုကို ဆန့်ကျင်ကြောင်း ဂျပန်၊ အင်္ဂလိပ် နှစ်ဘာသာဖြင့် ရေးသားသည့် စာတန်းကို ကိုင်ဆောင်၍ ဆန္ဒထုတ်ဖော်ခဲ့သည်။

သတင်း

ဒါ့အပြင် ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းကို ဆက်လက်ခန့်ထားရေး၊ မြန်မာကိုကူညီသောအားဖြင့် ဝိုင်းကလစ်ပေးဖို့ လက်ကမ်းစာစောင်ဝေခြင်းနဲ့ အလှူခံခြင်းတို့လည်း ပြုလုပ်ခဲ့ကြတယ်လို့ သိရပါတယ်။

သတင်း

NUG အစိုးရ၏ ကျန်းမာရေးဝန်ကြီးဌာနကလည်း ​မြန် မာနိုင်ငံတွင် ရက်သတ္တနှစ်ပတ်အတွင်း ကိုဗစ်ရောဂါကူးစက်ပြန့်ပွားမှု နှစ်ဆတိုးလာသည်ကိုတွေ့ရကြောင်း ကမ္ဘာ့ကျန်းမာရေးအဖွဲ့(WHO)၏စာရင်းများကို ကိုးကားပြီး သတိပေးသည်။

သတင်း

စစ်​ကောင်စီလက်​အောက်တွင် ကျန်းမာ​ရေး​စောင့်​ရေး​စောင့်​ရှောက်မှုစနစ်ပျက်ယွင်း​နေပြီး ကိုဗစ်ကူးစက်မှုအ​ခြေအ​နေမှန်ကိုသိရှိရန်ခက်ခဲသည်။