ရှေ့နှစ်ပတ်အတွင်း မြန်မာလူဦးရေရဲ့ ထက်ဝက်လောက်ကိုဗစ်ကူးစက်ခံရနိုင်တယ်

ရှေ့နှစ်ပတ်လောက်အတွင်းမှာ မြန်မာ့လူဦးရေရဲ့ ထက်ဝက်လောက် ကိုဗစ်ကူးစက်ခံရနိုင်တယ်လို့ ကုလသမဂ္ဂဆိုင်ရာ ဗြိတိန်သံအမတ်ကြီးက သတိပေးပြောကြားလိုက်ပါတယ်။

ရောဂါပိုးကလူတွေထဲကို မြန်မြန်ဆန်ဆန်ကူးစက်ပြန့်နှံ့နေပြီး ခန့်မှန်းချက်တွေအရ နောက်နှစ်ပတ်အတွင်းမှာ မြန်မာ့လူဦးရေ ၅၄ သန်းရဲ့ ထက်ဝက်ကို ကူးစက်သွားလိမ့်မယ်လို့ သံအမတ်ကြီးက ပြောပါတယ်။

“အာဏာသိမ်းလိုက်တာကြောင့် မြန်မာနိုင်ငံရဲ့ ကျန်းမာရေးစောင့်ရှောက်မှုစနစ်စခုလုံးနီးပါး ပြိုလဲနေပြီး ကျန်းမာရေးဝန်ထမ်းတွေကလည်းဖမ်းဆီးခံနေရတယ်” လို့ သံမတ်ကြီးက ဇူလိုင် ၂၉ ရက် ပြုလုပ်တဲ့ ကုလသမဂ္ဂလုံခြုံရေးကောင်စီ မြန်မာ့အရေးအလွတ်သဘောဆွေးနွေးပွဲမှာ ပြောကြားခဲ့တာပါ။

ကိုဗစ်ရောဂါကာကွယ်ဆေးတွေ မြန်မာပြည်တွင်းမှာ ချောချောမွေ့မွေ့အဆင်ဆင်ပြေပြေထိုးနှံနိုင်ဖို့က နိုင်ငံတကာအဖွဲ့အစည်းတွေက နီးနီးကပ်ကပ်စောင့်ကြည့်မှုက အလွန်မရေးပါပါတယ်။ ပြီးတော့ ကိုဗစ်ကာကွယ်ဆေးနဲ့ လူသားချင်စာနာထောက်ထားမှုဆိုင်ရာအကူအညီတွေ ချောချောမွေ့မွေ့ရောက်ရှိနိုင်ဖို့ ကုလဦးဆောင်တဲ့စောင့်ကြည့်မှုအစီအမံတစ်ခုကို အမြန်ဆုံးစတင်နိုင်ဖို့ တောင်းဆိုလိုပါတယ်လို့ ကုလသဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းကလည်း ပြောကြားခဲ့ပါတယ်။

Public Service Announcement

ကိုဗစ်တတိယလှိုင်းကူးစက်ခံရချိန်မှာ စစ်ကောင်စီကျန်းမာရေးဝန်ကြီးဌာနထုတ်ပြန်ချက်အရ တစ်ရက်ကို လူ ၃၀၀ ကျော်သေဆုံးနေပြီး နေအိမ်မှာပဲ သေဆုံးနေကြသူတွေအပါအဝင် စုစုပေါင်းကိန်းဂဏန်းကတော့ အတိအကျမထုတ်ပြန်နိုင်ပါဘူး။