ဖယ်ခုံတွင် ယ​နေ့နံနက်စ၍ တိုက်ပွဲဖြစ်ပွား​နေ

ဖယ်ခုံမြို့နယ်တွင် ယနေ့ (နိုဝင်ဘာ ၅ရက်)နံနက်အ​စောပိုင်းကစ၍ အကြမ်းဖက်စစ်ကောင်စီတပ်က စတင်ပစ်ခတ်တိုက်ခိုက်နေပြီဖြစ်ကြောင်း PDF (ဖယ်ခုံ)၏ တာဝန်ရှိသူက PSသို့ ပြောသည်။”နံနက် ၈နာရီ မထိုးခင်ကတည်းက သူတို့ဘက်က စတင်ပစ်ခတ်နေပါတယ်။

ကျွန်တော်တို့ ပြည်သူ့ကာကွယ်ရေးတပ်ဖွဲ့တွေအနေနဲ့ကတော့ တိုက်ဖို့အသင့်ပါပဲ”ဟု ၎င်းက ပြောသည်။လက်ရှိ အကြမ်းဖက်စစ်ကောင်စီ၏ ဖယ်ခုံမြို့အတွင်း ထိုးစစ်ကို ဒေသခံကာကွယ်ရေးတပ်ဖွဲ့များဖြစ်သည့် လွိုင်ကော် PDF ၊ဖယ်ခုံ PDF ၊KA ၊ဒီးမော့ဆို PDF ၊အလယ်ပိုင်းတိုင်း PDF ၊ KGZ နှင့်KNDF စသည့်တို့က ပူးပေါင်း၍ ခုခံစစ်ဆင်နွှဲနေသည်။

ဖယ်ခုံမြို့နယ်တွင် ဒေသခံပြည်သူ့ကာကွယ်ရေးတပ်များနှင့် အကြမ်းဖက်စစ်ကောင်စီတို့ကြား ယမန်​နေ့(နိုဝင်ဘာ ၄ရက်)တွင် ထိတွေ့တိုက်ပွဲများဖြစ်ပွားပြီး အကြမ်းဖက်စစ်ကောင်စီတပ်သား ၂၀ကျော်သေဆုံးကြောင်း ထုတ်ပြန်ထားသည်။

အင်အား အလုံးအရင်းဖြင့် နိုဝင်ဘာ ၂ ရက်ကစ၍ စစ်ကောင်စီ၏ထိုးစစ်တွင် လက်နက်ကြီးများဖြင့် လူနေအိမ်များ ပစ်ခတ်ခဲ့ပြီး အိမ်များကို မီးရှို့ခြင်း၊ ပစ္စည်းများခိုးယူခြင်းနှင့် စပါးကွင်းများကို ဖျက်ဆီးခြင်းတို့ လုပ်ခဲ့သည်။နိုဝင်ဘာ ၂ ရက် နှင့် ၃ ရက်တွင်လည်း ဖယ်ခုံမြို့နယ်တွင် အကြမ်းဖက်စစ်ကောင်စီတပ်နှင့် ဒေသခံကာကွယ်ရေးတပ်ဖွဲ့တို့ကြား တိုက်ပွဲများဖြစ်ပွားခဲ့ပြီး အကြမ်းဖက်စစ်တပ်ဘက် အကျအဆုံးများရှိခဲ့သည်ဟု ဒေသခံကာကွယ်ရေးတပ်ဖွဲ့များက ထုတ်ပြန်ထားသည်။

Public Service Announcement

တိုက်ပွဲများကြောင့် ဖယ်ခုံမြို့အတွင်းရှိ ဒေသခံ ၂,၀၀၀ကျော် မှာ စစ်ဘေးတိမ်ရှောင်နေရဆဲဖြစ် သည်။