ဖရူဆိုမြို့နယ်ထဲ အစုလိုက်အပြုံလိုက်သတ်ဖြတ်ခံရတဲ့ သူတွေရဲ့ရုပ်အလောင်းတွေမှာ လက်နောက်ပြန်ကြိုးတုပ်ထားတာတွေ၊ ပါးစပ်ထဲအဝတ်ဆို့ထည့်ခံထားရတာတွေ့ရတယ်လို့ အလောင်းတွေကိုရင်ခွဲစစ်ဆေးခဲ့တဲ့ ဆရာဝန်က ပြောလိုက်ပါတယ်။
ကယားပြည်နယ် ၊ဖရူဆိုမြိ့နယ်ထဲ အရပ်သားပြည်သူတွေ အစုလိုက်အပြုံလိုက်သတ်ဖြတ်ခံရတဲ့ ဖြစ်စဉ်နဲ့ပတ်သက်ပြီး ဒီနေ့မှာ NUG အစိုးရနဲ့ ကရင်နီပြည်နယ်အတိုင်ပင်ခံကောင်စီတို့က ပူးတွဲပြုလုပ်တဲ့သတင်းစာရှင်းလင်းပွဲမှာပြောလိုက်တာပါ။
ဒါအပြင် ရုပ်အလောင်းအချို့ဟာ ဦးခေါင်းခွံအပြည်အစုံမပါလာတော့ဘဲ ပစ်ခွဲခံရတဲ့ပုံစံမျိုးတွေ့ရတယ်လို့ လည်း ဆရာဝန်ကပြောပါတယ်။
ဒါကိုကြည့်ခြင်းအားဖြင့် စစ်ကောင်စီက ဝါဒဖြန့်သလို စတင်ပစ်ခတ်လို့ မလွှဲသာမရှောင်သာပြန်လည်ပစ်ခတ်ရပါတယ်ဆိုတဲ့ ဖြေရှင်းချက်တွေဟာ မိုးလုံးပြည့်မုသာဝါဒတွေဖြစ်တယ်လို့ သတင်းစာရှင်းလင်းပွဲမှာပြောပါတယ်။
Public Service Announcement
ဒီနေ့ရှင်းလင်းပွဲမှာ ရုပ်အလောင်းကို ရင်ခွဲစစ်ဆေးခဲ့တဲ့ ဆရာဝန်ရဲ့ပြောကြားချက်နဲ့ သတ်ဖြတ်ခံရသူတွေထဲ ပါဝင်သွားသူတွေရဲ့ မိသားစုဝင်တွေပြောပြချက်ကိုကောက်နုတ်ဖော်ပြလိုက်ပါတယ်။
