Connect with us

Hi, what are you looking for?

LuduNwayOo

နိုင်ငံတကာ

နောက်ထပ် သမ္မတ သက်တမ်းအတွက် ပူတင် ကျမ်းသစ္စာကျိန်ဆို

ဗလာဒီမာ ပူတင်ဟာ ပဉ္စမမြောက် ရုရှားသမ္မတ သက်တမ်းကို ထမ်းဆောင်ဖို့ ကျမ်းသစ္စာ ကျိန်ဆိုခဲ့ပါတယ်။ သူဟာ နောက်ထပ် ၆ နှစ်ကြာအောင် ရုရှားသမ္မတအဖြစ် ဆက်ရှိနေဦးမှာ ဖြစ်ပါတယ်။

နောက်ထပ် သမ္မတ သက်တမ်းအတွက် ပူတင် ကျမ်းသစ္စာကျိန်ဆို
နောက်ထပ် သမ္မတ သက်တမ်းအတွက် ပူတင် ကျမ်းသစ္စာကျိန်ဆို

မေလ ၇ ရက်နေ့တုန်းက ကရင်မလင် နန်းတော်မှာ ပူတင်က သမ္မတသစ်အဖြစ် ကျမ်းသစ္စာ ကျိန်ဆိုခဲ့ပြီး အမေရိကန်နဲ့ မဟာမိတ်နိုင်ငံ အများအပြားကတော့ ရုရှားရဲ့ ယူကရိန်း ကျူးကျော်စစ်ပွဲကို ဆန္ဒပြတဲ့ အနေနဲ့ ကိုယ်စားလှယ်တွေ မစေလွှတ်ခဲ့ပါဘူး။

ပူတင်ဟာ ခေတ်သစ် ရုရှား ဇာဘုရင်လို့ ခိုင်းနှိုင်းခံနေရပြီး သူ့ရဲ့ အာဏာသက်တမ်းကို ချဲ့ထွင်နိုင်ဖို့အတွက် ရုရှားရဲ့ ဖွဲ့စည်းပုံ ဥပဒေကိုပါ စိတ်ကြိုက် ပြင်ဆင်စေခဲ့ပါတယ်။ သူဟာ ရုရှားကို သမ္မတ၊ ဝန်ကြီးချုပ် ရာထူးတွေနဲ့ အုပ်စိုးခဲ့တဲ့ သက်တမ်းဟာ ဆယ်စုနှစ် နှစ်ခုဆီ ချဉ်းနင်း ဝင်ရောက်လာခဲ့ပါပြီ။

မတ်လတုန်းက ရွေးကောက်ပွဲမှာလည်း အဖိနှိပ်ခံ အဓိက အတိုက်အခံတွေ မပါဝင်ခဲ့ဘဲ ပူတင်က ပြတ်ပြတ်သားသား အနိုင်ရခဲ့ပါတယ်။ အဲဒီ သောင်ပြိုကမ်းပြို အနိုင်ရမှု ရလဒ်ကပဲ ရုရှားဟာ သူ့ရဲ့ ဦးဆောင်မှုနောက်မှာ စည်းစည်းလုံးလုံး ရပ်တည်ရင်း လမ်းကြောင်းမှန် ရှေ့ဆက်နေတယ်ဆိုတာ မြင်သာစေခဲ့ကြောင်း ပူတင်က ကျမ်းကျိန်ပွဲ မိန့်ခွန်းမှာ ထည့်သွင်း ပြောကြားသွားပါတယ်။

ရုရှားပြည်သူ တစ်ရပ်လုံးကို အသိပေးလိုတာဟာ သူတို့ဟာ နိုင်ငံရဲ့ အနာဂတ်အတွက် မှန်ကန်တဲ့ လမ်းကြောင်းကို ရွေးချယ်ထားကြောင်း၊ ကြီးမားပြင်းထန်တဲ့ စိန်ခေါ်မှုတွေနဲ့ ရင်ဆိုင်နေရတဲ့ မျက်မှောက် ကာလမျိုးမှာ အဲဒီ အရှိတရားက ပိုအရေးပါလာကြောင်း ပူတင်က ဆိုပါတယ်။

Public Service Announcement

Public Service Announcement

အသက် ၇၁ နှစ်အရွယ် ပူတင်ဟာ ယူကရိန်း စစ်ပွဲကို အစပြုခဲ့တဲ့ အငြင်းပွားစရာ ဆုံးဖြတ်ချက်မျိုး ချမှတ်ခဲ့တာ၊ တစ်ဦးတည်း အာဏာရှင်ဆန်ဆန် ရပ်တည်နေတာမျိုးတွေ ရှိနေပေမယ့်လည်း ရုရှားမှာတော့ ဩဇာအကြီးမားဆုံး နိုင်ငံရေးသမားအဖြစ် ဆက်လက် ရပ်တည်နေဆဲပါ။ ဖေဖော်ဝါရီလတုန်းကလည်း သူ့ရဲ့ အဓိက ပြိုင်ဘက်လို့ ဆိုရမယ့် အတိုက်အခံခေါင်းဆောင် အလက်ဆီ နက်ဗယ်လ်ညီဟာ အာတိတ်ဒေသက အလုပ်ကြမ်း အကျဉ်းစခန်း တစ်ခုမှာ ရှိနေတဲ့အချိန် ရုတ်တရက် သေဆုံးသွားခဲ့ပါတယ်။

နက်ဗယ်လ်ညီရဲ့ ဇနီးဖြစ်သူ ယူလီယာ နက်ဗယ်လ်နာယာကတော့ ပူတင် ကျမ်းကျိန်တဲ့နေ့မှာ မိန့်ခွန်းဗီဒီယိုတစ်ခု ထုတ်ပြန်ခဲ့ပြီး ရုရှား ဒီမိုကရေစီ အင်အားစုတွေ အနေနဲ့ ပူတင်ရဲ့ ကြမ်းတမ်း ဆိုးယုတ်တဲ့ လုပ်ရပ်တွေအပေါ် အလျှော့မပေးစတမ်း ဆက်လက် တိုက်ပွဲဝင် တွန်းလှန်သွားကြဖို့ တိုက်တွန်း ပြောကြားသွားခဲ့ပါတယ်။

ကိုးကား: Reuters⁩

ဆက်စပ်သတင်းများ

နိုင်ငံတကာ

အီရန် မီဒီယာတွေကလည်း ရိုင်ဆီ သေဆုံးသွားပြီလို့ ဖော်ပြကြပေမယ့် အစိုးရဆီက တရားဝင် ကြေညာချက်တော့ ထွက်ပေါ်မလာသေးပါဘူး။

နိုင်ငံတကာ

ရွေးကောက်ပွဲမှာ လိုင်အနိုင်ရခဲ့ပြီးချိန်ကနေ သမ္မတသစ်အဖြစ် ကျမ်းသစ္စာ ကျိန်ဆိုခဲ့တဲ့ ကာလတလျှောက် တရုတ်ဟာ ထိုင်ဝမ်ကျွန်းနားမှာ စစ်ရေး အင်အားပြ ခြိမ်းခြောက်မှုတွေ အစဉ်တစိုက် လုပ်ဆောင်ခဲ့ပါတယ်။

နိုင်ငံတကာ

အီရန်မှာ နိုင်ငံတော် အဓိပတိ အယာတိုလာ အလီ ခါမေနီကတော့ ခြွင်းချက်မရှိ အကြီးမားဆုံး ဩဇာကို ပိုင်ဆိုင်ထားပြီး သမ္မတ နေရာရဲ့ အထက်ကနေ ကွပ်ကဲနေပါတယ်။

နိုင်ငံတကာ

တရုတ်နိုင်ငံကို ရောက်ရှိနေစဉ် အတောအတွင်း သတင်းထောက်တွေက ရုရှားဟာ ခါကစ်ဗ်ထိ ချီတက်သိမ်းယူဖို့ အစီအစဉ် ရှိသလားလို့ မေးမြန်းချိန်မှာ ပူတင်က အခုထိတော့ အဲဒီကိစ္စကို လုံးဝ စဉ်းစားမထားဘူးလို့ ဖြေကြားသွားပါတယ်။