Connect with us

Hi, what are you looking for?

LuduNwayOo

နိုင်ငံတကာ

ရွေးကောက်ပွဲမှာ အနိုင်ရစေမယ်လို့ ရန်ပုံငွေ ထောက်ပံ့သူတွေကို ဘိုင်ဒန် ကတိပေး

ပြီးခဲ့တဲ့ သီတင်းပတ်တုန်းက ၂၀၂၄ ရွေးကောက်ပွဲအတွက် ပြိုင်ဘက် ဒေါ်နယ်လ်ထရမ့်နဲ့ ပထမဆုံးအကြိမ် စကားစစ်ထိုးရာမှာ အတော်လေး စိတ်ပျက်စရာ နိမ့်ပါးမှုတွေနဲ့ ကြုံတွေ့ခဲ့တဲ့နောက် သူ့ရဲ့ ရွေးကောက်ပွဲ နိုင်ခြေအပေါ် စိုးရိမ်မှုတွေ မြင့်တက်လာချိန်မှာ ဘိုင်ဒန်က အခုလို ကတိပေးခဲ့တာပါ။

ရွေးကောက်ပွဲမှာ အနိုင်ရစေမယ်လို့ ရန်ပုံငွေ ထောက်ပံ့သူတွေကို ဘိုင်ဒန် ကတိပေး
ရွေးကောက်ပွဲမှာ အနိုင်ရစေမယ်လို့ ရန်ပုံငွေ ထောက်ပံ့သူတွေကို ဘိုင်ဒန် ကတိပေး

ရွေးကောက်ပွဲမှာ ကျိန်းသေပေါက် အနိုင်ရမယ်ဆိုတဲ့ ယုံကြည်ချက် ရှိနေဆဲလို့ အမေရိကန် သမ္မတ ဂျိုးဘိုင်ဒန်က ရန်ပုံငွေ ထောက်ပံ့သူတွေကို အာမခံ ပြောကြားခဲ့ပါတယ်။

ပြီးခဲ့တဲ့ သီတင်းပတ်တုန်းက ၂၀၂၄ ရွေးကောက်ပွဲအတွက် ပြိုင်ဘက် ဒေါ်နယ်လ်ထရမ့်နဲ့ ပထမဆုံးအကြိမ် စကားစစ်ထိုးရာမှာ အတော်လေး စိတ်ပျက်စရာ နိမ့်ပါးမှုတွေနဲ့ ကြုံတွေ့ခဲ့တဲ့နောက် သူ့ရဲ့ ရွေးကောက်ပွဲ နိုင်ခြေအပေါ် စိုးရိမ်မှုတွေ မြင့်တက်လာချိန်မှာ ဘိုင်ဒန်က အခုလို ကတိပေးခဲ့တာပါ။

အသက် ၈၁ နှစ်အရွယ် ရှိပြီဖြစ်တဲ့ ဘိုင်ဒန်ဟာ သူ့ရဲ့ အသက်အရွယ်ကြောင့် သမ္မတ တာဝန်ကို အင်တိုက်အားတိုက် ထမ်းဆောင်နိုင်စွမ်း လျော့ပါးနေပြီလို့လည်း ဝေဖန်မှုတွေ ခံနေရပါတယ်။ ပြီးခဲ့တဲ့ သီတင်းပတ်ကုန်မှာတော့ ဘိုင်ဒန်ဟာ နယူးယောက်နဲ့ နယူးဂျာစီတို့မှာ ဒီမိုကရက်ပါတီအတွက် အဓိက ရန်ပုံငွေ ထောက်ပံ့သူတွေနဲ့ တွေ့ဆုံတဲ့ အခမ်းအနားတွေကို ဆက်တိုက် တက်ရောက်ရင်း ထောက်ခံမှုတွေကို ပြန်လည် စည်းရုံး သိမ်းသွင်းခဲ့တာ ဖြစ်ပါတယ်။

စကားစစ်ထိုးပွဲညဟာ သူ့အတွက် အရမ်းထူးခြားကောင်းမွန်တဲ့ အခြေအနေ မဟုတ်ခဲ့တာကို မငြင်းလိုကြောင်း၊ ဒါပေမဲ့ ထရမ့်အတွက်လည်း ကောင်းကွက်တွေ ပိုင်ဆိုင်သွားတာ မဟုတ်ကြောင်း ဘိုင်ဒန်က ဆိုပါတယ်။ သူက ရွေးကောက်ပွဲမှာ သေချာပေါက် အနိုင်ရမယ်ဆိုတာ ယုံကြည်ချက် အခိုင်အမာ ရှိနေဆဲဖြစ်ကြောင်းလည်း ဘိုင်ဒန်က ပြောကြားသွားပါတယ်။

Public Service Announcement

Public Service Announcement

ဘိုင်ဒန်ဟာ စကားစစ်ထိုးပွဲ အစောပိုင်း ကတည်းက ထရမ့်ရဲ့ မေးခွန်းထုတ်မှုတွေကို ထိထိရောက်ရောက် ဖြေဆိုနိုင်စွမ်း မရှိခဲ့သလို ပြိုင်ဘက်ကို တန်ပြန်ထိုးနှက်နိုင်မယ့် အခွင့်ကောင်းတွေကို လက်လွှတ်ခဲ့ရကြောင်း လေ့လာသူတွေက ထောက်ပြခဲ့ကြပါတယ်။ အတ္တလန္တာမြို့မှာ ပြုလုပ်ခဲ့တဲ့ စကားစစ်ထိုးပွဲ အဆုံးပိုင်းနားမှာ ဘိုင်ဒန်ရဲ့ အားရစရာ အခြေအနေတချို့ကို ပြန်မြင်လာရပေမယ့် ခြုံကြည့်ရင်တော့ သမ္မတရဲ့ အနေအထားက အတော်လေး ဆိုးခဲ့တဲ့သဘော ရှိပါတယ်။

တချို့ ဒီမိုကရက်တစ် အမတ်တွေက ပါတီအနေနဲ့ ရွေးကောက်ပွဲမှာ ထရမ့်ကို စိန်ခေါ်ဖို့အတွက် ဘိုင်ဒန်မဟုတ်တဲ့ တခြားသူ တစ်ယောက်ယောက်ကို ရွေးချယ်ဖို့ စဉ်းစားသင့်ပြီလို့တောင် တိုက်တွန်းတာတွေ ရှိခဲ့ပါတယ်။ ဒါပေမဲ့ ဘိုင်ဒန်ကတော့ ပါတီတစ်ခုလုံးဟာ သူ့ရဲ့နောက်မှာ မားမားရပ်ပြီး ဆက်လက် ထောက်ခံနေဆဲလို့ အပြည့်အဝ ယုံကြည်ကြောင်း ကြုံးဝါးသွားခဲ့ပါတယ်။

ကိုးကား: BBC⁩

ဆက်စပ်သတင်းများ

သတင်း

စစ်ကောင်စီ၏ ဒုခေါင်းဆောင်စိုးဝင်းက တရုတ်ခရီးစဉ်အတွင်း ရွေးကောက်ပွဲ ကျင်းပမည် ပြောဆိုမှုရှိခဲ့ခြင်းနှင့်ပတ်သက်ပြီး မေးမြန်းမှုအပေါ် ယခုကဲ့သို့ ဖြေကြားခြင်းဖြစ်သည်။

နိုင်ငံတကာ

လူထုအမြင် စစ်တမ်းတွေမှာ သူဟာ ထရမ့်ရဲ့နောက်က လိုက်နေရတယ်ဆိုတဲ့ ကိစ္စကိုလည်း ပယ်ချခဲ့ပြီး စကားပြောကြည့်ဖူးသမျှ စစ်တမ်း အဖွဲ့အစည်းတွေက သူ့အပေါ် ထောက်ခံနှုန်း တက်ရိပ်ပြလာတယ်လို့ချည်း ပြောပြခဲ့တယ်လို့လည်း ဘိုင်ဒန်က ဆိုပါတယ်။

နိုင်ငံတကာ

ဒုတိယ ကမ္ဘာစစ်နောက်ပိုင်း အဆိုးဆုံး ရွေးကောက်ပွဲ ရလဒ်မျိုးနဲ့ ကြုံခဲ့ပြီး ဘောရစ်ဂျွန်ဆန် ဦးဆောင်တဲ့ ကွန်ဆာဗေးတစ်တွေကို အရှုံးပေးခဲ့ရတဲ့ ၂၀၁၉ ရွေးကောက်ပွဲကနေ လေဘာပါတီဟာ အံ့ဩစရာ နာလန်ပြန်ထူလာနိုင်ခဲ့တာ ဖြစ်ပါတယ်။

နိုင်ငံတကာ

အမေရိကန် လွှတ်တော်ဖြစ်တဲ့ ကက်ပီတိုလ်ကို ထရမ့်ရဲ့ အမာခံ ကျောထောက်နောက်ခံ အင်အားစုတွေဖြစ်တဲ့ လက်ယာစွန်း အစုအဖွဲ့တွေက စီးနင်းထိန်းချုပ်ခဲ့တာဖြစ်ပြီး ထရမ့်ကတော့ အဲဒီဖြစ်စဉ်မှာ သူဟာ ဘယ်လို ပတ်သက် ဆက်နွှယ်မှုမှ မရှိဘူးလို့ အစဉ်တစိုက် ငြင်းဆိုထားပါတယ်။