တော်လှန်​ရေးတပ်​တွေ သိမ်းပိုက်ထိန်းချုပ်ထားတဲ့ မြို့ ၈၇ မြို့

-People’s Spring

အာရက္ခတပ်​တော်(AA)က ရခိုင်ပြည်နယ်က ကျိန္တလီမြို့ကို သိမ်းပိုက်ထားတယ်လို့ နိုဝင်ဘာ ၁၄ ရက် မနက်အ​စောပိုင်းက ထုတ်ပြန်တဲ့ “ အာရက္ခ နှင့် ပလက်ဝဒေသစစ်ဆင်ရေး (၁) နှစ်ပြည့် သတင်းထုတ်ပြန်ချက်” မှာ​ ဖော်ပြထားပါတယ်။ AA က ကျိန္တလီမြို့ကို သြဂုတ်လကတည်းက သိမ်းပိုက်ထိန်းချုပ်နိုင်ခဲ့တာဖြစ်​ပေမယ့် AAကလည်း အတည်ပြုထုတ်ပြန်ခဲ့ခြင်းမရှိသလို People’s Spring က သီးခြားအတည်မပြုနိုင်​သေးတာ​ကြောင့် People’s Spring အင်ဖိုဂရပ်ထဲ မထည့်သွင်းခဲ့ရဘဲ အခုမှ ထည့်သွင်းဖော်ပြတာဖြစ်ပါတယ်။

​တော်လှန်​ရေးတပ်​တွေက စစ်​ကောင်စီ ထိန်းချုပ်ထားတဲ့ မြို့​တွေကိုထိုးစစ်ဆင်ပြီး သိမ်းပိုက်နိုင်တာ လတ်တ​လော ​နောက်ဆုံးမြို့ဆိုရင် ကချင်လွတ်လပ်​ရေးတပ်မ​တော်(KIA)က မြန်မာ-တရုတ်နယ်စပ်က မြို့ငယ်​လေးဖြစ်တဲ့ ဖီမော်မြို့ကို နိုဝင်ဘာ ၂ ရက်မှာ သိမ်းပိုက်ခဲ့တာဖြစ်ပါတယ်။

ဒါ့အပြင် AAက အမ်း၊ မောင်​တော၊ ဂွ၊ တောင်ကုတ်မြို့​တွေက စစ်တပ်လက်ကျန်စခန်း​တွေ၊ တပ်ရင်း ဌာနချုပ်​တွေကို အပြီးသတ်သိမ်းပိုက်နိုင်ဖို့ မြို့သိမ်းတိုက်ပွဲ ဆင်နွှဲ​နေသလို PDF ​​တွေက အင်း​တော်မြို့၊ ချင်းညီ​နောင်ပူး​ပေါင်းတပ်​တွေနဲ့ မင်းတပ် CDF တို့က မင်းတပ်မြို့နဲ့ ဖလမ်းမြို့သိမ်းတိုက်ပွဲ​တွေ ဆင်နွှဲ​နေပါတယ်။

Public Service Announcement

ဒါ​ပေမယ့် စစ်​ကောင်စီဘက်ကလည်း ​တော်လှန်​​ရေးတပ်​တွေ ထိန်းချုပ်ထားတဲ့ မြို့​တွေထဲက မိုးဗြဲမြို့ကို ပြန်ထိန်းချုပ်နိုင်ဖို့ နိုဝင်ဘာ ၁၇ ရက်မှာ ထိုးစစ်ဆင်လာလို့ ကရင်နီတပ်​ပေါင်းစုနဲ့ အပြင်းအထန်တိုက်ပွဲ​တွေဖြစ်ပွား​နေပါတယ်။ ကရင်နီတပ်​ပေါင်းစုက မိုးဗြဲမြို့ကို ထိန်းချုပ်ထားနိုင်ပေမယ့် မြို့အနီးက ခမရ( ၄၂၂ )ကိုအပြီးသတ်မသိမ်းနိုင်​​ခဲ့ပါဘူး။ စစ်တပ်က ခမရ ၄၂၂ ကို စစ်ကူပို့ခဲ့သလို မိုးဗြဲမြို့ကိုပါ ပြန်ထိန်းချုပ်နိုင်ဖို့ ပြန်ထိုးစစ်ဆင်လာတာဖြစ်ပါတယ်။

​​တော်လှန်​ရေးတပ်​တွေ သိမ်းပိုက်ထိန်းချုပ်ထားတဲ့ ၈၇ မြို့ အင်ဖိုဂရပ်မှာ တော်လှန်​ရေးတပ်​တွေက သိမ်းပိုက်ထိန်းချုပ်ထား​ပေမယ့် တရားဝင်မထုတ်ပြန်တာ​ကြောင့် ဒီစာရင်းမှာ မပါ​သေးတဲ့မြို့​တွေ ကျန်ရှိနိုင်ပါ​သေးတယ်။ ဒါ့အပြင် ​တော်လှန်​​​ရေးတပ်​တွေက မသိမ်း​ပေမယ့် မြို့ပတ်ပတ်လည်ကို ဝိုင်းရံပိတ်ဆို့ထားတဲ့ မြို့များစွာလည်းရှိ​နေပါတယ်။