Connect with us

Hi, what are you looking for?

LuduNwayOo

ဗီဒီယို

အာဏာသိမ်းစစ်​ကောင်စီကို စတင်​ဝေဖန်လာတဲ့ မဘသတစ်ဦး

စစ်တပ်နဲ့ မဘသကို​​ထောက်ခံခဲ့တဲ့ အမျိုးသား​ရေးသမား​တွေလို့ ဆိုတဲ့ ပုဂ္ဂိုလ်​တွေထဲက ကိုလတ် (မင်္ဂလာ​တောင်ညွန့်) က ဒီ​နေ့ မိခင်ဖြစ်သူ COVID-19 နဲ့ကွယ်လွန်ပြီး ​ရေ​ဝေးသုသာန်မှာမီးသင်္ဂြိုဟ်ဖို့ တန်းစီးရင်းနဲ့ Facebook မှာ Live လွှင့်ပြီး အာဏာသိမ်းအစိုးရကို ပြင်းပြင်းထန်ထန် ​ဝေဖန်ပစ်တင်ခဲ့ပါတယ်။

အမျိုးသားဒီမိုက​ရေစီ အစိုးရလက်ထက်မှာ စစ်တပ်၊ ပြည်ခိုင်ဖြိုးနဲ့ မဘသ​တွေဟာ အစိုးရကို အခက်​တွေ့​အောင် ပုံစံမျိုးစုံနဲ့​ နှောက်ယှက်တာမှာ အတွဲညီခဲ့ကြပါတယ်။ ဒါ​ပေမယ့် မဘသ အများစု​ ထောက်ခံတဲ့ စစ်တပ်က အာဏာသိမ်းပြီး ၆ လခန့်ရှိလာချိန်မှာ ကိုဗစ်တတိယလှိုင်းနဲ့ ရင်ဆိုင်ရပြီး မဘသ​တွေရဲ့ မိသားစုဝင်​တွေပါ ​သေဆုံးခဲ့တဲ့အခါမှာ​တော့ အာဏာသိမ်းစစ်တပ်ကို လူသိရှင်ကြား စတင်​ဝေဖန်လာတာဖြစ်ပါတယ်။

“လက်ရှိအ​ခြေအ​နေ။ ခင်ဗျားတို့​ပြောရင် ဂျင်းထည့်တာ​တွေ လာ​ပြော​နေတယ်။ကျုပ် ကိုလတ်(မင်္ဂလာ​တောင်ညွန့်)ကိုယ်တိုင်​​၊ ဒီမှာ ကျုပ်အ​မေ။ ​အောက်မှာ နှစ်​လောင်း။ ခင်ဗျားတို့မြင်လား။ ဒီမှာ ပရဟိတ​တွေ လမ်း​ဘေးမှာဘယ်​လောက်ဒုက္ခ​ရောက်​နေလဲ။ လမ်း​ဘေးမှာ တုန်းလုံးလဲပြီး သင်္ဂြိုဟ်ဖို့အတွက်​စောင့်​နေရတယ်။​စောက်ရှက်ရှိ၊ ခင်ဗျားတို့ (အာဏာသိမ်းစစ်​ကောက်စီ) ကျုပ်​ပြောတယ်​ စောက်ရှက်ရှိ။ မ​ကျေနပ်လို့ ဖမ်းချင်ရင် ကျုပ်အိမ်​ရှေ့လာခဲ့”လို့ ကိုလတ်က မိခင်ဖြစ်သူရဲ့ရုပ်အ​လောင်းရယ်၊​ အောက်ကရုပ်အ​လောင်း နှစ်​လောင်းနဲ့ အ​လောင်းတင်ထားတဲ့ ကား​တွေ၊ ပရဟိတသမား​တွေကိုပါ ရိုက်ကူးပြရင်း Live လွှင့်​ပြောခဲ့ပါတယ် ။

ဆက်ပြီး​တော့လည်း ကိုလတ်က “ဆိုက်ဝါးမဟုတ်ဘူး။ လက်ရှိ ပကတိအ​ခြေအ​နေကို လွှင့်​နေတာ။ ဒီမှာ​စောင့်​နေတဲ့ နာ​ရေးကူညီမှုအသင်း​တွေကိုကြည့် အဲမှာပြည့်ကြပ်​နေတာပဲ။ ခင်ဗျားတို့​တွေက​ပြော​နေကြတယ် သင်္ချိုင်း​တွေမှာ လူမစည်ပါဘူး။ အသုဘ​တွေကို ခဏ​လေးနဲ့ချ​နေပါတယ်၊ ဟုတ်လား။ ခင်ဗျားတို့​ပြောတဲ့ အသုဘကို ခဏနဲ့ချတာ ဒီလိုပုံစံလား။ ဒီမှာအသုဘ​တွေ(အသုဘကား)​တွေတန်းစီ​နေတာပဲ။ ကားတစ်စီးမှာ ၃​ယောက်​တွေ၊ ၄ ​ယောက်​တွေ ပြုန်ခံ​နေတာ”လို့ ​ဒေါသတကြီးနဲ့ ​ရေ​ဝေးသုသာန်က​နေ တိုက်ရိုက်လွှင့်ခဲ့တာပါ ။

ကိုဗစ်တတိယလှိုင်းမှာ ကိုလတ်ရဲ့ တူမ၊ အမနဲ့ မိခင်ဖြစ်သူ​တွေဟာ ကိုဗစ်​ရောဂါနဲ့​သေဆုံးသွားပြီလို့လည်း သူက​ပြောပါတယ်။ အာဏာသိမ်းစစ်​ကောင်စီ​က နိုင်ငံ​တော်အာဏာကို မတရားသဖြင့်ရယူခဲ့တာကြောင့် မြန်မာနိုင်ငံမှာ ကျန်းမာ​ရေး​စောင့်​ရှောက်မှု ပျက်သွားသလို၊ ကိုဗစ်ကာကွယ်​ရေးအစီအမံ​တွေအားလုံးလည်း ပျက်စီးသွားပါတယ်။

ဒါ့အပြင် အာဏာသိမ်းစစ်​ကောင်စီက ကပ်​ရောဂါထိန်းချုပ်​ရေးကို မလုပ်ဘဲ ကပ်​ရောဂါကို နိုင်ငံ​ရေးအရအမြတ်ထုတ်ပြီး အာဏာသိမ်းမှုဆန့်ကျင်သူ​တွေကို ပိုမိုဖိနှိပ်ပြီး ပြည်သူ​တွေ ​အောက်စီဂျင်နဲ့​ဆေးရုံတက်​ရောက်ကုသမှုခံယူနိုင်ဖို့ကို ခက်ခဲ​အောင်ပြုလုပ်​နေတဲ့အတွက် ​နေ့စဥ် ပြည်သူ ရာ​ပေါင်းများစွာ ​သေဆုံး​နေရပါတယ်။ ဒါ​ကြောင့် အရင် စစ်တပ်ကို​ အမာခံ​ထောက်ခံသူ​တွေပါ ကိုဗစ်တတိယလှိုင်းမှာ စစ်​ကောင်စီရဲ့ သရုပ်မှန်ကို သိပြီး စစ်​ကောင်စီကို ​ဝေဖန်ပြစ်တင်မှု​တွေပြုလုပ်လာကြပြီဖြစ်ပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

နိုင်ငံတကာ

ဒုတိယ ဗိုလ်မှူးကြီး ပေါလ်ဟင်နရီ ဒါမီဘာဟာ ပြီးခဲ့တဲ့ သီတင်းပတ်ကုန်မှာ လက်အောက်ငယ်သား စစ်မှုထမ်းတွေရဲ့ ပုန်ကန်မှုကို ကြုံတွေ့ခဲ့ရတာပါ။ ဘာကီနာဖာဆို စစ်တပ်ရဲ့ အရာရှိ တချို့က ဒါမီဘာကို ဖယ်ရှားပြီး ဗိုလ်ကြီး အီဘရာဟင်မ် ထယာအိုရေးကို စစ်အစိုးရရဲ့ ယာယီ ခေါင်းဆောင်သစ်အဖြစ် တင်မြှောက်ကြောင်း ကြေညာခဲ့ပါတယ်။

နိုင်ငံတကာ

ဘာကီနာဖာဆိုဟာ အာဏာသိမ်းမှုတွေနဲ့ မစိမ်းလှတဲ့ နိုင်ငံလို့ ဆိုရမှာပါ။ ၁၉၆၀ ပြည့်နှစ်မှာ လွတ်လပ်ရေး ရခဲ့တဲ့နောက်ပိုင်း ဘာကီနာဖာဆိုမှာ အာဏာသိမ်းမှု ၈ ကြိမ်ထက်မနည်း ကြုံခဲ့ဖူးပြီး ဖြစ်ပါတယ်။

သတင်း

ထိခိုက်ဒဏ်ရာရသည့် စစ်ကောင်စီတပ်သားများအား အဆိုပါတပ်က ကျောင်းသင်္ကန်းစနှင့် ထမ်းစင်ပြုလုပ် သယ်ဆောင်ကာ ဆုတ်ခွာသွားခဲ့ကြောင်း MUA ကပြောသည်။

သတင်း

NUG အစိုးရ၏ ကျန်းမာရေးဝန်ကြီးဌာနကလည်း ​မြန် မာနိုင်ငံတွင် ရက်သတ္တနှစ်ပတ်အတွင်း ကိုဗစ်ရောဂါကူးစက်ပြန့်ပွားမှု နှစ်ဆတိုးလာသည်ကိုတွေ့ရကြောင်း ကမ္ဘာ့ကျန်းမာရေးအဖွဲ့(WHO)၏စာရင်းများကို ကိုးကားပြီး သတိပေးသည်။