Connect with us

Hi, what are you looking for?

LuduNwayOo

ဗီဒီယို

ကိုရီးယား နှစ်နိုင်ငံ နယ်စပ်ကို အမေရိကန် ဒုတိယ သမ္မတ သွားရောက်

အမေရိကန်နဲ့ တောင်ကိုရီးယားတို့ဟာ ဟားရစ်ရဲ့ ခရီးစဉ် မတိုင်ခင် အခုသီတင်းပတ် အစောပိုင်း ကတည်းက ပူးပေါင်း စစ်ရေး လေ့ကျင့်မှု တစ်ခုကို စတင်နေပြီး အဲဒီ အစီအစဉ်ကို အမေရိကန်ရဲ့ လေယာဉ်တင် သင်္ဘောကြီး USS Ronald Reaganက ဦးဆောင်ခဲ့ပါတယ်။

ကိုရီးယား ကျွန်းဆွယ်မှာ တင်းမာမှုတွေ မြင့်တက်နေချိန် အမေရိကန် ဒုတိယ သမ္မတ ကာမာလာ ဟားရစ်ဟာ တောင်နဲ့မြောက် ကိုရီးယား နယ်စပ်က စစ်မဲ့ဇုန် (DMZ) ဧရိယာကို သွားရောက်ခဲ့ပါတယ်။

ဟားရစ်ဟာ စက်တင်ဘာ ၂၉ ရက် မနက်ပိုင်းမှာ တောင်ကိုရီးယား နိုင်ငံရဲ့မြို့တော် ဆိုးလ်ကို လေကြောင်းခရီးစဉ်နဲ့ ဆိုက်ရောက်လာခဲ့ပါတယ်။ သူ့ရဲ့ အရှေ့အာရှ ခရီးစဉ်အဖြစ် ဂျပန် ဝန်ကြီးချုပ်ဟောင်း ရှင်ဇို အာဘေးရဲ့ ဈာပန အခမ်းအနားကို တက်ရောက်ပြီးနောက် ဟားရစ်က တောင်ကိုရီးယားကို ခရီးဆက်ခဲ့တာပါ။

ဟားရစ်ဟာ ဆိုးလ်မှာ တောင်ကိုရီးယား သမ္မတ ယွန်ဆွတ်ခ်ယိုလ်နဲ့လည်း တွေ့ဆုံခဲ့ပါတယ်။ ခေါင်းဆောင် နှစ်ဦးဟာ မြောက်ကိုရီးယားရဲ့ ခြိမ်းခြောက်မှုတွေနဲ့ ပတ်သက်လို့ ဘယ်လို ပူးပေါင်း တုံ့ပြန်မလဲ ဆိုတာတွေကို အကျေအလည် ဆွေးနွေးခဲ့တယ်လို့ ယုံကြည်ရပါတယ်။ အိမ်ဖြူတော်ရဲ့ ထုတ်ပြန်ချက်အရ ဟားရစ်ရဲ့ ခရီးစဉ် အတောအတွင်းမှာ ထိုင်ဝမ် ရေလက်ကြားဒေသ ငြိမ်းချမ်းရေးနဲ့ ပတ်သက်လို့ အမေရိကန် အစိုးရရဲ့ သဘောထား မူဝါဒတွေကိုလည်း ထည့်သွင်း ဆွေးနွေးခဲ့ကြောင်း သိရပါတယ်။

နောက်တော့ ဟားရစ်ဟာ DMZထိ သွားရောက်ခဲ့ပြီး လုံခြုံရေး တာဝန်ယူထားတဲ့ တောင်ကိုရီးယား စစ်သည်တွေနဲ့ အမေရိကန် စစ်အရာရှိ တချို့ကို တွေ့ဆုံခဲ့ပါတယ်။ ပြီးတော့ မြောက်ကိုရီးယား ထိန်းချုပ်ထားရာ ဧရိယာဖက်ကို မှန်ပြောင်းနဲ့ လှမ်းကြည့်ခဲ့ပါတယ်။ DMZဟာ ပြီးခဲ့တဲ့ နှစ်ပိုင်းတွေအတွင်း အမေရိကန် သမ္မတ၊ ဒုတိယ သမ္မတတွေ သွားရောက်လေ့ရှိတဲ့ နေရာတစ်ခုလို ဖြစ်လာပါတယ်။ အဲဒီနေရာဟာ ကမ္ဘာပေါ်မှာ အစောင့်အကြပ် အထူထပ်ဆုံး နယ်မြေတစ်ခုလို့လည်း သတ်မှတ် ခံရပါတယ်။

ဟားရစ်က အမေရိကန် အစိုးရဟာ ကိုရီးယားကျွန်းဆွယ်မှာ နျူကလီးယားလက်နက် အလုံးစုံ ဖျက်သိမ်းစေရေး ရည်မှန်းချက်ကိုလည်း မမှိတ်မသုန် ဆက်လက် အကောင်အထည် ဖော်သွားမယ်လို့ ပြောပါတယ်။ သူ့ခရီးစဉ် မတိုင်ခင် တစ်ရက်အလိုမှာပဲ မြောက်ကိုရီးယားဟာ အရှေ့ဖက် ကမ်းလွန် ပင်လယ်ပြင်ကို ဒုံးကျည်နှစ်စင်း ပစ်ခတ်ခဲ့ပါသေးတယ်။ ဒါဟာ ၄ ရက်အတွင်း မြောက်ကိုရီးယားက ဒုံးကျည် ၃ စင်းထိ ပစ်လွှတ်ခဲ့တဲ့ အဓိပ္ပါယ်ပါပဲ။

အမေရိကန်နဲ့ တောင်ကိုရီးယားတို့ဟာ ဟားရစ်ရဲ့ ခရီးစဉ် မတိုင်ခင် အခုသီတင်းပတ် အစောပိုင်း ကတည်းက ပူးပေါင်း စစ်ရေး လေ့ကျင့်မှု တစ်ခုကို စတင်နေပြီး အဲဒီ အစီအစဉ်ကို အမေရိကန်ရဲ့ လေယာဉ်တင် သင်္ဘောကြီး USS Ronald Reaganက ဦးဆောင်ခဲ့ပါတယ်။

You May Also Like

နိုင်ငံတကာ

အမေရိကန် လေတပ်ဟာ စစ်အေးခေတ်မှာ စတင် အသုံးပြုခဲ့တဲ့ B-2နဲ့ B-1 Lancer မဟာဗျူဟာ ဗုံးကြဲလေယာဉ်တွေ နေရာမှာ B-21 အသစ်တွေကို တဖြည်းဖြည်းချင်း အစားထိုးသွားမှာ ဖြစ်ပါတယ်။

နိုင်ငံတကာ

တောင်ကိုရီးယား လေပိုင်နက် အပြင်ဖက်က လေကြောင်း ကာကွယ်ရေးဇုန် သတ်မှတ်ထားရာ ဧရိယာကို တရုတ်လေယာဉ် ၂ စီးနဲ့ ရုရှား လေယာဉ် ၆ စီးတို့ နိုဝင်ဘာ ၃၀ ရက်က ဝင်ရောက် ပျံသန်းခဲ့တာလို့ သိရပါတယ်။

နိုင်ငံတကာ

တရုတ်သာ ရှိရင်းစွဲ မြန်နှုန်းအတိုင်း ဆက်သွားနေရင် ၂၀၃၅ ခုနှစ်မှာ နျူကလီးယားဒုံးကျည် ထိပ်ဖူး အရေအတွက်က ၁၅၀၀ လောက် သေချာပေါက် ပိုင်ဆိုင်နေလိမ့်မယ်လို့ အမေရိကန် ကာကွယ်ရေး ဝန်ကြီးဌာန အစီရင်ခံစာထဲမှာ ကောက်နုတ် ဖော်ပြထားပါတယ်။

နိုင်ငံတကာ

လူမှုကွန်ရက်ပေါ် ရောက်ရှိလာတဲ့ ဓာတ်ပုံတွေ၊ ဗီဒီယိုတွေထဲမှာတော့ အခင်းဖြစ်ရာ နေရာတဝိုက်မှာ ရဲအင်အား အမြောက်အမြား ဖြန့်ကျက်ထားတာ တွေ့ရပါတယ်။