ကေအဲန်ယူ ထိန်းချုပ်နယ်မြေဖြစ်တဲ့ ဖာပွန်ခရိုင် တပ်မဟာ ၅ ဒေသမှာ ဒီဇင်ဘာ ၆ ရက်က စစ်ကောင်စီစစ်ကြောင်းကို KNLAနဲ့ PDF တပ်ဖွဲ့တို့ပူးပေါင်းပြီး ပြောက်ကျားနည်းနဲ့ တိုက်ခိုက်ခဲ့လို့ စစ်ကောင်စီဘက်က ၄ ဦး သေပြီး ၆ ဦးဒဏ်ရာရသွားတယ်လို့ မူတြော်သတင်းစဉ်က ထုတ်ပြန်ထားပါတယ်။
KNLA တပ်မဟာ ၅ နယ်မြေဒေသအတွင်းမှာ PDF တပ်ဖွဲ့က KNLA နဲ့ ပူးပေါင်းပါဝင်ပြီး တိုက်ခိုက်ခဲ့တာဟာ ပထမဦးဆုံးအကြိမ်ဖြစ်တယ်လို့ တပ်မဟာ ပြောခွင့်ရသူ ဒုတိယဗိုလ်မှူးကြီး စောလကယ်ဒိုက ပြောပါတယ်။
ကေအဲန်ယူ ဖာပွန်ခရိုင်အတွင်းက စစ်ရေးအခြေအနေ၊ PDF တပ်ဖွဲ့တွေ ပထမဦးဆုံး ပူးပေါင်းပါဝင်တိုက်ခိုက်လာမှု အခြေအနေနဲ့ စစ်ကောင်စီဘက်က ထိခိုက်ကျဆုံးမှု များပြားလာတဲ့ အခြေအနေတွေနဲ့ ပတ်သက်ပြီး KNLA တပ်မဟာ ၅ ပြောခွင့်ရသူ ဒုတိယဗိုလ်မှူးကြီး စောလကယ်ဒိုကို ဆက်သွယ်မေးမြန်းထားပါတယ်။
